اكبر موسوعه لاغلس نكت تموت من الضحك

**spider2009** · 28 - 5 - 2009, 06:16 PM

اكبر موسوعة لأغلس الأسئلة اللي ممكن ممكن ممكن يعني تضحكك من غباءها

=========
نبتدي بالصعايده(مع احترامنا طبعا لكل الصعايد؟.....
ليه الصعيدى بينزل الميه فى الشمس؟
عشان مش مشترك فى الأهلى

لية بلديتنا بيلبس تي شيرت علية قطة ؟
عشان الفار ميلعبش في عبة

ليه الصعيدي بيحط جنبه منبهين ؟؟
عشان واحد يضرب والتاني يحوش

طب ليه الصعيدي بيحط جمبه كوباية شاي؟
عشان منبه

طب ليه بيحط كوباية قهوه؟
عشان لو الشاي مرنش

طب ليه الصعيدي وهو بيتغدى بيحط جمبه كوباية ميه فاضية وكوباية ميه مليانه؟
عشان ممكن يشرب وممكن ميشربش

و ليه بيحط ملح على راسه ؟
علشان يبقى حدق

و ليه بيحط سكر على الكرسى قبل ما يقعد ؟
علشان تبقى قعدته حلوة

ليه الصعيدى لما بيشوف البرق بيضحك؟
عشان الصوره تطلع حلوه

ليه الصعيدى بيلبس شرابات خضراء ؟
عشان خضرا لابسة شراباته

طب ليه بيلبش شرابات زرقاء؟
عشان شربات خضرا مغسوله

صعيدى واقف فى الشمس و معاه دودة ليه؟
عشان الدكتور قالله اقف فى الشمس دقائق معدودة

لية الصعيدى بيحط خيارة تحت المخدة؟
عشان لو حط طماطماية هتتفعص

طب ليه الصعايده بيصنعوا الاتوبيسات بالعرض؟
عشان يركبوا كلهم قدام

خمس صعايدة فى غواصة غرقوا ليه؟
سمكة خبطت عليهم

ليه الصعيدى الصغير اذكى من الصعيدى الكبير؟
عشان ما بقالوش كتير صعيدى

ازاى تعرف البواب الصعيدى ؟
بينضف الاسانسير كل دور

صعيدى لغى معاده مع الدكتور ليه ؟
عشان عيان

حاجتين سود بينهم حاجة بيضة ايه ؟
عثمان احمد عثمان

ليه الست الصعيدية مابتشربش ميه طول فترة الحمل؟
عشان القفل اللى فى بطنها ما يصديش

ليه الصعيدى بيشرب الدوا قبل معاده؟
عشان يفاجىء الجراثيم

ليه الصعيدي بيدهن شقته باللبن؟
عشان تبقي شقه ملك(milk)

ليه الصعيدي بيلبس عمه؟
عشان يعرف راسه من رجليه

ليه بياخد معاه شومه و هو طالع الجبل؟
عشان لو الشمس ضربته يضربها

ليه بيلبس نضارة و هو نايم؟
عشان يشوف مين اللي بيحطله العماص في عنيه

ليه بياخد معاه شمسيه و هو بيعوم؟
عشان لو الدنيا مطرت

طيب ليه بيخلي اخوة ينام تحت الشباك؟
عشان يخض الناموس و هو خارج

ليه قتل ابوة؟
عشان يطلع رحله الايتام

طيب ليه قتل عمه؟
عشان ابن عمه يطلع معاه

طيب ليه قتل خاله؟
عشان الاجرام بقي في دمه

طيب ليه انتحر بعد كده؟
عشان رحله الايتام اتلغت

طيب ليه بقي بيقعد في حفرة؟
عشان يفكر بعمق

طب ليه بيدرس فوق السطح؟
عشان يعمل دراسات عليا

طيب ليه بيذاكر مع الشيطان؟
عشان الشيطان شاطر

ليه مش بيشتري صابون؟
عشان اخوه بيعمله سندوتشات

ليه مش بيشتري رابسو؟
عشان اخوة بيعمله فوار

طب ليه مبيشتريش بمب؟
عشان اخوة بيقزقزة

واحد بلديتنا واقف قدام المرايا و مغمض عنيه ليه ؟؟
بيشوف شكله و هو نايم

ليه الصعيدي لما يتعور يطلع فوق السطوح؟
عشان الجرح يكون سطحي

ليه الصعيدي لما يجي يستحمى باخد عائلته كلها معاه؟
يستخدم شامبو العائله
==================================
ندخل بقى على الفراعنه
==================================
ليه الاهرمات تلاته بس مش اربعه او خمسه؟
عشان على قد الشلن

ليه الصعيدى بيحب يتصور عند الهرم ؟؟؟
عشان يطلع على الشلن

طيب وليه مبطلعش على الشلن؟؟
عشان بيقف ورا الاهرامات

ليه الأهرامات منتعشة ؟
عشان قدامها ابو الهولز

ليه الهرم الكبير اصفر؟
عشان خوفو

ليه الفراعنة حاطين فى الهرم حديدة من فوق؟
عشان يرفعوه منها و ينضفوا تحتيه

الفراعنه كانوا لما بيقعدوا على القهوه كانوا بيشربوا ايه؟
امون(لمون يعنى)

طب بعد الصلاه كانوا بيقولوا لبعض ايه؟
هرما

طب ليه الفراعنه بنوا الاهرامات فى سنين كتيييييير؟
عشان كل اما يرصوا حجرين البوكس يجى وياخدهم

