أمتحان الثانوية العامة في مصر .. اتسرق ادخلوا شوفوا الامتحان

[3asheq Elrasol]

السؤال الأول: التعبير


اكتب ما لايقل عن 650 سطر فى أحد الموضوعات التالية

لم يجد الطفل غير الشارع ملجأ نظرالحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز


بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب


ـــــــــــــــــــــــــ ـــــــــــــــــــــــــ
السؤال الثانى: القصة

من قصة " وعهد الله ما انت داخل الانتخابات" .. اقرأ القطعة وأجب عن الآتى:

(ثم أتى إليه وضربه بالجزمةوقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)

الأسئلة:

1-ما هى اللحمة؟ أو على الأقل حدد أقرب معنى خيالى لها

2-مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

3-لماذا ضربه الرجل بالجزمة وليس بالعصى مثلا؟؟
(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهمها انت بقى) اختر

4-حلل بمزيد من التفصيل جملة ضربه بالجزمة ومدى توافقهامع جملة مصر بتتقدم بينا


ـــــــــــــــــــــــــ ـــــــــــــــــــــــــ
السؤال الثالث النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ما تحزن تمشى ف شوارعها وتشكى لها)


1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلهافى النص؟

(المسيسبى - الأمازون – يونج يانج)

2-هذا النص من نصوص الحزب الوطنى والدليل وجود اسم مهم من قيادات الحزب فى النص
.استخرج الاسم 3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف ياسيدى

ـــــــــــــــــــــــــ ـــــــــــــــــــــ
السؤال الرابع الخط

كوز المحبة انخرم..طرطش على كمى..ياحبيبى بطل جفا وارحم عذاب امى


اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

تحياى لكم : محمود
منتظر الردود

[no.sence]

شكرا على الموضوع

[3asheq Elrasol]

شكرا على الموضوع

الشكر لله ومنور الكافية

[BANOTADALO3A]

ههههههههههههههههههههههههه ههه
روووووعة بجد
حلوة اوى
يسلموو الايادى على الموضوع الجميل ده
تقبل مرورى

[3asheq Elrasol]

ههههههههههههههههههههههههه ههه
روووووعة بجد
حلوة اوى
يسلموو الايادى على الموضوع الجميل ده
تقبل مرورى

وتسلم ايدك على الرد والمرور

[البرنسيسة الزملكاوية]

اللهم اغفر له ولوالديه ماتقدم من زنبهم وما تاخر وقيهم عذاب القبر وعذاب النار وادخلهم الفردوس الاعلي مع الانبياء والشهداء والصالحين واجعل دعائهم مستجاب في الدنيا والاخرة
بس بردة هقول شكرا ليك وموضوع راااااااااااائع "تسلم ايدك"

[haboosh]

ههههههههههههههههههههههه
خلينا بالمناهج احسن
ههههههههههههههههههههههههه ههه
يسلمو ايديك

[fatma86]

ههههههههههههههههههههههه
تسلم ايدك بحد حلووووووواوى

[3asheq Elrasol]

شكرا لمروركم ومنورين الكافية