أصدقائي أعضاء المنتدي حد يقولي أنسي حب عمري أزي

**عمارطه2009** · 4 - 6 - 2009, 04:54 PM

أصدقائي أعضاء المنتدي حد يقولي أزي أنسي حبي الأول أختصار القصه أحببتها وكانت كل حياتي وهي كمان كانت بتحبني كانت دايما بتقولي أنا ليك وعمري ما هاكون غير ليك وأرتبطنا ببعض لمدة عامين وأتخطبنا وعيشنا مع بعض أجمل قصه حب ولكن للاسف أنتهت أجمل قصه حب نهايه حزينه بسب مشاكل عائليه وليس لي ذنب فيها لا أنا ولا هي عملت المستحيل علشانها لدرجه أني كنت ممكن أخسر عائلتي بسبها وفي النهايه جلست تبكي وتقولي سامحيني أنا عارفه أني أنتا عملت كل حاجه علشاني وأني مش هلاقي حد في الدنيا يعمل اللي عملته القصه دي عدي عليها أكتر من ثلاث سنوات وهي أتجوزت وجابت أولاد وانا حياتي كلها أحزان حاولت أكتر من مرة أنسي جراحي مش عارف قررت أن أرتبط بوحدة تانيه ولكن لم تستمر الخطوبه أكتر من شهرين لعدم وجود تفاهم بينا وأنا الان مرتبط للمرة الثالثه وبحاول أحب خطيبتي وأنسي أنا عارف أني خطيبتي بتحبني بس دايما أنا عايش في ذكرياتي مش عارف أعمل أيه فعلا البنات غلابه البنت بتبقي في صراع مش عارفه تعمل أيه هل تراضي حبيبها وتخسر أهلها أم تراضي أهلها وتخسر حبيبها _أسف أني طولت عليكم مستني ردكم عليا

**عمارطه2009** · 18 - 9 - 2009, 09:19 AM

محدش قالي أعمل أيه وأنسي أزاي

**my baby you** · 18 - 9 - 2009, 09:54 AM

بجد ربنا يصبرك..وحقبقى انا مستغربه ان فى واحد مخلص للى حبها كده ومش قادر يحب غيرها قليل اوى لما يكون فى حد كده.بس انت لازم تحاول تنسى انا عارفه ان النسيان صعب خصوصا لما تكون حبيت بجد ويكون ده حب عمرك.بس حاول هى خلاص بقى ليها حياتها وبيتها وولادها .حاول تنساها عشان تقدر تعيش.خليها جواك ذكرى حلوه فخيالك.مدام خطيبتك بتحبك حاول تقرب منها.ربنا معاك بجد ويهديك وتقدر تنسى.انا بعد اللى قولته ليك ده.بس مقدره اللى جواك بس ده قدر نصيب ولازم ترضى بيه

**عمارطه2009** · 18 - 9 - 2009, 12:26 PM

أولا ميرسي جدا لأهتمامك بالرد عليا وثانيا عايز أقولك متستغربيش لسه ولازال في حب بجد وأخلاص يمكن يكون نادر بس أكيد موجود _ وزي ما في شباب كتير بتخلص في الحب في بنات كتيرة بردة عندها أخلاص وحب يكفي الدنيا كلها بس زي ما قولت الظروف بتكون أقوي من البنت أحيانا في حاجات كتير وفي النهايه بتختار بعقلها وتلغي قلبها لظروف خارجه عن أرادتها كتدخل أهلها مثلا في أختيار وفرض شريك حياتها عليها حتي ولو من غير رضاها وبعدين محدش بيختار نصيبه بأيدة _وأسف لو طولت عليكي بس كنت محتاج أفضفض مع حد وانا مليش غير أخواتي في المنتدي _ وأخير يارب دايما أيامك تبقي كلها حب وفرح وسعادة يا رب وشكرا ليكي

**نونا الشعنونه** · 19 - 9 - 2009, 01:23 AM

بص يا عمار حلو انك تحب و حلو قوى انك تكون مخلص بس
مش حلو ابدا انك تكون ظالم ............. اه ظالم و بتظلم لغايه تلوقتى
حتى لو ماكنتش تقصد بتظلم خطيبتك لانك بتكون معاها و انت بتفكر فى واحده تانيه
قرب منها و العشره هتخليك تنسى حبك الاولانى و كمان بعد الجواز و الاستقرار
هتحس بالفرق و لما يكون عندك ولاد صغيرين ملين عليك الدنيا مش هتفكر فحد غيرهم
و صدقنى الحياه و العيشه و العشره بتنسى كل حاجه و اى حاجه حتى الحب الصادق مش بيتبقى منه غير ذكرى ببببببببببببببس

