عمرك سمعت واحد بيكلم خطيبته اسمع بقى

**رحيل القمر** · 25 - 5 - 2009, 06:35 PM

خطيب وخطبته بيحبوا بعض اوى اوى اوى اوى اوى

الخطيب:بحبك (ياباااااااى)

الخطيبه:وانا كمان (داهيه تاخدك)

الخطيب:من اخر مرة وانا بفكر فيكى ( يارب تمشى بقى من وشى )

الخطيبه:يا حبيبى وانا كمان مببطلش تفكير فيك خالص (عايز ايه دة اصطبح يا صبح )

الخطيب:امال فين حماتى مش شايفها خالص ( يارب متندهلهاش ومشوفهاش ابد )

الخطيبه:موجودة اندهالك (علشان تسم بدنك )

الخطيب:اة طبعا يا حبيبتى هوة انا اقدر استغنى (يارب تتكعبل فى السجادة وهيه جايه)

الخطيبه:ماما تعالى كلمى (على الله تقولك حاجه ترفعلك الضغط)

الخطيب:اهلا يا حماتى ازيك ( يارب ما تكونى بخير)

الحماة :اهلا يا خطيب بنتى (بلا نيله )

الخطيب:على فكرة يا حماتى (يارب تموت بقى اوف)

الحماة:ايه يا خطيب بنتى (خطيب الشوم والندامه)

الخطيب:انا كنت عاوز اقابل عمى عشان كتب الكتاب (عمى ال عمى قال دة انتى اللى عمى)

الحماة :طيب يا ابنى لما يجى عمك هقوله (الحمد لله ارتحنا من زيارتك الغلسه )

الخطيب:طيب يا حماتى انا همشى دلوقتى (اوووف انا اتخنقت يارب ارحمنى)

الحماة :ما هو لسه بدرى (فى ستين داهيه )

الخطيب :باى يا حبيبتى (حبك برص )

الخطيبه:مع السلامه يا حبيبى (البلد اللى تودى )

الخطيب :كلمينى فى التليفون(يارب يقطعوا الحرارة)

الخطيبه:اكيد يا حبيبى (غور بقى )