يوميات عمر وساره متجدد باذن الله ؟

[دوبه]

بعد الشر عليك يا عمر

[dr_manoon]

ان شاء الله هتنزل باليل انتظرونىىىىىىىىىىىىىىى

[dr_manoon]

ـــــــــــــــــــــــــ ـــــــــــــــــ



قمت من النوم بعد ما صحيت ييجى مية مرة وعندى حموضة كبيرة شربت سفن اب على الريق وطبعا كانت فاتتنى صلاة الفجر من النوم المتقطع 00 اتوضيت وصليت شعرت بهدوء واستعدت فرحتى بلقاء عمر النهاردة 00يارب فرحنى النهاردة يارب !!

سارة
ـــــــــــــــــــــــــ ـــــــــــــــــــ



تالت فنجان قهوة باشربه والصداع ابتدى يروح شوية 00اه لو سارة تدينى حتى رنة تعرفنى انها عاوزة تشوفنى هى كمان000فضلت ماسك الموبيل وسرحان لحد ما فوقت على صوت زميلى بيقول : ( يابختك يا عم تلاقى العروسة صبحت عليك ييجى مية مرة 00 تيجى مراتى تشوف عمرها ما بتتصل بى الا لو كارثة حصلت ده انا حاطط لها تون سرينة اسعاف ههههههه !!!!)
رميت الموبيل وقلت الصيت ولا الغنى !! يلا بقى يا سارة ربنا يهديكى !!

عمر
ـــــــــــــــــــــــــ ــــــــــــــــــــ

[دوبه]

ان شاء الله هترن عليك يا عمر

[dr_manoon]

مرسى لمتابعتك ياقمر منوره والله

[العوامى]

أنا جيت أمضى حضور
ومش عايز أمضى انصراف خالص

الواحد اندمج مع الحكاية كأنى عايشها

[dr_manoon]

ربنا يخليك ياعوامى بس حسابنا بعدين على التاخير ده هفكرلك فى عقاب حلو كده
ههههههههههههههههه

[Young DeviL]

وانا يا منون اسفه جدا معلش والله حلقات جامده طحن والله ربنا يخليكي لينا

[dr_manoon]

يسلملى مرورك ياقمر ومنتظراكى على طول متتاخريش

[dr_manoon]

الوقت بيعدى بسرعة كدة ليه ؟ الساعة 4 وعمر جاى الساعة 8 طب ح البس ايه ؟ وح نقعد فين ؟ مش معقول نقعد لوحدنا فى الصالون حرام طبعا وكمان انا اتكسف جدا لا أكيد كل العيلة ح تقعد على قلبنا !!! طب حنتكلم فى ايه ؟ التليفون بيسهل الموضوع لكن وجها لوجه دى صعبة شوية 0000 ياااه ايه القلق ده كله ؟ ماما بتبص لى من بعيد و عينيها بتضحك على وبتقول فى سرها البنت اتجننت !!!
قمت استحميت واسترخيت شوية وقعدت أنشف شعرى بالسشوار وأعمله كذا تسريحة مع انه مش ح يشوفه لأنى ح اكون لابسة الحجاب طبعا بس عاوزة أحس انى جميلة النهاردة ونفسى أشوف ده فى عينيه !!!

سارة
ـــــــــــــــــــــــــ ــــــــــــــــــ


ياترى ح أجيب ايه معايا وانا رايح ؟ أخد شيكولاتة ؟ ولا أبقى رومانسى واخد ورد

طب أنا نفسى أشترى هدية لسارة تفكرنا دايما باليوم ده أشترى لها ايه ؟ قعدت أفكر وانا فى العربية وراجع من شغلى لحد ما لقيت محل هدايا دخلت و جبت بوكية ورد أنيق ودورت على هدية سارة احترت شوية وبعدين لقيت دبدوب ضخم أبيض حاضن قلب أحمر كان ضخم جدا وغالى جدا كمان !!! لكن تخيلت فرحتها بيه 0000 يارب يعجبك ياسارة !

عمر