الحمام المحشى وصل يا بنات

[memo911]

المقادير:
حمام وطبعا العدد حسب الرغبة لكن المهم انه يتنظف كويس ولازم تسيبوا الرقبة يعنى عند التنظيف نقطع الرأس فقط و نترك الرقبة
أرز مغسول ونتركه يتصفى
بصل مبشور مع ملح و فلفل و بهارات
قليل من السمن يعنى حوالى معلقة متوسطة
بصلة صغيرة للسلق
ماء للسلق
الطريقة :
نقلب الأرز مع البصل المبشور وعلية الملح و الفلفل و البهارات و قطعة السمن ثم نضعهم فى حلة و نضعهم على النار حتى يتغير لون الأرز و يصبح أصفر نطفى علية
بعدها نتركة شويه لمل يبرد و نجيب الحمام و نحشيه بالأرز مع مراعاة اننا ما نملاش الحمام للآخر يعنى نسيب شوية
بعد الحشو نقفل الحمام جيدا من تحت و من فوق ممكن بخلة أو بالكبدة بتاعة الحمام يعنى من فوق نقفلة بالرقبة و من تحت بالكبدة
بعدها نجيب اناء ونضع فى ماء و نتركة حتى يغلى ثم نضع فيه الحمام و نضع شوية فلفل و البصله الصغيرة نضعها كما هى بس طبعا بعد تقشيرها و غسلها
و نسيب الحمام يستوى بعد ما يستوى ننقله فى صينية و نضع علية زبد وممكن الاستغناء عنها و نضعة شوية فى الفرن ليحمر و بالهنا و الشفا
ملحوظو هاااااااامة : يمكن استبدال الأرز بالفريك مع مراعاة نقع الفريك لمدة نصف ساعة قبل الاستخدام ثم نتبع نفس الخطوات السابقة

[طيف عابر]

شكرا كتير ميمو على الوصفه اللزيزة

[memo911]

شكرا كتير ميمو على الوصفه اللزيزة

العفو على ايه يا طيف
شكرا على المرور يا طيف

[الجشع]

الله يصلح حالك ميمو
فتحت نفسى على الاكل
مع انى و الله لسه واكل" بط" من شوية
تسلم ايدك على الطعامة دى
ملحوظه: انما الحمام عندكم كبير ولا انا اللى بيتهيقلى

[memo911]

الله يصلح حالك ميمو

فتحت نفسى على الاكل
مع انى و الله لسه واكل" بط" من شوية
تسلم ايدك على الطعامة دى

ده انت كده تبقا جشع بجد

ملحوظه: انما الحمام عندكم كبير ولا انا اللى بيتهيقلى

دى صوره والاصل مش زاى الصوره

[cinderella sh]

اكله ممتازة ايه الحلوه دى بجد مفيش بعض كده شكراااااااااااااااااا يا ماااااااااااااااااااااااا ااان
يا جاااااااااااااااااااااااا اااامد

[BA7IBAK YA BOY!]

يالهوووووووووووي

ايه يابني ده

حرام عليك

هي دي بلاستك ولا بجد ههههههههه

جوعتني ولا الله

تسلم ايدك علي الوصفه يا جميل

[كلمـــــــــــــــــات]

انا جوعت جدا بسبب الموضوع دا

تسلم ايدك

[dr_manoon]

جامده جداااااااا كلنا معزومين عندك شكلنا كده مفتقدينك ياميمو والله يارب تيجى بالسلامه

[Serag Magdy]

تصدق بقي يا ميمو انت بتهرج
امال سيبت للبنات ايه يا جدع؟
ولا اقولك
خليهم علي الله يطمر فيهم
تسلم يا جميل ع الوصفة دي
دي وصفة سهلة
دي وصفة هاييلة