أصدقائي أعضاء المنتدي حد يقولي أنسي حب عمري أزي

[عمارطه2009]

أصدقائي أعضاء المنتدي حد يقولي أزي أنسي حبي الأول أختصار القصه أحببتها وكانت كل حياتي وهي كمان كانت بتحبني كانت دايما بتقولي أنا ليك وعمري ما هاكون غير ليك وأرتبطنا ببعض لمدة عامين وأتخطبنا وعيشنا مع بعض أجمل قصه حب ولكن للاسف أنتهت أجمل قصه حب نهايه حزينه بسب مشاكل عائليه وليس لي ذنب فيها لا أنا ولا هي عملت المستحيل علشانها لدرجه أني كنت ممكن أخسر عائلتي بسبها وفي النهايه جلست تبكي وتقولي سامحيني أنا عارفه أني أنتا عملت كل حاجه علشاني وأني مش هلاقي حد في الدنيا يعمل اللي عملته القصه دي عدي عليها أكتر من ثلاث سنوات وهي أتجوزت وجابت أولاد وانا حياتي كلها أحزان حاولت أكتر من مرة أنسي جراحي مش عارف قررت أن أرتبط بوحدة تانيه ولكن لم تستمر الخطوبه أكتر من شهرين لعدم وجود تفاهم بينا وأنا الان مرتبط للمرة الثالثه وبحاول أحب خطيبتي وأنسي أنا عارف أني خطيبتي بتحبني بس دايما أنا عايش في ذكرياتي مش عارف أعمل أيه فعلا البنات غلابه البنت بتبقي في صراع مش عارفه تعمل أيه هل تراضي حبيبها وتخسر أهلها أم تراضي أهلها وتخسر حبيبها _أسف أني طولت عليكم مستني ردكم عليا

[نونا الشعنونه]

بصراحه انا قرأت الموضوع اكتر من مره انى اعرف ارد عليك بصراحه مش عارفه
انا نفسى اساعدك
طيب بص انا هبقى ارد بعد كده و معايا الحل انشاء الله

[عمارطه2009]

ميرسي جدا يا نونا لأهتمامك بقرأة موضوعي أكتر من مرة وأنا في أنتظار ردك زي ما أنتي قولتي ويا رب دايما أيامك تبقي كلها حب وفرح وسعادة يارب وشكرا ليكي

[شيري العسولة]

اولا احب احيك لصراحتك
لان مادام انت صارحت نفسك لازم تعرف الحل
ولعلمك الحل مش صعب حاول تتقرب لخطيبتك وفهمها انك محتاجها الفترة دى واكيد هاتوقف جمبك لو بتحبك
وصدقنى العيش فى الاحزان وحش جدا وبياثر باسلب على الصحة العامة والشخصية وكلة وبجد
حرام نعيش ونفسنا فى الوهم وزى ماانت قولت الانسانة دى اتجوزت وشافت حياتها وماخلتش الحزن ياثر فيها
ولو اثر فاتاثيرة مش بالسلبية اللى انت فيها دى واتغلبت على حزنها
لان الحياه تطلب منا كده
ومالهاش زمب خطيبتك دى انها تعيش حزينة اكيد نفسها تعيش زى اى بنت مخطوبة وفرحانة بخطيبها
حاول تفكر بالمنطق ده
ويارب ايامك كلها تبقى سعادة وحب والحزن مايكنش لية لزم ابداا ولا وجود فى حياتك ان شاء الله
سورى لو طولت عليك بس حقيقي حاول تعيش وقتك بحب وسعاده من اللى ربنا كاتبهالك

[عمارطه2009]

شكرا جدا لأهتمامك بالرد عليا يا شيري وعايز أقولك أني كلامك أسعدني بجد وأنا عارف ان الحياة لازم تستمر وزي ما بيقولو محدش بينجرح أوي الا لما بيكون بيحب أوي وأنا كانت مشكلتي أني حبيت أوي في زمن أختفي فيه الحب أو قد يكون تلاشي من الوجود وميرسي جدا ليكي ويا رب دايما تكوني في أتم صحه وأحسن حال

[نيمو]

بص هى القصة انا قريتها ومش عارفة اقولك غير ان الفراق صعب بس كلام شيرى صح بص يا عمار لازم تعيش حياتك وبلاش تظلم خطيبتك معاك هى ملهاش ذنب واللى انت كنت بتحبها ممكن تكون اتاثرت زيك بس هى كملت حياتها واكيد اولادها نسوها كل حاجة هى ديه الدنيا مش بتدى الانسان كل حاجة الحمد لله انها جت فى الحب مجتش فى صحتك فى حد من افراد عيلتك عيش حياتك قرب من خطيبتك حاول تفهمها واشتغل جامد ابعد شوية عن الذكريات ممكن يكون صعب بس مش مستحيل ويارب تتقبل راى المتواضع وبجد عيش حياتك الحياة مش بتوقف عند اللى انت سبتها انت لسه عايش بتلبس وبتخرج بتاكل وبتشرب يبقى الحياة عايشة واكيد لو فكرت هتلاقى ان ده افضل ليك من اى طريقة ممكن تكون شايف ان بعدك عنها جرحك بس هو افضل ليك بطريقة افضل سورى طولت عليك ولك كل تحياتى وارق امنياتى بالسعادة

[عمارطه2009]

ميرسي جدا لأهتمامك بالرد يا "نيمو" علي موضوعي وأكيد طبعا أسعدني كلامك وأخير أتمني لكي حياة سعيدة مع من يختارة قلبك أو مع من تختارة لكي الأقدار وشكرا ليكي

[الاميرة سومة]

حقيقى صعب واصعب شئ فى الدنيا هو الفراق بس هنعمل ايه
بس اوعى اوعى تحاول تنساها بحد تانى عشان متجرحش زى مانجرحت ومسيرك تنساه ومتستناش حل من حد عشان هى ملهاش حل لان ده عمرو مكان بادينا
وتعلمت ان اعيش كما تريد نفسى لكن خانتنى نفسى وعشت كما تريد الحياه
ربنا يسعدك يارب

[عمارطه2009]

شكرا جدا ليكي يا سومه ومعاكي حق في كلامك لاني اللي بيحلم يشفي جراحه يشفي جراحه بأيدة وميرسي جدا وبأتمنالك كل خير

[حب العمر]

بجد موضوع حضرتك رائع
ويا ريت لو عرفت تنسى حبك الاول اللى هو حب حياتك يا ريت تساعدنى وتقولى ايه الطريقة
انا حاسة انى اتنازلت كتير عن كرامتى
كنت مستعدة اخسر تعليمى عشانه بس ما عرفش يقدر حبى ليه
وبالرغم من كده مش عارفة اكرهه لانى فكرت ولقيت انى لما اكرهه ده الحاجة الوحيدة اللى هتخلينى انساه
لانى مش فاكرة الا كل لحظة حلوة وياه