أوباما مرحب بيه

**hadede** · 1 - 6 - 2009, 10:05 PM

أوباما

*******
أوباما يا مرحـــب بيـــــــه

كمان هندعى ربنـــا يخلـــــيه

لو الامان بيدور عليه لينا وليه

**********
آه لــــــو من بوش يبص ويتعلم

ويفتكر اللى مات وانجرح واتألم

ويعرف ان الفتونة ابدا ما بتسلم

***********

ويشوف العراق عملوا ايه فيها

وايه من خيرها باقى ليهم وليها

والجزمة ليه الغيظ كان ماليها

***********

وفلسطين السليبــــــة من زمان

حق ناسها امتى هيكون له اوان

وولادها يعيشوا زى كل انسان

************

ونرجع نقول اوباما مرحب بيه

لو العدل حقيقى هيدور عليـــــــه

و هنقول يا مرحب وايدنا فى ايديه

************

كلمات م/ عماد الدين محمد

حقيقى هذه الكلمات اكتبها سائلا نفسى

ما جدوى زيارة اوباما

لو حقيقى بيدور على الحق والعدل والسلام

الف مرحب بيه

اما لو غير ذلك فهى زيارة عديمة الجدوى

دمتم جميعا بالف خير
ـ

**No TiMe** · 1 - 6 - 2009, 10:22 PM

ربنا يهديه ويكون ناوي خير
مش زي اللي سبقوه مش يعمل فيها شريف وفي الاخر يطلع حرامي
زي الباقين ويا ريت يكون سلام بجد
تسلم يا كبير علي التوبك الجميل دا

**hadede** · 1 - 6 - 2009, 11:35 PM

المشاركة الأصلية كتبت بواسطة ملكــ الاحساســ

ربنا يهديه ويكون ناوي خير

مش زي اللي سبقوه مش يعمل فيها شريف وفي الاخر يطلع حرامي
زي الباقين ويا ريت يكون سلام بجد
تسلم يا كبير علي التوبك الجميل دا

يارب يهديه
امييييييييييييييييين
وياريت يكون سلام بجد
وشكرا على المرور
ومبروك الاجازة
وعقبال النجاح
بالتقدير
دمت بالف خير

**كابوس الحرامية** · 1 - 6 - 2009, 11:43 PM

والله يا عماد بهنيك على كلامك الجميل وقلمك المبدع دائما

والله انا احترمته جدا الراجل دة من اول يوم شوفته

واحترمت ولاؤه للعرب للمسلمين وهدفه في انه ينشر السلام ويفك الحصار عن اخواتنا في كل مكان

وانا متفائلة بيه ويارب يقويه بالحق وبأعلاء كلمة الله فوق كل معتد

دمت متألق ومتميز يا عمدة

**hadede** · 1 - 6 - 2009, 11:52 PM

المشاركة الأصلية كتبت بواسطة وعد عالم سمسم

والله يا عماد بهنيك على كلامك الجميل وقلمك المبدع دائما

والله انا احترمته جدا الراجل دة من اول يوم شوفته

واحترمت ولاؤه للعرب للمسلمين وهدفه في انه ينشر السلام ويفك الحصار عن اخواتنا في كل مكان

وانا متفائلة بيه ويارب يقويه بالحق وبأعلاء كلمة الله فوق كل معتد

دمت متألق ومتميز يا عمدة

اشكرك على
مرورك العطر
واشكرك على اثراء الموضوع
ونتمنى ان يكون
التفاؤل فى محله
وهو حقيقى كلامه مختلف عن كل
ما سبقوه
ونتمنى ان تكون افعاله ايضا مختلفة
دمت بالف خير
فى
حفظ الرحمن

