***مـمـلـكـة الـعـشـاق *** كل حلقة ضيف جديد***

[ايمرى شوووو]

شكرا ليكي ندي
وبجد نورتينا ال3 ايام دول



*************************

معانا النهاردهعضو مختلف جدا جدا جدا

عضو.. من اكتر الأعضاء المشاغبين ( قصدي اللى كانو مشاغبين )

عضو عزيز جدا على قلبي شخصيا

محبوب من كل اعضاء الكافيه

ابتدي من الكافيه بمشاكل وطرد وايقاف

إلى ان اصبح من اهم الأعضاء فى الكافيه

معانا ومعاكم

من بكرة لحد يوم الثلاثاء ان شاء الله

العضو المتألق فى سماء الحب والرومانسيه

ايمري شووو

فأهلا ومرحبا ً بيك معانا فى مملكه العشاق

منتظرين اسألتكم وأجاباته معانا

متشكر جداااا يامودى للمقدمة دى ودة طبعاا من زوقك (((بس بردة انا زعلان منك بردة .. وانت فاهم..))))

وربنا يخليك اخ عزيز وصديق اعز

,وشكراااا

[ايمرى شوووو]

اولا احب اشكر مودي علي استضافتو الجميله ديا بس عمري مش فاضي ومشغول ومش هيقدر يدخل نت لمده

انت صح يا اسلام

انا فعلا فى اى وقت ممكن امشى للشرم زى ما قولتلك

لكن انا بالانتظار .. ولحد لما ييجى الوقت أنا معاكم

وشكراا لاهتمامك ياصاحبى

[Mr.Mo0ody]

يا حاج ان شاء الله هنصتادك قبل ما تمشي

جاوب يا معلم


اسئله مسروقه طبعا ً


- هل تؤمن بالحب من أول نظرة؟

- هل يختلف معنى الحب عبر العصور؟


- هل ممكن ان تحب أكثر من مرة؟

-هل يمكن أن يكره الأنسان الشخص بعد أن أحبه؟

نجاح الحب مستحيل أم ممكن , و كم نسبة نجاحه؟
-
هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية

- أيمكن للحب ان يغير مجرى حياتك؟
-
البعد أيخفف المشاعر أم يلهب الأشواق؟

- هل يتغير الحب بعد الزواج؟

- بوجود الحب أيشترط وجود السعادة؟
-
هل الغيرة ضرورية في الحب و ما دورها ؟ سلبي أم ايجابي؟
-
أيهما أخلص الشاب أم البنت؟

[saso164]

ايمرى بجد انسان جميل اوى و رومانسى جدا دا اللى انا حسيته
و عندى شويه اسئله كدا يارب يعجبوك

1- انت دلوقتى عايش قصه حب ؟؟

2- لو حبيبيتك بتعرف اولاد كأصحاب انت هتوافق ولا هتقولها اقطعى علاقتك بيهم ؟؟

3- انت تفضل جواز الحب و لا الجواز التقليدى ؟؟و ليه ؟؟

4- هل التقل مطلوب في الحب ؟؟

5- ايه الحكمه اللى بتؤمن بيها ؟؟

6- ( اللى بعيد عن العين بعيد عن القلب ) ايه رايك في المقوله دى ؟؟

7- ترضى ان اختك تحب صاحبك ؟؟

8- ايه اكتر مقطع من اى اغنيه بتحبه اوى ؟؟


يارب اسئلتى تعجبك و تكون خفيفه عليك
اختك : سارة

[ايمرى شوووو]

يا حاج ان شاء الله هنصتادك قبل ما تمشي

جاوب يا معلم


اسئله مسروقه طبعا ً


- هل تؤمن بالحب من أول نظرة؟

ايوة طبعااا ... بس مسموش حب يامودى بيبقى اعجاب .. بالشكل او الشخصية نفسها ..يعنى حاجة بتشدك فيها .. لكن كلمة حب من اول نظرة دة مبالغ فيها شوية .. فى البداية طبعاا اعجاب وبعدين الاعجاب دة بيطور لحب .. والحب لعشق وهكذا .. ايوة ممكن دة كلة يكون بمدة قصيرة عشان كدة بنسمية حب من اول نظرة
- هل يختلف معنى الحب عبر العصور؟

عمرة مايختلف ابدا من بداية الخلق وحب ادم لحواء الى الان وسيظل مفهوم الحب الحقيقى وخد بالك بقولك الحقيقى هو مفهوم واحد لحد نهاية الحياة

- هل ممكن ان تحب أكثر من مرة؟

بص يامودى ... الحب الحقيقى اللى بجد عمرة ما بيتكرر فى حياة الواحد .. هو بيبقى مرة واحدة بس .. وانت عارف هقولك حاجة ..الحب الحقيقى اللى بجد هو الحب اللى بييجى بعد سن 22 فيما اعلى بجد دة بيبقى الحب الحقيقى اللى بجد لان بجد بتبقى خلصت مرحلة المراهقة اما مراهقة مدرسية او مراهقة جامعية .. لان بصراحة حب المدرسة او الجامعة انا مش بعتبرة حب لاللالا دة يعتبر تمهيد للحب الحقيقى اللى جاى ..بس فية حاجة تانية ان لو حب الجامعة دةاستمر لبعد انتهاء الجامعة بيبقى بجد هو دة الحب الحقيقى اللى مبيتكررش فى العمر كلة غير مرة واحدة بس.... (((ودة رأيى الشخصى اللى ممكن يختلف مع أراء تانية)))


-هل يمكن أن يكره الأنسان الشخص بعد أن أحبه؟

صعب خالص الكلام دة ديمااااا بيفضل مكانة بالقلب محفوظ لة بس

نجاح الحب مستحيل أم ممكن , و كم نسبة نجاحه؟
-
نجاح الحب لحد ما يصل للنهاية اللى الطرفين بيتمونها هو مش مستحيل خالص بس دايما بيبقى الطريق مليان بالاشواك وطول ما كان حبهم كبير دايما بيمروا من اى صعب ويتحملوا


هل يمكن أن يستمر الحب في حال تغير الطرف الآخر من نواحي :

أ- عاطفية ب- غير عاطفية

طول ماكن الحب بجد صادق ومن القلب للقلب عمرة ما يتأثر بأى حاجة ولو حصل اى خلاف كان بين الاتنين اللى بيحبوا بعض اكيد بياخد فترتة وبيعدى الخلاف ويرجعوا اكتر من الاول يحبوا بعض

- أيمكن للحب ان يغير مجرى حياتك؟

عن تجربة شخصية بجد يامودى ..فعلا غير مجرى حياتى 360 درجة .. طبعااا للأحسن .... والفضل كلة ليها
-
البعد أيخفف المشاعر أم يلهب الأشواق؟

البعد .... كلمة بيلهب الاشواق دى اااقل وصف بجد للى الواحد فية ..ز البعد .. دة لة معنى تانى بصراحة والله مش لاقيلة وصف.... ربنا مايكتب البعد والفراق على حد ابداااا

- هل يتغير الحب بعد الزواج؟

ابدااا ... طالما كان الزاواج عن حب كبير بين الطرفين ...

- بوجود الحب أيشترط وجود السعادة؟

ههههههههههههههه ... سؤال بصراحة الطفل فى بطن امة ممكن يجاوب علية فسمحلى مش هجاوب
-
هل الغيرة ضرورية في الحب و ما دورها ؟ سلبي أم ايجابي؟

الغيرة .. دى اهم حاجة فى الحب .. زى الملح للاكل .. دى بجد اللى بتدى الحب طعم خاص وجميل ... وطبعااا دورها بيبقى سلبى وايجابى فى نفس الوقت .. سلبى طبعاا لو ادت لضياع للحب نفسة .. وايجابى لانها بتزود الاشواق وبتعرف الطرفين اية الحب كبير اوووى ما بينهم
-
أيهما أخلص الشاب أم البنت؟ الاتنين أكيد

وشكراااا ليك يامودى ... دومت دائما فى حفظ الرحمن

[ايمرى شوووو]

ايمرى بجد انسان جميل اوى و رومانسى جدا دا اللى انا حسيته
و عندى شويه اسئله كدا يارب يعجبوك

انا متشكر جداا ساااارة للكلام الجميل دة ودة طبعااا من زوقك ... اتفضلى

1- انت دلوقتى عايش قصه حب ؟؟

ايوة انا جوايا حب لأنسانة . اسف مش لأنسانة لالالا دى اكبر من كدة بكتير اوى اوى دى بجد والله ااقل وصف ليها ملاك ...انا جوايا حب ليها والله صعب وصفة بالسطور او حتى بالكلام .. ربنا بس اللى عالم .. ويارب يسعدها دايمااا