لما الفراعنة بيعملوا حادثة بيقولوا ايه؟
يا ساتر يا رع (على اسم الاله رع)

ليه الفراعنه ماكنش عندهم سكوتش منت؟
عشان كان عندهم ابو الهولز

===================================
الصيدلي
===================================
ليه الصيدلى بيبنى عماره؟
عشان يسكن الالم

طب ليه خد مخالفه؟
عشان بنى دور اكسترا

ليه القطر بيقف قدام الصيدليه؟
عشان يعاكس القطره

دكتور صيدلي اتجوز دكتوره صيدليه خلفوا ولد حيسموه ايه؟
احمد على اسم جده

طب لو الولد انحرف حيبقى اسمه ايه؟
سرنجه
===================================
القمم
===================================
ما هى قمة الحيره؟
اجلس فى ركن غرفة مستديره

ما هى قمة الذكاء؟
هو ان تجد ركن الغرفة

ما هي قمة الالم؟
التزحلق ع زحلاقة مغطاه بشفرات حلاقة وشظايا الزجاج

ما هى قمة العذاب؟
تقع فى حوض به كولونيا

ايه قمةالهدوء؟
.انك تسمع شريط فاضي

ايه قمة الهبل؟
.انك تقلب الشريط

ايه قمةالغتاتة؟
.انك تعيد مقطع اعجبك

ما هى قمة الادب؟
انك تخبط على باب الثلاجة قبل ما تفتحها

ما هى قمة الذهول؟
ان حد يفتحلك الباب

ليها جزء تانى بس يا رب تعجبكو

**ابو تريكه** · 28 - 5 - 2009, 06:29 PM

ليه الصعيدى لما بيشوف البرق بيضحك؟
عشان الصوره تطلع حلوه

ليه الصعيدى بيلبس شرابات خضراء ؟
عشان خضرا لابسة شراباته

طب ليه بيلبش شرابات زرقاء؟
عشان شربات خضرا مغسوله

حلوين اوى

**رحيل القمر** · 28 - 5 - 2009, 06:32 PM

هههههههههههههههههه تسلم ايدك يا سبيدر
بس عندى استفسار ازاى غلسه وازاى تموت من الضحك ههههههههههههه

لا حلوين بجد

**BANOTADALO3A** · 28 - 5 - 2009, 06:39 PM

ما هى قمة الذهول؟
ان حد يفتحلك الباب

هههههههههههههه
حلوين اوى انا عجبونى الى فهمتهم الى مفهمتوش مش مشكلة
بس بجد حلوين
بس لو سمحت يعنى ممكن تقولى يعنى ايع بمب

ع العموم يسلموو الايادى
تقبل مرورى

**بسام احمد** · 28 - 5 - 2009, 06:40 PM

ههههههههههههههههههههه

نكت الصعايدة تجنن

وهذة

لية القطر بيقف قدام الصيدلية ؟

علشان بيعاكس القدرة

**spider2009** · 28 - 5 - 2009, 06:55 PM

المشاركة الأصلية كتبت بواسطة ابو تريكه

ليه الصعيدى لما بيشوف البرق بيضحك؟

عشان الصوره تطلع حلوه

ليه الصعيدى بيلبس شرابات خضراء ؟
عشان خضرا لابسة شراباته

طب ليه بيلبش شرابات زرقاء؟
عشان شربات خضرا مغسوله

حلوين اوى

منورنا يا باشا
تسلم ع المرور

**spider2009** · 28 - 5 - 2009, 06:56 PM

المشاركة الأصلية كتبت بواسطة فتاة شكسبير

هههههههههههههههههه تسلم ايدك يا سبيدر
بس عندى استفسار ازاى غلسه وازاى تموت من الضحك ههههههههههههه

لا حلوين بجد

ههههههههههه
ماهي الغلاسة اليومين دول هي اللي
بتموت من الضحك
شكرا لمرورك

**spider2009** · 28 - 5 - 2009, 06:57 PM

المشاركة الأصلية كتبت بواسطة BANOTADALO3A

ما هى قمة الذهول؟
ان حد يفتحلك الباب

هههههههههههههه
حلوين اوى انا عجبونى الى فهمتهم الى مفهمتوش مش مشكلة
بس بجد حلوين
بس لو سمحت يعنى ممكن تقولى يعنى ايع بمب

ع العموم يسلموو الايادى
تقبل مرورى

منورانا
بس فين كلمة بمب دي

**spider2009** · 28 - 5 - 2009, 06:58 PM

المشاركة الأصلية كتبت بواسطة بسام احمد

ههههههههههههههههههههه

نكت الصعايدة تجنن

وهذة

لية القطر بيقف قدام الصيدلية ؟

علشان بيعاكس القطرة

هههههههههه
شكرا لردك الجميل

الموضوع: اكبر موسوعه لاغلس نكت تموت من الضحك

أدوات الموضوع

اكبر موسوعه لاغلس نكت تموت من الضحك

معلومات الموضوع

الأعضاء الذين يشاهدون هذا الموضوع

المواضيع المتشابهه

نكت مضحكة نكت غباء تخليك تموت من الضحك

مجموعه نكت جميله موت موت موت

اكبر موسوعه نكت مضحكه في المنتدي

نكت تموت من الضحك

نكت تموت من الضحك ابقى قابلنى لو قمت من الارض

الكلمات الدلالية لهذا الموضوع

ضوابط المشاركة