قصة حب جميله...بليييز عايزه اسمع رأيكم لاني متردده

[iLWda3]

انا عايزه احكيلكو عن قصة حب بجد جميله ... كلها مشاعر واحاسيس صادقه... والموضوع عني.
انا حبيت واحد من وانا لسه عندي تسع سنين..طبعا ممكن مش تصدقوا بس بجد انا مش بهزر ،اسمعوني وانتم تعرفوا.
من اول مره شوفتوا فيها وانا حسيت نحيته بحاجه..في الاول قلت دا عبط وانا لسه صغيره وبعمل زي البنات وبقلدهم وخلاص.المهم اني فضلت احبه بردو وكان دايما في بالي ومكنتش بنساه لحظه..قاعدت في حبه ده لوحدي سنيييين ومن غير ما احكي لحد حاجه ولا لمحت له باي حاجه ..مع اننا نعرف بعض وكنا بنتقابل كتير بس انا عمري ما بينت قدامه حاجه لاني كنت شايفاه عادي جداا معايا..في الفتره اللي فضلت احبه فيها مع نفسي اتحبيت مرتين من ولاد تانين ...كانوا ظراف اوي وحبوني بجد وانا كنت مصدقه مشاعرهم نحيتي...بس لاني قلبي مش بيفكر في حد غير (m) فا كنت رافضه اني احب اي حد تاني حتى لو مقلتلوش لـ(m) اي حاجه وفضلت ساكته ...كنت مخلصه له اوي في حبي ليه..لدرجه اني خسرت اعز صديق عندي عشانه.المهم اني قعدت فتره كبيره متلعقه بيه رغم اني مكنتش بشوفه كتير لانه كان دايما بيسافر.. وحتى لما كان يرجع كنت انا اللي ابقى مسافره...بس بردو كان عقلي وقلبي مش شايفين غيره.
وبعد فتره عرف اني بحبه..وانا اللي رحت قلتله..بعد ما كنت تعبت من الفراغ اللي انا عايشه فيه ده..وهو سمعني وصدقني وحس بكل كلمه قلتها..وطلع هو كمان حاسس من نحيتي حاجه..ويوم بعد يوم من كلامنا مع بعض بدأ يحبني وكل يوم يفوت يحبني فيه اكتر من الاول...وعشنا مع بعض اجمل قصه حب في الدنيا..الحب الصادق المخلص اللي بجد اللي انعدم الايام دي ومبقاش موجود..احنا رجعناه تاني..وحبينا بعض اوي اوي فوق ما تتخيلو ...بقيت بخاف عليه اكتر من نفسي ومستعديه اضحي باي حاجه في الدنيا عشان حبي ليه..ومكنتش عايزه اي حاجه غير اني اكون معاه وبس ...حلمنا نكون مع بعض لحد اخر يوم في عمرنا وعمر ما في اي حاجه تحاول تفرق بينا..كانت كل ثانيه بتعدي كان هو بيبقى معايا فيها بقلبه وروحه..كل حلم حلمته هو شاركني فيه..باختصار بقينا ملناش غير بعض.
ولاني مصدقه ده حاولت اني اعترف لوالدتي بكل شىء ..وقلت لها وهي فهمتني وقدرت مشاعري انا وهو ..بس قالتلي بلاش تعيشي نفسك في حلم انتي عارفه انك هتصحي منه..انتي لسه صغيره ومفيش حب للي في سنك ده...واتاكدي انك بكره نظرتك في الحب هتتغير وانك ممكن تقابلي حد تاني وتعجبي بيه ..وبكره تقولي ان كل ده كان لعب عيال وهزار مش حب..انتم مش لبعض ولازم تفهمي كده..في الاخر كل واحد هيشوف حياته ..مفيش حب بيستمر للاخر ويعيش كتير لازم هينتهي يا إما منكم يا إما من اهلكم..بس لازم تتاكدي ان دي فتره وهتعدي.
الكلام ده بردو سمعتو من خالي ومن كل صحابي..كلهم قالو نفس الكلام....بس انا حاسه من جوايا ان عمري ما هتغير من نحيته ولا هنساه لاني بجد بحبه.. ومش شايفه حد غيره لا دلوقتي ولا بعدين...انا واثقه في حبينا ده اوي عمرى ما هتخلى عنه مهما حصل..لاني لو ضيعته صعب الاقي زيه تاني.
فا كنت حابه اسمع رايكم في الموضوع ده .. وكل واحد يقولي وجهة مظره..واي حاجه عايزين تقولوها يااااريت تقولوها...حتى لو كان نفس رايهم بس انا عايزه اعرف ردكم ايه.

