مساطيل X مساطيل

[lord9005]

* واحد مسطول عزم صاحبه على العشا فى شقته وقبل العزومة قرر يفرجه على الشقة وبدأ يشرح له ويقول .. هنا السفرة وهنا اوضة النوم ودى مراتى واللى نايم جنبها ده أنا .

* واحد مسطول راح مطعم وقال لصاحب المطعم : سنتدوتش طعمية من غير سلطة قوطة صاحب المطعم مسطول هو كمان فقاله ماعنديش سلطة قوطة اعمله من غير سلطة طحينة .

* جماعة مساطيل بيتفرجوا ع الأخبار .. فنشرة الأخبار طولت راح الأولانى قال للتانى : هى نشرة الأخبار طولت ليه النهاردة كده ؟ راح رد التانى عليه وقاله : معلش أصل شكلها كده أخر حلقة .

* مرة مسطول اتصل على بيت وقال محمد موجود فقالوا الرقم غلط قالهم .. طيب بتردوا ليه .

* مسطول بيسأل صاحبه المسطول إيه أسماء إخواتك الشباب ؟ قاله : كلهم محسن إلا أحمد أسمه تامر .

* مرة مسطول بيصطاد سمك حط حشيش بدل الطعم طلعتله سمكة بتقول : أنا حوووووووت .

* مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى المهم راحو يسلموا فالتانى قاله اقعد اقعد اهم جايين يسلمو علينا .

* مسطول اتصل بخطوط الطيران يحجز تذكرة ، قاله الموظف : ذهاب واياب ؟ قال له : لا خروج المغلوب .

* اتنين مساطيل ماشيين في الشارع واحد وقع في البلاعة التانى راح إستناه عند الحنفية .

* مرة حرامى دخل على واحد مسطول البيت قاله هات فلوسك والا هقتل مراتك قام الرجل قعد يضحك .... الحرامى قتل مراته وقاله هات الفلوس قبل ما اقتل ابنك الرجل قعد يضحك.....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟ قاله اطلع من دول يا ابراهيم يا نصر .

* واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين .

* مره مسطول بيحشش بيقول لصاحبه امبارح جيت اسحب نفس قالوا لى ملكش رصيد .

* مسطول بيقول لصاحبه نتقابل الجمعة ان عشنا و كان لنا عمر قال له ولو ماعشناش .. قال له يبقى نتقابل السبت .

* مسطول شاور لتاكسى قال له فاضى ؟ قاله ايوه قاله طيب انزل نتكلم شوية .

* مسطول سمع عن عيد الحب ، راح يسأل بيصلوا العيد فين .

* مسطول قاعد يقرا اسماء الأموات فى صفحة الوفيات ويقول : يارب يارب مايكون اسمى فيهم .

* مسطول سواق تاكسى واحدة قالت له عايزة اروح السوق , قال لها روحى بس اوعى تتأخرى .

* مسطول بيصلى جنب واحد اسمر الامام قال استووا ، رد قال له كلنا استوينا بس فيه واحد اتحرق .

* مسطول قاعد مع واحدة بتقول له انت شجاع ؟ قال لها طبعا انا من شهداء حرب أكتوبر .

* مسطول اتصل بشركة طيران يسألهم كم تستغرق الرحلة من القاهرة لباريس ؟ رد الموظف لحظة واحدة فقاله شكرا وقفل السماعة .

* مسطول بيقولوا له تصور فى الصين عندهم مولود كل دقيقة ، قال لهم صح هوه ده التقدم , مش احنا كل 9 شهور .

* مسطول بينزل من عربيته لقى الدنيا بتمطر قفل الباب ونزل من الباب التانى .

{ يارب تكون النكت عجبتكم }

[lord9005]

فين الردود الحلوة ياجماعة
ولا النكت ما عجبتكوش

[بنوتة الأحلام]

ايه الجمال ده كله مرسى اوى

[lord9005]

ايه الجمال ده كله مرسى اوى

ميرسى على مرورك الجميل يا جميلة

[doo]

ايه الجمال ده كله مرسى ههههههههههههههههههههههههه هههه

[lord9005]

مشكور على مروركم الجميل

[no.sence]

[BARCAWYAHLAWY]

ايه الجمال ده يا راجل دانت فظيع سخسختني من الضحك

[رحيل القمر]

ههههههههههههههههه تسلم ايديك النكت حلوة اوى مرسى كتير

[فــــارس الكافيه]

ههههههههههههههههههه حلو يا لورد تسلم الايادى يا معلم