مين بتحبه أكتر ...............؟؟؟؟؟؟؟؟؟؟؟؟؟

[botta]

مين بتحبه أكتر ........ بابا ولا ماما ؟؟؟؟؟؟؟
مين الأغلى ماما؟؟؟؟؟؟؟ولا الأغلى بابا؟؟؟؟؟؟؟؟
ياما سألونا ياما حيرونا .. ماما اللى بتحبكم أكتر ولا بابا

دى كلمات أنشودة للأطفال على احدى القنوات الفضائية
رد الأطفال بعد كل جملة بيكون : ماما و بابا
سمعتها كتير و حفظتها كويس ، بس فكرت فيها لقيت الموضوع ده كان بيحصل معانا زمان
ممكن تقولوا ده كلام هايف
بس بجد تعالوا نفتكر احنا طفولتنا مش من زمان أوى ولا حاجة
من عشر سنين مثلا : كنا بنحب مين أكتر؟؟؟
كنا بنخاف من مين أكتر ؟؟؟
بعضنا كانت الأم هى الطرف الأحن عليه ، والأب هو العصبى أو الشديد و المشغول عنا عشان أكل عيشه
و بعضنا كان الأب رغم انشغاله هو الطرف الحنون اللى بيطبطب و يراضى و كانت الأم هى الطرف اللى بيشد ( ماهو كده الصح لازم طرف يشد و التانى يرخى عشان يستقيم ميزان التربية)
طيب .. دلوقتى و انتوا على أعتاب الجواز بتحبوا مين أكتر ؟؟؟
و لما تبقوا آباء و أمهات
انت كأب مش هتزعل لما ابنك أو بنتك يحب مامته أكتر؟؟؟
و انتى كأم مش هتزعلى لما ابنك أو بنتك يحب باباه أكتر ؟؟؟
تيجوا نتخيل بجد ... مستنية آراءكم

فى أمان الله

[ام اسراء]

صح ياشيماء بتحصل أنا فاكره كنت بتسأل السؤال ده
بس أنا عمرى ماحطيت ولادى فى التجربه دى أو عمرى ماحبيت أنا أخوضها مع ولادى
لك تحياتى موضوعك جميل جدا

[botta]

نورتينى و يشرفنى تكونى أول رد فى الموضوع يا أم اسراء
ربنا يخليكى لأولادك و يخليهم لك

[lenasalman]

بصراحة الحمد لله
مكنش فيه حد بيسالنى
بتحبى مين اكتر
بس مع ابنى مش
اتمنى ان يوضع فى هذه
التجربة او يسال هذا
السؤال ابدا
تقبلى مرورى يا عسولة موضوعك كتييييييييير جميل
جينــــــــــــــــا

[~ man neO ~]

لا محدش سالنى السؤال ده
لان مفيش اب او ام يقدر يحط ابنه
فى موقف زى ده
شكراا ليكى لاثاره الموضوع

[ملكة القلوب]

كتير اتسالت السؤال ده
و انتى كأم مش هتزعلى لما ابنك أو بنتك يحب باباه أكتر ؟؟؟
ان شاء الله مستقبلااااا
لا مش هزعل خالص
لان انا وهو واحد
عادى يعنى
وشكرااااااا ليكى يا قمر
على التوبك الجميل
تسلمين

[botta]

على فكرة يا جماعة السؤال ده مش بيخوف أبدا ولا بيحرج أحد الطرفين ولا بينصر أحدهما على الآخر .. كل الهدف منه اننا نعرف الطفل حابب تكون طريقة المعاملة معاه ازاى ؟؟
زى طريقة الأب ولا الأم .. و احنا كآباء و أمهات بنحسن موقفنا فى عيون أولادنا أحسن ما مجرد تفضيله للطرف الآخر مع استمرار حبه لينا يتحول لكره لينا و احنا مش حاسين

جينا ـــ محمود ـــ ملكة

نورتونى و يا رب مانحرمش من آرائكم أبدا

[King MeZo]

طبعا كلاميك صح بس ده كان زمان دلوقتى بنقول بتحبوا مين
تامر حسنى ولا عمرو دياب

[botta]

هههههههه

ممكن برده .. نورتنى والله

شكرا لمرورك اللطيف

[Sherif _S_a_s_a]

لما قرأت الموضوع والردود حسيت اني رجعت تانيه ابتدائي تاني

فعلا سئلوني السؤال دا كتير

مش ولدي او ولدتي بس لا مره كمان عمي الكبير سئلني بتحب ماما اكتر ولا بابا يا شريف

وطبعا علشان انا ناصح قولتله (( بحبك انت يا عمو ))

واخد منه طبعا جنيه وجريت

بس دلوقتي طبعا بحبهم الاتنين اكيد بس ولدتي ممكن تكون اقرب ليا اكتر علشان صغيره في السن

ودايما بحكلها كل جااااااجه وهيا كمان يعني أمي و صحبتي في نفس الوقت

وكفايه رغي بقي وميرسي كتير للموضوع الجميل دا

**