***مـمـلـكـة الـعـشـاق *** كل حلقة ضيف جديد***

**never back down** · 25 - 5 - 2009, 12:24 AM

انا بحييك يا شريف على ردودك الممتازه للأسئله
وبحييكى يا نهى على تكوينك للسؤال بطريقه جميله

الســـــؤال الثالث:هل الحب من اول نظرة حب ساذج من وجهة نظرك؟

لالالا طبعا بالعكس بدليل انك بتنجذب للـ قدامك من اول نظره

دا يدل ان فيه ارتباط روحي وتوافق

وحبي الوحيد كان من اول نظره

**never back down** · 25 - 5 - 2009, 12:25 AM

طالب / اكاديمي تخصص اداره اعمال كمبيوتر
أكاديمية ايه يا شريف ؟

**كابوس الحرامية** · 25 - 5 - 2009, 12:34 AM

مرسي يا سحس واضح انك معجب بالسؤال دة خده معاك وانت ماشي ومستنين رد شريف ويا عم روح جهز ستين سبعين سؤال كدة لشريف

**Sherif _S_a_s_a** · 25 - 5 - 2009, 12:49 AM

طالب / اكاديمي تخصص اداره اعمال كمبيوتر
أكاديمية ايه يا شريف ؟

اكاديميه انجلترا الحديثه

مقرها الرئيسي هناك في انجلترا وليها مقر هنا

**

روح جهز ستين سبعين سؤال كدة لشريف

طيبه قوي نهي

هههههههههههههههههههه

**fatma86** · 25 - 5 - 2009, 01:11 AM

انا عارفه انى اتا خرت فى الدخول على التوبيك ده
بس بصراحه فكرة حلوة جدا يا شيري وافكارك دايما حلوة
وبجد انا اول ما قراته كنت حاسه انى نفسي اشوفك واتعرف عليك
المهم ربنا يخليكوا لبعض انتى وعلى
وربنا يوفقكوا
وانت يا شريف ان شاء الله تحب جديد وانسان تستاهل حبك ليها
وان شاء الله اكيد هاكون معاكوا وهتابع الموضوع دايما
ومعلش انا مش هقدر اسالك بس عايزاك تجاوب على نفس الاسئلة الللا توجهت لشيري

**Mr.Mo0ody** · 25 - 5 - 2009, 01:51 AM

منورنا والله يا شريف ( وعلى فكرة تعليمك زيي )

ومنورانا طبعا طبعا يا نهي

وكل اللى متواجدين معانا فى حلقاتنا

واستنى عليا شوية كده يا عم شريف علشان الست نهى خلصت كل الأسئلة

**شيري العسولة** · 25 - 5 - 2009, 11:19 AM

اولا احب اشكرك يافاطمة لكلامك الجميل ويسلملى ردودك ياسكره واكيد احنا بقينا اصحاب خلاص
وتسلمى حبيبتى لدعائك الجميل ده ويارب تكونى سعيده دايما

انا جيت استعد بقى يا شريف

1_ اية اكتر حاجة توجع من الحبيب ؟

2_ لو الظروف اضرتك تسيب حبيبتك ياترى هاتسيبها وتنسي حبك ؟ واية الظروف القوية اوى دى اللى ممكن تخليك تسيب حبيبتك ؟

3_ اية رأيك فى الغيرة ف الحب ؟

4_ لو غيرتك خنقت حبيبتك تعمل اية ؟

5_ ممكن اعرف السبب اللى خلة قصة حبك خلصت ؟؟

6_ لما حبيبتك تزعل منك اية اللى ممكن تعملوا علشان ترضى ؟

7_ اية رايك فى اللى عايزين يعملوا سي السيد مع حبيبتهم ؟ وانت بتعمل سي السيد بردو ؟؟

8_ لو عرفت ان حبيبتك كدبت عليك ولما عرفت تقولك انا قولتلك وانت ناسي تعمل اية واية تصرفك معاها ؟؟؟

بس كفاية وهارجعلك تانى بس جاوب على دول الاول
مستنياك يا شريف

**never back down** · 25 - 5 - 2009, 12:29 PM

حاضر يانهى هديه مقبوله
ماذا يحدث لو ...؟ (اجبارى ) 5 درجات
لو حبيبتك طلبتها كتير طول مانتوا ماشيين تقولك عاوزه كراتيه عاوزه بيسبسى عاوزه مش عارف ايه .. انت ساعتها هاتعمل ايه ؟
لو انت معجب بواحده وجت اللحظه المناسبه اللى انت هاتئولها فيها ..فاجأه لقيتها بتقولك انا معجبه بواحد زميلك .. هاتعمل ايه برده ؟
لو واحده جت قاليتلك انا معجبه بيك.. ردك ليها هايكون ازاى ؟
لو جه واحد قالك انا معجب بالبنت دى وهيا كانت جت وقالتلك انا معجبه بيك ..ردك ليه هايكون ازاى ؟

**Sherif _S_a_s_a** · 25 - 5 - 2009, 04:42 PM

سوري ع التأخير لسه صاحي اصلا

تعبان شويه

انا جيت استعد بقى يا شريف

ربنا يسهل

1_ اية اكتر حاجة توجع من الحبيب ؟

الاهمال

2_ لو الظروف اضرتك تسيب حبيبتك ياترى هاتسيبها وتنسي حبك ؟ واية الظروف القوية اوى دى اللى ممكن تخليك تسيب حبيبتك ؟

ممكن للأسف ممكن اي ظروف في صالحها ممكن اوي تخليني اسيبها

3_ اية رأيك فى الغيرة ف الحب ؟

الغيره زي ما قال شكسبير وحش ذو عيون خضراء

عيونه خضرا يعني جميل بس وحش

4_ لو غيرتك خنقت حبيبتك تعمل اية ؟

مش هعمل للأسف دا بيبقي طبع

وانا عندي الغيره دي حساسه شويه بس لو لاحظت انها بدأت تتخنق منها

هحاول اكتم شويه

5_ ممكن اعرف السبب اللى خلة قصة حبك خلصت ؟؟

دا سؤال مثير اوي

اولا قصه حبي عايشه معايه لحد دلوقتي

انتهت العلاقه والسبب

اعفيني من ذكر السبب معلش يا شيماء

6_ لما حبيبتك تزعل منك اية اللى ممكن تعملوا علشان ترضى ؟

كنت ممكن اعملها اي حاجه

لو حتي علي حساب راحتي او عكس تفكيري

7_ اية رايك فى اللى عايزين يعملوا سي السيد مع حبيبتهم ؟ وانت بتعمل سي السيد بردو ؟؟

لالا خالص بأمانه انا بحب جدا المشاركه والمساواه

ونكون واحد في كل شئ زي ما انا ليا وجه نظر هيا ليها

وزي ما انا عايز هيا عايزه

وفي الاخر احنا الاتنين واحد

8_ لو عرفت ان حبيبتك كدبت عليك ولما عرفت تقولك انا قولتلك وانت ناسي تعمل اية واية تصرفك معاها ؟؟؟

هتستغربي

بس لو عملت كده من ممكن اوي يكون انتهاء قصه الحب الـ بينا

علشان اولا عمري ما هرتبط بواحده فيها اي صفه انا مش بحبها

والصفه دي طبعا انا بكراها الـ ابعد الحدود الكدب دا

**

ميرسي كتير شيري للأسئه المثيره والجميله دي

__

**Sherif _S_a_s_a** · 25 - 5 - 2009, 04:48 PM

ماذا يحدث لو ...؟
لو حبيبتك طلبتها كتير طول مانتوا ماشيين تقولك عاوزه كراتيه عاوزه بيسبسى عاوزه مش عارف ايه .. انت ساعتها هاتعمل ايه ؟

ههههههههههههههههه

ربنا يسعدك زي ما ضحكتني

مش هخليها تقول كتير علشان قبل ما تطلب هلبي الطلب

لو انت معجب بواحده وجت اللحظه المناسبه اللى انت هاتئولها فيها ..فاجأه لقيتها بتقولك انا معجبه بواحد زميلك .. هاتعمل ايه برده ؟

ممكن اساعدها انها تبين مشاعرها لزميلها دا

وهبعد خالص عن حياتها

لو واحده جت قاليتلك انا معجبه بيك.. ردك ليها هايكون ازاى ؟

دلوقتي

بصراحه هقولها روحي يا ماما العبي بعيد

لو جه واحد قالك انا معجب بالبنت دى وهيا كانت جت وقالتلك انا معجبه بيك ..ردك ليه هايكون ازاى ؟

من الاخر كدا علشان ميتصدمش

هقوله انها قلتلي كده وبالتالي انها مش بتحبك

يتصدم في الاول احسن ما يدخل معاها في قصه حب فاشله

**

ميرسي كتير لمشاركتك واسئلتك الجميله

___

الموضوع: مـمـلـكـة الـعـشـاق كل حلقة ضيف جديد***

أدوات الموضوع

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة

الموضوع: ***مـمـلـكـة الـعـشـاق *** كل حلقة ضيف جديد***