2- لو حبيبيتك بتعرف اولاد كأصحاب انت هتوافق ولا هتقولها اقطعى علاقتك بيهم ؟؟

اولا الثقة مطلوبة جدااا .. لكن زى مانتى عارفة جوا كل واحد فينا غيرة بجد بتخلية يضايق جداا من الصحوبيات دى .. ودة دليل لحب كبير للحبيبة

3- انت تفضل جواز الحب و لا الجواز التقليدى ؟؟و ليه ؟؟

طبعاا جواز الحب بلا منازع ودى حاجة لايختلف عليها اتنين ابدااا... بس ممكن ييجى الوقت اللى الدنيا بتجبرك على الجواز التقليدى ووقتها بجد ممكن نقول ((( الجواز حاجة .. والحب حاجة تانية خالص ... ودى حاجة انا مقتنع بيها))))

4- هل التقل مطلوب في الحب ؟؟

مطلوب بس بدرجات .... يعنى ياريت لا يزيد عن العادة علشان بيقلب بجد بخنقة ... لكن التقل اللذيذ اللى بيشعلل الاشواق دة هو المطلوب

5- ايه الحكمه اللى بتؤمن بيها ؟؟

ورزقك لاينقصة التأنى...وليس يزيد فى الرزق العناء


6- ( اللى بعيد عن العين بعيد عن القلب ) ايه رايك في المقوله دى ؟؟

مقولة فاشلة فاشلة ... وعن تجربة شخصية ... بجد اللى فى القلب هيفضل دايمااا فى القلب

7- ترضى ان اختك تحب صاحبك ؟؟

صاحبى يصارحنى ويتقدم ليها .... غير كدة لا

8- ايه اكتر مقطع من اى اغنيه بتحبه اوى ؟؟

مش مقطع لالالا ... هيا اغنية

الحنان فى الدنيا دة كلة اية ؟؟ جنب ثانية حبيبى انت كنت فيها
مقدرش أقول انت لية بعدت لية ؟؟ كل حاجة فى الدنيا تبعد بناديها
هاعيش لمين بعدك حبيبى؟ دة انا كنت عايش ليك مش ليا
اة والله بعدك حبيبى كسر حاجات كتيرة فيا


انا شفت معاك حنية الدنيا دى كلها و عشت معاك ايام عمرى ما عشتها
لو كان بأيدى حبيبى اجيلك كنت جيتلك من وقتها !!
ما انت اول حب ليا كان بين ايديا و الحنان كان كلة فيك
كل يوم بشوف زمان حبيبى و ذكراياتنا مع بعضنا
و الى كان بنا و كان و حكايات ياما كانت بتضمنا
هاعيش لمين بعدك حبيبى؟ دة انا كنت عايش ليك مش ليا
اة والله بعدك حبيبى كسر حاجات كتيرة فيا
انا شفت معاك حنية الدنيا دى كلها و عشت معاك ايام عمرى ما عشتها
لو كان بأيدى حبيبى اجيلك كنت جيتلك من وقتها !!
ما انت اول حب ليا كان بين ايديا و الحنان كان كلة فيك


يارب اسئلتى تعجبك و تكون خفيفه عليك
اختك : سارة

متشكر جدا ليكى سارة ... دومتى بحفظ الرحمن

[Mr.Mo0ody]

اجاباتك جميله فعلا يا ايميري

واستناني هجيبلك شوه اسئله كمان

[saso164]

بجد الاجوبه جميله اوى اوى يا ايمرى
و بجد بتمنالك من قلبى حياه سعيده مع حبيبتك
و في حياتك كلها

[ايمرى شوووو]

اجاباتك جميله فعلا يا ايميري

واستناني هجيبلك شوه اسئله كمان

متشكر ليك يامودى .......

_______________

شكرا ليك بجد يامودى وكفاية ياباشا الاسئلة لحد كدة وكدة مبة مبة وزى الفل .. وانا اكتفيت بالاسئلة دى اللى انت سألتها انت وسارة وربنا يخليكم ... واتفضل ادى الفرصة لغيرى انة يتسأل والف شكر لاختيارك ليا يامودى


______________________________

بجد الاجوبه جميله اوى اوى يا ايمرى
و بجد بتمنالك من قلبى حياه سعيده مع حبيبتك
و في حياتك كلها

ربنا يكرمك بالخير ياسارة وربنا يخليكى وشكرا ليكى ودة من زوقك ..

[كابوس الحرامية]

والله منور يا ايمري

انا حسالك سؤال واحد شوفت انا طيبة ازاى

انت مجوبتش على الاسئلة الاجبارية ليهها؟