**سارة المصرية** · 2 - 6 - 2009, 01:40 AM

يعنى هى خلاص الحداية بتحدف كتاكيت
بيفكرنى بنابليون بونا برت لما دخل مصر
واظهر ودة وتسامحة للمصريين لحد ما قالهم انو مسلم زيهم وبعد كدا بانت انيابة
سلام وعدل اية بس من غير اا ثبات حسن النية ما الموقف فى العراق زى ما هو وفى افغانستان
هى مش عرضت على باكستنان انها تحارب معاهم فى وادى سوات يعنى بيضربو اهو
وفلسطين زى ما هى اية اللى اتغير علشان يقول سلام ولا حوار مع العالم الاسلامى يعنى هو هيعترف ويقول اة اللى بيحصل فى فلسطين وحصل قبل كدا دا غلط وان الفلسطنيين لهم حق
دى سياسة جديدة من الاعيبهم اللى مش بتخلص يعنى نوع ووسيلة تانية لاخضاعنا لهم
هما عايزين بس الامان مننا ويفتحو حوار اة لكن مثلا هيجى يوم يقولك انت من حقك امتلاك سلاح نووى
ولا انت حر فى سياستك من غير ما يتدخلو فى حاجة استحالة
مفيش واحد منهم هيفرق عن التانى كل سياستهم واحدة مع اختلاف الطريقة بس
بس مفيش مان نسمع بردو بس منغير ما نصدق طبعا ولا تامن لية
ونشوف هيوصل لحد فين
وميرسى على الموضوع

**hadede** · 2 - 6 - 2009, 04:21 PM

المشاركة الأصلية كتبت بواسطة سارة المصرية

يعنى هى خلاص الحداية بتحدف كتاكيت

بيفكرنى بنابليون بونا برت لما دخل مصر
واظهر ودة وتسامحة للمصريين لحد ما قالهم انو مسلم زيهم وبعد كدا بانت انيابة
سلام وعدل اية بس من غير اا ثبات حسن النية ما الموقف فى العراق زى ما هو وفى افغانستان
هى مش عرضت على باكستنان انها تحارب معاهم فى وادى سوات يعنى بيضربو اهو
وفلسطين زى ما هى اية اللى اتغير علشان يقول سلام ولا حوار مع العالم الاسلامى يعنى هو هيعترف ويقول اة اللى بيحصل فى فلسطين وحصل قبل كدا دا غلط وان الفلسطنيين لهم حق
دى سياسة جديدة من الاعيبهم اللى مش بتخلص يعنى نوع ووسيلة تانية لاخضاعنا لهم
هما عايزين بس الامان مننا ويفتحو حوار اة لكن مثلا هيجى يوم يقولك انت من حقك امتلاك سلاح نووى
ولا انت حر فى سياستك من غير ما يتدخلو فى حاجة استحالة
مفيش واحد منهم هيفرق عن التانى كل سياستهم واحدة مع اختلاف الطريقة بس
بس مفيش مان نسمع بردو بس منغير ما نصدق طبعا ولا تامن لية
ونشوف هيوصل لحد فين

وميرسى على الموضوع

هى الحداية بتحدف كتاكيت
ابدا
بس لو ما خطفتشى الكتاكيت
يبقى كويس
شكرا جزيلا على التعليق الموضوعى جدا
وحقيقى احنا
عاملين زى الغريق اللى بيتعلق فى قشايه
او شايفين سراب ونفسنا يكون ماء حقيقى
وبالطبع هو يخاطب العالم
الاسلامى
باسلوب جديد
وقريبا سنتأكد من افعاله
نأمل ان تقترب افعاله
من اقواله
دمت بالف خير
فى حفظ الرحمن

**احمد حسين** · 2 - 6 - 2009, 04:29 PM

ربنا يهديه ويكون ناوي خير

مش زي اللي سبقوه مش يعمل فيها شريف وفي الاخر يطلع حرامي
زي الباقين ويا ريت يكون سلام بجد
تسلم يا كبير علي التوبك الجميل دا

**ام اسراء** · 2 - 6 - 2009, 04:45 PM

المثل عندنا بيقول ...خليك ورا الكداب
وأحنا وراه لما نشوف أيامه مخبيه أه
ونتمنى وان تكون خير
وشكرا على الكلمات الجميله
ويارب فى تقدم مستمر

**hadede** · 2 - 6 - 2009, 04:50 PM

الاخ الفاضل
احمد حسين
شكرا
جزيلا على المرور
ونتمنى مثلك الا يكون
مثل من سبقوه
بل يكون نوعية جديدة
تبحث
عن
العدل
والحق
والسلام
دمت بالف خير

الموضوع: أوباما مرحب بيه

أدوات الموضوع

أوباما مرحب بيه

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة