مالي مزاج احب غيرك واحاكيه....

[elmagicer]

طالبك خذ قلبي معك لا تخليه
اخذه ترى ماعاد لي فيه حاجه

لا صرت عني مبعد إيش أبي فيه
خله معك مادام صعب نتواجه

اول خفوقي صوتك العذب يحييه
واليوم ماحصلت غير انزعاجه

نوره طفى من عقب ماكنت مضويه
عقبك خفوقي بات مطفي سراجه

مالي مزاج أحب غيرك وأحاكيه
حتى لو إني كنت داخل مزاجه

غلاك مهما كان ماني بناسيه
منساه لو غيرك ضحك لي حجاجه

أنت بحياتي وين مارحت ألاقيه
ألقاك في حزن العمر وابتهاجه

أموت في جرحك وأحبه وأداريه
وخايف مع الايام ألقا علاجه

كن النظر من يوم ماغبت معميه
احرجت قلبي وأنت سبة إحراجه

كمل جميلك طالبك لا تخليه
اخذه ترى ماعاد لي فيه حاجه

[شيري العسولة]

يسلم مجهودك الجميل