طرق متعددة من الجمبرى وبلصور كمان

[mona roshdi]

انا جيبالكم النهاردة اكتر من طريقة للجمبـــــــــرى

كفتة الجمبرى بالارز

المقادير

كيلو جمبرى مقشر
كوب ارز مطحون
ستة فصوص ثوم
بصلة
ملح -فلفل اسود ناعم-كمون- شطة
خضرة (بقدونس -كسبرة شبت )
ولعمل الصلصة ( كوبان طماطم - ثوم- وزيت )

الطريقة

-افصلى ربع كمية الجمبرى واخلطى الباقى مع كل المكونات واضربيهم فى الكبة
2-دقى ربع كمية الجمبرى دق خفيف وضفيهم الى الخليط واعجنيهم
3- يشكل اصابع ويقلى فى الزيت
4-نصف الكمية تقدم فى طبق مع البقدونس
5- والباقى يوضع فى صلصة الطماطم
6-لعمل الصلصة (سخنى قليل من الزيت ويضاف الثوم المفرى حتى يصفر ضيفى الطماطم وتبليها
بقليل من الملح والفلفل والكمون وشطة حسب الرغبة ) 1



يقدم هناء والعافية..

الجمبرى المقلى
المقادير :
روبيان مقشر والكميه على حسب عدد الافراد بس وانت بتقشريه احرصي على ترك الذيل سليم..

التتبيله ..

عبارة عن ملعقه ثوم مفروم/ملعقه مايونيز/رشه فلفل اسود وكمون وكزبرة جافه/ملعقه صغيرة ملح/عصير ليمونه

وتترك في التتبيله على الاقل ساعتين.

ثم تغمس في الدقيق والبيض والبقسماط ..

وبعد ذلك يقلى في زيت غزير وحارالى ان يصبح ذهبي اللون .. ثم ينشل من الزيت ونتركه حتي يتصفى من الزيت الزائد ..

يقدم هناء والعافية..

الجمبرى المشوى

المقادير:

-ورقتان من الكرفس .
-ورقتان من الكزبرة أو الشبت الأخضر .
-ملعقتان كبيرتان من عصير الليمون .
-ملعقة صغيرة من الكمون .
-نصف كيلوجرام من الجمبري الكبير الحجم (غير مقشّر) .
-ملح وفلفل حسب الرغبة .
-حبتان من الليمون مقطعتان إلى شرائح .
-حبتان من الطماطم الكبيرة الحجم مقطعتان إلى شرائح .
-حبة من الفلفل الأحمر الحار (حسب الرغبة) .
-حبتان من البصل مقطعتان إلى شرائح .
4 فصوص من الثوم .

الطريقة :

-تقطّع فصوص الثوم والفلفل الحار إلى شرائح سميكة.
-ينظّف الجمبري ويغسل جيداً ، ثم يتبّل بالملح والفلفل والكمون وعصير الليمون ، ويقلّب ليمزج جيداً.
-ترصّ شرائح البصل في صينية معدنية أو طاجن للفرن ، ويوضع الكرفس والشبت فوقها.
-يرصّ الجمبري فوق الخضر، ويضاف الثوم والفلفل الحار، وتوزّع شرائح الطماطم والليمون.
-يحمّى الفرن إلى حرارة 220 درجة مئوية، ثم توضع الصينية في الفرن وتغطى لمدة 10 إلى 15 دقيقة ، ليزال الغطاء بعدها وتترك لتطهى مدة 10 دقائق أخرى.
يقدم هناء والعافية..

الشوربة الصينية
(جمبري ومشروم)



المقادير

كيلو جمبري (جامبو)
ذرة حلوة بالكريمة
علبة فطر (مشروم) صغير متكامل الحبات
بهارات لسلق الجمبري
(2حب هيل أو حبهان - عود قرفة - ورق لورى - فلفل اسود)
كوب قشطة مخفوقة
نشا مذوب بالماء
(حسب الحاجة لتغليظ القوام)
ماء لسلق الجمبري تقريباً كوبين

الطريقة


يسلق الجمبري مع البهارات لمدة ربع ساعة
مع ملاحظة لف البهارات بشاشة لنزعها بعد الانتهاء منها

ثم نضيف القشطة والذرة والفطر ونتركهم لمدة 10 دقائق
ثم نضيف النشا مع التقليب الجبد حتى الغليان

وترفع من النار وتزين حسب الرغبة وتقدم ساخنة
يقدم هناء والعافية..

شوربة سي فود مع الجمبرى



المقادير


زيت زيتون
سمك مقطع قطع كبيرة
جمبري بالقشر
جمبري مقشر
قواقع
(بقلويز)
كابوريا
بصل
جزر
ثوم مفروم
ملح
فلفل أسود
كمون
زنجبيل مطحون
بابريكا
روز ماري طازج
جوزة الطيب
زعتر طازج
بطاطس مكعبات
حليب
مرقة
زعتر مطحون
شبت

الطريقة

يسخن قليل من الزيت في وعاء على النار
ثم يضاف السمك والجمبري بالقشرة
ويقلب حتى يحمر لونه.
ثم يرفع السمك والجمبري من الوعاء
ويحمر البصل في نفس الوعاء،
ويضاف إليه الجزر والثوم
ويتبل بالملح والفلفل والكمون والزنجبيل والبابريكا.
ثم تضاف القواقع وجوزة الطيب، ثم تقلب المحتويات.

