شبشب الكتروني !!!

[انتهينا]

"""" شبشب الكتروني """"

بينما أنا في بيتي انتظرالغدا وقد انتشرت الأبخرة في البيت عشان

الاكل بيتحرق في الفرن ومحدش سائل .. وطبعا بيمسكولك كتب

الطبخ وابله نظيره ومش عارف ايه والاخر برده بنقضيها في

المطاعم ... يلا ما علينا

المهم وانا في الحاله دي قفز إلى رأسي حلم

شبشب إلكتروني بالريموت كونترول (نفسي فيه)أضبطه كل يوم

الساعة 6 صباحا فينطلق في شوارع العاصمة وكل عاصمة

فيقوم بلسوعة كل من سقط بنطاله من شبابنا المجلجل الرأس ثم

يقفز بمهارة فيبطط له شعر رأسه ويفرقه على الجانب الأيمن

مانعا القصة من الإنزلاق بمياعة على وجهه

ثم يستدير حسب برمجته اللولبية فيصفع كل فتاة خرجت تحت

شعار(اللي موراهوش حاجه يجي يعاكس) حتى تعود باكية إلى

بيتها وتحترم نفسها وتغسل وجهها وتضبط ملابسها

وليته يمر على محلات الكوافير فيفقع كل رجل يعمل هناك علقة

محترمة على أم رأسه

ثم يأتيني فأشير إليه على إمتداد ذراعي فيفهم وحده(شبشب

عبقري)فيسرع إلى كل رأس تخشبت أمام شاشة الحاسوب

وتركت الصلاة فيلسوعها حتى تتوب

ثم يستمر في رحلته حتى يصل إلى كل من تسول له نفسه أن

يسب في الطريق العام أو يتحرش بأي فتاة تسير فيقضي على فكرته القبيحة

وليته يطير إلى كل مسئول ظالم فيعطيه الطريحه اللي هيه ..يمكن يفوق

ويا سلام يا سلام لو في نظارة تقلب اسود لو فكر صاحبها يبحلق

هنا وهناك أو جهاز يصدر عواصف ترابية فورية فيتعمي وما يبصش لحد ما يرجع لبيته

أو شاشة كومبيوتر تعرض فورا كيفية تغسيل الأموات ومنظر

القبر من الداخل كلما دخل صاحبها على موقع إباحي قبيح

وما أجمل أن يكون هناك بث حي مباشر لموجات كهربائية غير

مرئية صاعقة تصعق من تترقص بالكعب العالي أو تصدر ضحكة

خليعة فتشرق فتسقط فتنكسر رقبتها فتتوقف عن الإهتزاز

وتمنيت أن يطرح في الأسواق ( لبان سد الحنك )وهو نوع رائع

يلتصق بفم كل من يمارس الغيبة والنميمة فيلصق الفكين فنرتاح

وليت لقماش الحجاب خاصية نسيجية مطاطية إمتدادية لينسدل

فيغطي صدور النساء ويسترهن رغم أنوفهن

وما أروع أن يكون هناك رشاش سريع المفعول أمسكه في يدي

وأنا أسير فأرشه في وجه كل من أقابله ليبتسم

ويا سلام يا سلام لو في علاج تجميلي لأفكار الشباب بالليزر

أو رغيف عيش ما بيخلصش

وسكر بيحلي بس ما يدوبش

وصابون بينضف وبرده ما يخلصش

وزيت طبيعي ما بيسرطنش

آه يا دماغي

كفاية أحلام

لما أروح اشوف ايه حكاية الطبيخ الي اتحرق ده ..

اللهم أرزقنا عالما عبقريا يخترع لنا هذه الأدوات...فنحن في حاجة إليها

فقد فشلت المباديء في تعديل سلوكياتنا...وربما يفلح الشبب

إن وجدتم ما أحلم به فأرسلوه لي بالبريد العاجل...وإن وجدتم

معه مرارة مطاطية فسأكون سعيدا جدا ...

[botta]

يا لهوى يا أحمد دانت شكلك مليان و معبى من اللى بتحكى عليه ده
بس بجد طالما الفكرة جت لك انت ما تبدأ تخترع حتى يبقى لك السبق و كلنا هنشجعك و نشترى منك و نعمل لك اعلانات كمان
أى خدمة يا سيدى
بجد مشكور للموضوع الجمييييييييييل ده

[رحيل القمر]

هههههههههههه مرسى يا احمد الموضوع حلو اوى تسلم ايدك

[saso164]

ههههههههههههههههههههه
ايه دا كله يا احمد انت ناوى تضرب الناس كلها ولا ايه

بس بجد موضوع حلو اوى و يا رب نلاقى الشبشب دا بس هوه فين
تسلم ايدك بجد

[BANOTADALO3A]

حلواويييييييييييييي الموضوع
يسلموو الايادى يا احمد
تقبل مرورى

[احمد طنطاوي]

أحمد
.. أحمد
.... قووووم
....... صحّي النوم .

[crazyy_mozaa]

انت بتحلم بحاجه مستحيله وحتى لو انحققت برضو هيخترعو حاجه تبوظ الاختراعات دى انت بتتكلم فى ايه دى اساسيات
بس والله موضوعك لذيذ تسلم

[كابوس الحرامية]

تسلم يا معلم على التوبيك

[انتهينا]

لسه محدش توصل لفكرة الشبشب؟!!

عالعموم هو تحت الانشاء

واللهي منورين يا كماحه من زمان مش بتبانوا يعني بوتا ورحيل وساره وامنيه واحمد طنطاوي وخوووخه

واللهي وحشتوني اووي