جوزيه يتزوج مصرية ويهجرها في امتحان كلية حقوق بني سويف

[3asheq Elrasol]

جوزيه يتزوج مصرية ويهجرها في امتحان كلية حقوق بني سويف

ملخص جاء في امتحان لمادة تنازع القوانين للفرقة الرابعة بكلية الحقوق جامعة بني سويف سؤالاً إجبارياً يبدو طريفاً، ذكر فيه ان البرتغالي مانويل جوزيه المدير الفني السابق للأهلي تزوج من مصرية

- جاء في امتحان لمادة تنازع القوانين للفرقة الرابعة بكلية الحقوق جامعة بني سويف سؤالاً إجبارياً يبدو طريفاً، ذكر فيه ان البرتغالي مانويل جوزيه المدير الفني السابق للأهلي تزوج من مصرية وهجرها لتدريب المنتخب الأنجولي.

وذكر السؤال أيضاً أن بعد فترة من زواج جوزيه بالمصرية أنجب منها ولدين هما فلافيو وأبوتريكة!

وأوضح أيضا ان جوزيه رحل عن الأهلي بسبب "خلافات زوجية"، ادت به للتنازل عن الجنسية البرتغالي وتجنس بالجنسية الأنجولية حتى لا تعرف له الزوجة موطناً معلوماً.

وفيما يلي نص السؤال كاملاً:

تزوج "مانويل جوزيه" برتغالي الجنسية من مصرية الجنسية وأقام الزوجان في مصر نتيجة لارتباط الزوج بعمله كمدير فني بالأهلي، وبعد فترة من الزواج رزقهما الله بولدين "فلافيو وأبوتريكة" ونظراً لحدوث بعض الخلافات الزوجية، قام الزوج بإنهاء عقده مع النادي الأهلي وهجر زوجته وسافر إلى أنجولا وتجنس بالجنسية الأنجولية وفقد الجنسية البرتغالية ولا تعرف الزوجة له موطناً معلوماً.

لجأت إليك الزوجة لاستشارتك في المسائل التالية:

-هل تختص المحاكم المصرية بدعوى التطليق للهجر التي تنوي رفعها، وما هو القانون واجب التطبيق، وهل يتغير الحال لو أن الزوجة كانت تحمل الجنسية السعودية وقت انعقاد الزواج.

-إذا أرادت الزوجة الحصول على نفقة الزوجية، فهل تختص المحاكم المصرية بدعوى النفقة، وما هو القانون الواجب التطبيق.

-إذا أرادت الحصول على نفقة لولديها فلافيو وأبوتريكة، فهل تختص المحاكم المصرية بهذه النفقة، وما هو القانون واجب التطبيق.

[شيري العسولة]

اية ده مش فاهمه حاجة
انت بتتكلم جد يعنى جابوا السؤال كده

[3asheq Elrasol]

اية ده مش فاهمه حاجة
انت بتتكلم جد يعنى جابوا السؤال كده

يا شيرى اكيد بتكلم جد وصورة السوال امامك صدقتى ولا لسة

[شيري العسولة]

يخبر ابيض اية قمة الاهمال ده
تسلم كتير ومش قصدى اكدبك
بس استغربت كتير والله
تسلم على مجهودك الجميل

[3asheq Elrasol]

يخبر ابيض اية قمة الاهمال ده
تسلم كتير ومش قصدى اكدبك
بس استغربت كتير والله
تسلم على مجهودك الجميل

وتسلمى على متابعتك للموضوع

[الثعلب المصري]

بصراحة ياحبيب قلبي الجامعات المصرية وصلت إلى درجة من التخلف علشان يجي سؤال في إمتحان بالشكل ده

بس بجد أنا لو كان جالي السؤال ده في أيام إمتحاناتي كان زماني من الأوائل لإني كنت هجاوب وأقول

تكون المحكمة المختصة المحكمة الأولية في ملعب الأهلي أو غانا علشان محكمة محايدة ويجيبو أولادها يشوفو يحبو يعيشو مع مين ويجبلها شقة كورة في الزمالك
أما بالنسبة للنفقة ففلافيو أصلاً كره أم اللي ربته وكبرته وإتخلا عنها وتريكة هو اللي واقف جنبها ورفض يسافر ويسبها يبقى المفروض ياخد النفقة كلها وكمان المكافأة

وهي أصلاً عايزة إيه

[3asheq Elrasol]

بصراحة ياحبيب قلبي الجامعات المصرية وصلت إلى درجة من التخلف علشان يجي سؤال في إمتحان بالشكل ده

بس بجد أنا لو كان جالي السؤال ده في أيام إمتحاناتي كان زماني من الأوائل لإني كنت هجاوب وأقول

تكون المحكمة المختصة المحكمة الأولية في ملعب الأهلي أو غانا علشان محكمة محايدة ويجيبو أولادها يشوفو يحبو يعيشو مع مين ويجبلها شقة كورة في الزمالك
أما بالنسبة للنفقة ففلافيو أصلاً كره أم اللي ربته وكبرته وإتخلا عنها وتريكة هو اللي واقف جنبها ورفض يسافر ويسبها يبقى المفروض ياخد النفقة كلها وكمان المكافأة

وهي أصلاً عايزة إيه

شكرا يا مان ياجامد على الرد