تقطع الكابوريا أنصاف وتضاف
ثم يضاف إليه الروز ماري والزعتر والبطاطس

يضاف الجمبري المقشر والسمك والجمبري بقشره المحمر
والحليب والمرقة.
تتبل المحتويات بالزنجبيل والبابريكا
والملح والكمون والزعتر والشبت وزيت الزيتون،
ثم يغطى الوعاء ويترك حتى تنضج المحتويات
وتزين وتقدم
يقدم هناء والعافية..

جمبرى جاااامبو بلبقصمات

آلٍمَقآآدِيَرٍْ :

9 جمبرى جااااامبو منظف ومقشر

رشة ملح ..

رشَة فلفلْ أسَودْ ..

عصير 1 ليمون ..

فص ثوم مفروم ..

شوية زنجبيل مفروم ..

مَقآآدِييرْ آلبقسُمَآطْ

كوبين بقسماط ..

1ملعقة شاي ثوم بودرة ..

2 ملعقة شاي بصل بودرة ..

1 ملعقة شاي أوريجانو ..

½ ملعقة شاي ملح ..

½ ملعقة شاي فلفل أسود ..

½ ملعقة شاي بابريكا ..

ملعقة طعام جبن بارميزان ..

½ ملعقة شاي ملح الكرفس ..

2 بيض للتغميس ..

آلٍطَرٍيَقٍهٌٍ :

· اخلطي مقادير البقسماط مع بعض جيدا ..

· اخفقي البيض في وعاء منفصل ..

· تبلي الجمبري بالملح والليمون والفلفل والثوم والزنجبيل ..

· اتركيه مدة 30 دقيقة أو طوال اليوم ..

· اغمسيه في البيض ثم دحرجيه في البقسماط ، اغمسيه مرة أخرى في البيض ثم البقسماط ..

· ضعيه في الثلاجة مدة 15 دقيقة.

حمريه في زيت غزير ..

يقدم هناء والعافية..

اتمنى أن الاطباق اللزيزة تكون عجبتكم وبلهناء والشفاء

تحياتى وحبى للجميع
منى رشدى

[Sherif _S_a_s_a]

اتمنى أن الاطباق اللزيزة تكون عجبتكم وبلهناء والشفاء

كفايه بس انها منك

تسلم ايديكي ماما مني

**

[كابوس الحرامية]

روعه يا مامامنى والله وصفات كلها تفتح النفس (وبلاش انا بالزات تتفتح نفسي)

انا بكرة والله كمان حعمل سبيط بقى وشوربة سمك ويوم عصيب لوحديلاول مرة)


هما دول اهل اسكندرية العثاثيل ملوك السمك

تسلمي يا حبيبة قلبي يارب يخليكي لينا

[mona roshdi]

كفايه بس انها منك

تسلم ايديكي ماما مني

**

تسلم ويسلم عمرك ابنى الغالى شريف
دائما مش يحرمنى منك ابداااا
لك منى كل الود وعبير الزهور

[mona roshdi]

روعه يا مامامنى والله وصفات كلها تفتح النفس (وبلاش انا بالزات تتفتح نفسي)

انا بكرة والله كمان حعمل سبيط بقى وشوربة سمك ويوم عصيب لوحديلاول مرة)


هما دول اهل اسكندرية العثاثيل ملوك السمك

تسلمي يا حبيبة قلبي يارب يخليكي لينا

انت حتقوليلى
اهل اسكندرية تخصص اسماك
لو خرجو من المية يموتو بيعشقو السمك وانا بقى
ريقى جرى على السبيط بتاعك اعمل اية بقى والحل آية ممكن تقوليلى !!!


مع تحياتى وحبى لبنوتى حبيبتى نهى

[ام اسراء]

تسلم أيدك
الجمبرى ده حبيبى بكل أصنافه
ولا المسلوق باليمون والكرفس والبصل والثوم والكمون
أممممممممم أعمل أه دلوقت

[mona roshdi]

تسلم أيدك
الجمبرى ده حبيبى بكل أصنافه
ولا المسلوق باليمون والكرفس والبصل والثوم والكمون
أممممممممم أعمل أه دلوقت

اقولك انا ياحبيبتى تعملى آية ...!!!!
تيجى اسكندرية وانا ااكلك احلى جمبرى من اديا وحياة عنيا
تسلمى وتنورى ودائما منورة بكلامك الحلو ومواضيعك الجميلة والهادفة
لك حبى وتحياتى المعطرة بلزهور

[ام اسراء]

وعد يامنى عموما بعد الأمتحانات
أنا جايه

[mona roshdi]

وعد يامنى عموما بعد الأمتحانات
أنا جايه

وتنورى اسكندرية كلها
ووعد الحر دين علية

[saso164]

تسلم ايدك يا ماما كلهم بجد حلوين