[نونا الشعنونه]

حبيبتى الحب احساس جميل جدا جدا جدا و الحب مالوش سن
و لازم تحافظى على حبك و تحميه و تحاربى الكون كله علشانه
و مامتك خايفه عليكى خايفه ان القصه دى ما تكملش و تنجرحى
بس طول ما انتى حاسه بحبه و متأكده عيشى فيها حتى لو ما كملت القصه
كفايا انك استمتعتى بالفتره دى من حياتك و حسيتى الاحساس ده

[فلسطين بدمي]

ازا كان حبكم صادق دافعي عنو للآخر لانو بطل في هيك حب هالايام ...وبالنسبة لاهلك وامك هم من وجهة نظرهم انو مابنفع لانو انتي زغيرة وما عندك قد تجاربهم بالحياة بس اسمعي مني وصدقي قلبك للآخر

تقبلي مروري بيسان

[شيري العسولة]

بصى يا حبيبة قلبي انتى قولتى كل الكلام الحلو وماقولتيش اية اللى خلة اصحابك ومامتك يقولوا ان الحب مش هايكمل
وصدقينى لو حب حقيقي ان شاء الله هاتكونوا لبعض وكل شىء قصمة ونصيب بجد
بس عايزة افهم منك لية بيقولوا ان الحب مش هايكمل وانتى سنك كام
وانا ليا راجعة بعد ماتردى عليا ياقمراية

[بحر الغرام]

أنت لسه صحيه يا ختى لاء بجد كلامك حكم يا ختى

انا بئيد كلام بيسان تقبلى مرورى سلمى

[iLWda3]

(ميرسي الاول يا شيري على اهتمامك)
هما بيقولوا كده من غير سبب...ماماتي قالتلي ان مفيش حب في الدنيا دي بيستمر لازم هينتهي باي طريقه..يا اما منك او منه او من اهل حد فيكم...بتقول اني ممكن اتغير لما اكبر..بس انا مش حاسه كده ابدا..واصحابي وخالي ليهم نفس الراي بيقولو لاني لسه صغيره وده مجرد اعجاب في نظرهم بس عندي انا حاجه تانيه خاااااااااالص بجد صدقوني...(انا بحبه).
انا عندي...................................(14)س� �ه///////////////////وهو عنده.............(18)سنه.
اكيد انتي كمان هتقولي ان احنا لسه صغيرين؟؟؟؟؟؟؟؟؟؟صح؟

[iLWda3]

أنت لسه صحيه يا ختى لاء بجد كلامك حكم يا ختى

انا بئيد كلام بيسان تقبلى مرورى سلمى

ميرسي يا سلمى على مرورك الجميل..ومنوراني

[Sherif _S_a_s_a]

بسم الله الرحمن الرحيم

___

جميل اوي الـ انا سمعته منك دا ورغم من كلام مامتك واصحابك متصدقيش حد فيهم مع احترام وجه نظارهم

صدقيني محدش هيحس بحب حد ولا قلبه هيدق بدل قلب حد

انتي بس و لوحدك الـ تقدري تعرفي الحب دا حقيقي ولا لاء

ولو كان حقيقي اوعي تتخلي عنه وعيشي فيه كل لحظه وكل ثانيه الحب الحقيقي عمره ما يتعوض

ومحدش عارف بكره فيه ايه ياما ناس كتير بتحب بجد ومع ذالك بيتكتب عليهم الفراق

المهم انك تتمسكي بالحب دا تؤمني بيه وتحسيه بجد

وهتلاقي كل الـ حواليكي حسو بيه

لأن المشاعر الحقيقيه البريئه عمرها ما تتخبي ولازم هيصدقوها

علشان الحب الحقيقي بيتكون من احساس صادق وكل الـ هيصادفه هيحس بيه ويعرف انه صادق

أيمانك بنفسك وبحبك وحبيبك هيوصلك لأجمل طريق

وساعتها بس هتفوزي بحاجه قليل اوي من الناس بيوصلولها

هيا اننا نكمل مشاور حياتنا مع الانسان الـ بنحبه بجد وبيحبنا بصدق

اوعي يفوتك و اوعي كلام الناس يأثر فيكي اوعي

***

[شيري العسولة]

بصى يا ايمى يا حبيبة قلبي الحب مافيهوش صغير وكبير ابداااا
المهم انو يكون حب بجد وان شاء الله يستمر الحب ده ويكتمل بالزواج ان شاء الله
بس انتى خاليكى واثقة فى حبك وحبيبك وهو ان شاء الله هايكون من نصيبك
ومالكيش دعوة باكلام الناس كلامهم ده ولا هايقدم ولا هاياخر يعنى لو سبتى حبيبك زى مابيقولوا
ماحدش هايحس بوجع قلبك او قلبة غيركم وماحدش بيحس بحد وبجد دى عن تجربة
ومافيش احلى من الحب والاحلى انك تلاقى الحب الحقيقي ده
ولازم تتمسكى بية لحد ماربنا يتمملكوا على خير باذن الله
وماتنسيش تبقى تعزمينى ياقمراية

[iLWda3]

ميرسي اوي اوي يا شيري على كلامك...واكييييييد انا عمري ما هتغير من نحيته ولا هسيب الحب ده يضيع مني ابدا ابدا مهما حصل..لان زي ما انتي قلتي لو سبنا بعض مفيش حد هيحس بوجع قلبنا غيرنا
ويارب يسمع منك ونكون لبعض..ويتحقق اكبر حلم في حياتي..واكيد لما اتعرف عليكي اكتر هتكوني اول المعزومين انشاااااااااااااالله يا جميل.
(وميرسي كتييييييييييييييييييير تاني مره على اهتمامك)