اختر ما بين القوسين

**DREAM** · 31 - 5 - 2009, 01:29 PM

قال الشاعر
يا مصر ردي عليا يامصر بلاش تقفيل
ردت مصر يابني معلش ورايا غسيل
طب خلاص يامصر انا عند صحبي جميل
السؤال الاول
ما المقصود معلش ورايا غسيل (هل مصر بتغسل هدوم الشعب - هل بتغسل دمها اللي اتحرق - هل بتغسل هدوم الريس متقال )
السؤال الثاني
اعرب كلمة مصر الاولي ( منادي محروق دمه - منادي ممصوص دمه ودم شعبه - منادي يعيش ديموقراطيه )
السؤال الثالث
اذكر مما حفظت مين حرق دم مصر ( جمال حمزة - جمال الربيع -جمال تاني )
السؤال الرابع
اشتهرت في مصر ثلاثة خطوط ( الخط الكوفي - خط اتصالات بعد عرض اهلا كل الناس ابو 19 قرش -خط الفقر )
السؤال الخامس
تعتبر مصر بلد نامي ما المقصود بنامي ( يعني بلد نومها تقيل - بينمو وداخل في مرحلة نهضة لا قدر الله - هي اصلا كانت حامي وده من كتر الشطه اللي يكلوها بس بعد ما الدكتور حزرهم من اكلها معدوش بيكلوها واتنسي الموضوع ده فحصلها عملية تحريف بقت نامي )
السؤال السادس
كان هناك شخص ارادو ان يأخذوه في الجيش فصرخ فيهم قاءلا دعوني آكل العيش بالجبن ما نوع الجبن ( جهينه - بريزدون - جبنه براميل )

والي اسئلة صح وغلط لما تيجي من الكنترول

**محيى زقزوق** · 31 - 5 - 2009, 04:17 PM

دريم دي اسئلة ع الطرقة الامريكية
ياريت تكون الاسئلة إجباري
عشان حلو التحدي
خليك جريء
خليك سريع ولا تهدي
وان إختلفنا
يبقي دي عندك
ودي عندي
شكلك مش ها تجيبها لبر
اكيد انت ياجميل
عندي
وانا يابن الناس
مش ها جاوب
عليك يا أفندي
اصل الحكاية
ممكن تكبر قوي
في ردي
تحياتي لك
وداه أصله
من حبي ليك
وودي
اخوك محيى