ياخسارة الأيام خاين

**جينا** · 6 - 6 - 2009, 04:16 AM

خسارة الأيام
خاين

وهان عليك الحب والعشرة والايام ياقلبى

هواللى بيجرى فعروقك كان مية ولادمى

والعيش والملح نسيه وذكرياته بقت همى

والى كان حبيبك نسيتك والوحدة بقت ذنبى

ياخسارة الايام الحلوة وخسارة رسايله عندى

هامسح كلامهم وانساه واعتبراللى كان ماكنشى

واجيب من الغريب مناديل عشان تجفف دمعى

ياخسارة الحب ياقلبى وخسارة معاه ودى ودمعى

وخسارة الايام والاحلام وخسارة الصبراللى نفد منى

وياخسارة العند ياولاد لما يضيع اغلى ماعنده وعندى

ياناس ياخلق هوه حد يقول الحبيب انى خلاص تعبان

بلاش ينده او يشاور ويعمل فيها ضحية وزعلان

انا مش راجع لخاين نسى العهد والوفا والأمان

أنا مش راجع تانى لألامى ودموعى لأيام الحرمان

خلاص اللى فات انتهى ومعدش لينا رجوع وانكتبت الأحزان

راح اللى كان بيحبك وراح اللى بيتمناك وراح معاه الزمان

متلومش نفسك ياقلبى ولاتلوم الزمان ولاتندم عليه أو ع اللى كان

عمر اللى مات مايصحى وخلاص اللى فات مات ولا تبكى فيوم ياقلبى
على حب فى يوم خان

د.جيهان النمرسى
جينا

**الثعلب المصري** · 6 - 6 - 2009, 07:10 AM

يادكتور ياجامد إيه الكلام الجامد أوي ده بصراحة روووووووووووووعة
تقبلي مروري وتحياتي

**محيى زقزوق** · 6 - 6 - 2009, 05:33 PM

انا بقيت اخاف م العامية والزجل
خللي لينا حاجة ياجينا
عموما أنا أسعد واحد شوفت الكلام داه
وسبب سعادتي اللون الجديد والفستان الزجلي
الجديد ايللي إنكست بيه حروفك
تقبلي تحياتي

**جينا** · 6 - 6 - 2009, 10:12 PM

المشاركة الأصلية كتبت بواسطة الثعلب المصري

يادكتور ياجامد إيه الكلام الجامد أوي ده بصراحة روووووووووووووعة

تقبلي مروري وتحياتي

ميرسى يامصرى لكومنتك الجامد
وأحلى بوكيه ورد لحضورك
نورت جينا

**بحر الحنان** · 6 - 6 - 2009, 10:22 PM

راااااائعة يا جينا كعادتك
بصراحة مش بلاقي كلام اعبر بيه
عن اعجابي بكلماتك الجميلة
بس ده غريب شوية عن اللي فات
روحنا في مدينة الاحزان ويارب مش علطول
تحيــــــــــــاتي ليك دائما

**DREAM** · 6 - 6 - 2009, 11:04 PM

خلاص اللى فات انتهى ومعدش لينا رجوع وانكتبت الأحزان

راح اللى كان بيحبك وراح اللى بيتمناك وراح معاه الزمان

متلومش نفسك ياقلبى ولاتلوم الزمان ولاتندم عليه أو ع اللى كان

اللي خان ملهوش طريق الا الضياع
راح اللي راح وانتهي
مش خلاص بعت ومشيت
قلت خلاص اللي بنا اتنهي
عملت نفسك مجروح حزين
حتي الدموع مثلتها
كل مشاعر ليك في قلبي
بجرحك ليا شوهتها
دأنا ياما في بعدك ليالي
النجوم سألتها
لو كانت شافت عنيك
تبعاتلي بس بضيها
خبيت في قلبي مشاعر ليك
صعب عليك تحسها

يارب اكون كتبت حاجه صغيره توفي ابداعك ياجينا

دمتي لنا بكل خير وابداع

الموضوع: ياخسارة الأيام خاين

أدوات الموضوع

ياخسارة الأيام خاين

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة