لو حد قابلك فى الشارع زى ده حتعمل إيه ؟؟

**lord9005** · 28 - 5 - 2009, 04:49 PM

" واحد ماشي في الشارع قابله واحد تاني شكله مش على بعضه "
الأول قاله: لو سمحت من فضلك قلعنى الجاكتة .
التانى : نعم؟!
الأول : قلعني الجاكتة بسرعة .
التانى : حاضر..حاضر . وراح مقلعه الجاكتة.
الأول : لو سمحت بقه فكلي زراير القميص .
التانى : لاااا ده إنت زّودتها اوى .. كده تاخد برد يقلب بنزلة شعبية حادة تاخد أجلك .
الأول : من فضلك فكها .. بسرعة ارجوك .
التانى : افففف.. و أدى زراير القميص خلاص فكتها .. دا كان يوم إيه المهبب ده , أى أوامر تانية ؟
الأول : أيوه قلعني بقى القميص .
التانى : يا سيدي عيــب .. مايصحش كده , ده إحنا فى الشارع خلى عندك دم .
الأول : أرجوك .. أرجوك بسرعة .. مافيش وقت .
التانى : دي وقعت إيه المهببه دي , أنا كان إيه إللي جابني من الشارع الزفت ده .. و أدى القميص .. هاااا .. إيه تاني !!
الأول : إرسملي على ظهري خطوط بالطول وخطوط بالعرض .
التانى : حسبي الله و نعم الوكيل .. إنت مجنون ياراجل أنت ؟!
الأول : من فضلك .. أرجوك .
التانى : رسمتلك خطوط بالطول و بالعرض .
الأول : برافو عليك رقملى بقى المربعات إللي إتكونت على ضهرى بالأرقام من 1 إلي 30 .
التانى : يا صبر أيوووب .. بقى إنت معطلني كل ده علشان تلاعبنى سيجا على ضهرك ؟!
الأول : بسرعة لو سمحت .. أرجوك رقمهم .. من فضلك مش قادر .
التانى : يارب أخلص بقى .. أدينى رقمتهم .
الأول : لو سمحت بقى أهرشلى فى المربع رقم 25 .
التانى : آه ه ه ه ه ه ه ه ه ه ه !!!!!!