**ملكة القلوب** · 19 - 9 - 2009, 01:42 AM

شوف انا هقولك على حاجة
كل حاجة قسمة ونصيب
وعسى لاتكرهوا شيئا عسى هو خيرا لكم
وبعدين انت مش عارف الخير فين
هل انت عارف الخير فين؟؟؟
يمكن هي كانت شر ليك
وربنا بعدها عنك
انت مش تعرف الخير فين
وربنا يعمل ال فيه الخير باذن الله
تقبل كلامي و مروري
وشكرااا

**دق دق** · 19 - 9 - 2009, 03:16 PM

ومحدش هيقدر يقولك
لانك عمرك مهتنساها ... لانها معملتش فيك حاجة وحشه

كل الحكايه انك هتفضل تحبها لحد مهتقابل
واحده ربنا هيحط حبها فى قلبك ... وبرده مش هتنسى الاولى
بس الي هتحبها دى هتبقى دنيتك بجد

المسأله مسأله وقت ونصيب

لها ولك الله

**عمارطه2009** · 19 - 9 - 2009, 04:00 PM

ميرسي جدا يا جماعه لردكم عليا ومش هقول شكر لأننا أخوات كلنا في المنتدي ومحدش بيشكر أخواته _وربنا يصبرني وأنسي يمكن أجمل حاجه انك متظلمش حد ولا تفتري عليه وربنا هاكيد هيعوضني خيرلاني لا ظلمتها ولا أفتريت عليها وعملت اللي عليه ولكنها أرادة الله _

**روكي** · 28 - 9 - 2009, 03:09 AM

موضوعك غريب لان معروف ان البنات هي البتأثر في المواقف اللي زي ديه والشباب مبتفرقش معاهم انا اسفه طبعا بس انت كدة بتظلم نفسك وبتظلم خطبيتك لانك مفروض تكون عارف ومتاكد ان مفيش اي امل انك ترجع لحبيبتك الاولي لانها اتجوزت فالمفروض انك متفكرش غير في الانسانه اللي معاك وبتحبك وتخلصلها وتخاف وتحافظ علي مشاعرها اكتر من كدة وتحاول انت كمان تحبها اكيد هي مش وحشة واكيد هتلقي فيها مميزات كتير بس متحاولش تقارن بنها وبين حبيبتك عشان تقدر تحبها وان شاء الله عايزة اسمع منك قريب انك خلاص هتجوز خطيبتك بس عن اقتناع وحب واتمنالك التوفيق واسفه عشان طولت عليك

**عمارطه2009** · 29 - 9 - 2009, 11:13 AM

شكرا جدا يا روكي وعايز أقولك أن هي مش غريبه ولا حاجه هما بس البنات اللي عندهم أخلاص في الحب في بردة شباب كتيرة عندها قلب بأكرر عندها قلب يحب ويملي الدنيا حب وفاء ومع ذلك انا عارف اني البنت بتكون تجربه قاسيه أوي ليها أكتر من الولد بس في النهايه الراجل منا بشر لازم يحزن ويتألم لأي تجارب ولا أنتي رايكي أيه _ عموما يا روكي أنا بحاول أحب خطيبتي وهي بتحبني ومع الايام أكيد أنسي لان ربنا أنعم علينا بنعمه النسيان _والحياة لازم تستمر رغم كل الأحزان

الموضوع: أصدقائي أعضاء المنتدي حد يقولي أنسي حب عمري أزي

أدوات الموضوع

أصدقائي أعضاء المنتدي حد يقولي أنسي حب عمري أزي

معلومات الموضوع

الأعضاء الذين يشاهدون هذا الموضوع

المواضيع المتشابهه

أصدقائي أعضاء المنتدي حد يقولي أنسي حب عمري أزي

عطية البلقاسي ينضم رسمياً إلي أهلي بني غازي

الكلمات الدلالية لهذا الموضوع

ضوابط المشاركة