ايه حكاية هيفاء وهبى مع مراتى ؟؟؟؟؟؟؟

[الجشع]

تعالوا نتعرف على اخر اخبار هيفاء وهبى

مع كل التقدير لهيفاء وهبي فأرجوأن يتسع صدرها‏,‏ أكثر شويه وتتحمل وجهة نظر مختلفة شوية عن وجهات النظر اللى بتلاحقها إينما ذهبت‏..‏ ولنتأمل سويا أغنيتها الاخيرة‏.‏ بوس الواوا حيث هي في الأغنية أم تدلل ابنها الصغير الغارق في الشامبو والشيكولاتة وفقاقيع الصابون‏..‏وبغض النظر ـ إن استطعتم ـ عن ملابس هيفاء اللى مش كويسة أمام طفل لايزال في مرحلةالرضاعة إلا أن طريقتها في تدليل الطفل المحظوظ سيكون لها نتيجة من اثنتين‏..‏ إماأن الطفل سيصاب بحالة نمو مبكر وبالتالي لن يعيش طفولته وإما أنه لن ينفطم أبداوسيظل طفلا مدي الحياة‏..‏ حد يسيب الدلع ده كله ويروح الحضانة ولا المدرسة‏!!‏الواد ده

ح يقضيها منازل‏,‏ ولقد تأثرت كثيرا لحال هذا الطفل لدرجة أنني فاتحت زوجتنا ذات مرة ونحن نشاهد بوس الواوا‏..‏ أنا نفسي نتبني الولد ده‏..‏ فنظرت نحوي بغرابه وقالت‏..‏ واشمعني بقه الواد ده‏..‏ قلت لها عشان أعوضه الحنان اللي أنا مش لاقيه‏..‏
فلاش باك سريع يستعرض طفولتي وأنا في سن الواد ده‏..‏ حينما كان أهلي يدللونني‏..‏ بقلمين علي وشي أو قرصة في لباليبي أو قفا حلو كده علي خفيف أحيانا شلوت في السريع‏..‏ في اعجاب واضح من السيد الوالد بنبوغي المبكر‏..‏ ولما عورت نفسي كأي طفل شقي في هذا العالم‏.. ‏لم يقل لي أبي "بوس الواوا" وإنماخلع الحزام وهات ياضرب‏..‏ بتعور نفسك يا أهبل‏..‏ وأنا أصرخ‏..‏ آه‏..‏ آه كفاية‏..‏ حرمت‏..‏ وهكذا علي صوت صراخي ينتهي فلاش بكائى لأعود للمقال أو بمعنى ادق للكليب‏,‏ حيث نام الطفل البريء الذي أحقد عليه من كل قلبي‏..‏ علي ركبتيها وقد بدا عليه الارهاق من كتر الدلع‏..‏ وهي تملس علي شعره بحنان‏..‏ لدرجة أن الدمعه فرت من عيني‏..‏ وإذ برجل يطرق الباب في هذه الساعة‏..‏ من بالباب؟‏!‏ واضح من نظرته أنه ليس أبو الطفل طبعا‏..‏ ماهو لو كان أبوه‏..‏ كان طلع يبص ع الواد ابنه مايقفش تحت‏كده فى الشارع ..‏قلت ربما ارادت هيفاء أن تستعين بصديق فاذا بها تنزل بفستان أحمر حكاية‏..‏ والواد في ايدها‏..‏ مع انه كان نائما منذ لحظة واحدة‏..‏ طفل رضيع ياناس يخرج في انصاص الليالي ويسهر في ديسكو وأنا قاعد في البيت زي قرد قطع؟‏!‏
ثم تتركه هيفاء مع الرجل اللي مش طايق الطفل ولا طايق منظره من أول لحظة‏..‏ وتطلع هي علي البيست لترقص وتغني بوس الواوا‏..‏ ويصهلل الواد آخر صهلله‏..‏ وتنتهي السهرة قبل الفجر‏..‏ويعود الثلاثة‏..‏ الصديق الذي أخذ بومبة والليلة راحت ع الفاضي‏..‏ وهي تبتسم فبخبث جميل عشان المقلب اللي عملته في الراجل‏,‏ أما طفلنا فقد كسب الجولة وعمال يدي الراجل علي قفاه طول السكة‏,‏ولقد تأثرت كثيرا لحال هذا الرجل لدرجة أني فاتحت زوجتنا ونحن نشاهد "بوس الواوا" أنا نفسي أقف جنب الراجل ده‏..‏ فراحت بصالى"حتة دين بصه " وقالت تقف جنبه فين‏؟..‏ قلت لها في المرمطة اللي هوه فيها دي‏..‏ قالت زوجتناوانت تعرفه منين‏؟..‏ قلت لها‏..‏ اعرفه طبعا‏..‏ اعرفه كويس‏..‏ ده صاحب "رجب" نظرت نحوي مندهشة وقالت‏..‏ رجب مين؟ قلت لها هي مش غنت لرجب وقالتله حوش صاحبك عني أهو ده بأه يبقي صاحب رجب بس رجب مقدرش يحوشه عنها لأنها اساسا نفضت لرجب وقلبته‏.‏ فيه حد سامع حاجة عن رجب دلوقتى ؟‏!‏ خلاص‏..‏ أخد يومينه واتكل علي الله‏..‏ قالت زوجتنا انت مش ملاحظ أن دي تاسع مرة نتفرج علي الأغنية دي؟؟‏,‏ قلت لها لانها عامرة بمشاعرالأمومة وانت عارفه أن دى نقطة ضعفي‏..‏ قالت في غيظ أمومة ايه ياخويا ؟؟الوادمستحمي بميه سخنه ومنزلاه بالليل في عز البرد‏..‏آه من نسوان اليومين دول.. يشغلوا نفسهم بأمور صغيرة ملهاش معني ‏..‏ الست تقوم بواجبها علي أكمل وجه‏..‏ البيبي أخدالشاور بتاعه وحكت له حدوته قبل النوم وحجزت له ترابيزة ع البيست في أحسن نايت كلوب‏..‏ ح تقطع نفسها‏ ..‏ولقد تأثرت كثيرا لحال هيفاء وهي تحاول أن توفق بين واجباتها المنزلية واعبائها الأخري لدرجة أنني فاتحت زوجتنا ذات مرة وأنا اشاهد بوس الواوا للمرة الخمسمائة‏..‏ وقلت لها‏..‏ أنا عاوز أطلعها في برنامج الست دي أمي‏..‏ فنظرت نحوي بغيظ و‏..........:
‏ لا لم تقل شيئا هذه المرة‏..‏ كان جنبها فازه‏..‏أمسكت بها و‏..‏ خد‏..‏ بوس الفازة‏..‏ بوس الفازة‏..‏ ليك الفازة‏..‏آه‏..‏ اعزائي‏..‏ دي لا يمكن تكون فازة ده صاروخ كاتيوشا نزلغلط علي دماغي‏...

مع تحيات الجشع

[طيف عابر]

بصراحة عندها ومعها كل الحق مش تضربك بالفازة لا وتخليك تنام برة البيت كمان



بس فعلا الموضوع بينتقد الكليب واثره عالاطفال والسلبيات الكتيرة الموجودة فيه
اما الكبار فواضح مبسوطين وفرحانين

[dr_manoon]

مرسى يا جميل على الموضوع ده وياريت متعقدش نفسك
يلا حظوظ ناس وناس هههههههههههه

[memo911]

موضوع جامد جدا

[BA7IBAK YA BOY!]

ههههههههههههههههه

يا نهار ابيض

والله تستاهل اللي اتعمل فيك

فعلا الاغنيه دي حتبوظ اطفال كتير جدا

كل واحد انا مالي عايز اغنيه بوس الواوا

بوس واوا ايه كاتك وكسه يا واد روح الحضانه

هههههههههههههههههههههه

بجد موضوع تحفه وعثل خالص

بس علي فكره هيفاء في الاغنيه مكنش الولد ابنها دي كانت الداده بتاعته كمان تخيل ههههههه

تسلم يا جميل علي الموضوع