طب والله قصة ظريفة يا نانسي
انتي اللي مألفيها صحيح؟
طب والله ليكي حس فنان كوميدي
تسلمي يا ام برعي ع القصة
ام حسنين خارجه زى كل يوم ع الضهر كده ومعاها طبق غسيل وبتفتح الشباك
ام حسنين : اصباح الخير يام حنفى ، وطبعا ام حنفى بتكلمها من شباك المطبخ وهى بتعمل لابو حنفى حله الملوخيه اللي بالطشه اللي هيا وعماله تغنى ومش سمعه ام حسنين طبعا ام حسنين هتتنرفز وتقوم نادهه عليها بصوت اعلى شويه : وليه يام حنفىىىى صباح الخير ياوش الخير ، ام حنفى اخيرا خدت بالها وقالت ياندامه معلش يامو حسنين مخدتش بالى صباح الفل عليك ياوش اللبن عامله ايه بقالك ياختى يومين محدش شافك
ام حسنين :لاء ياختى منا كنت عند اختى اصلها بعيد عنك كده يارب وهى نازله تقعد عند الجيران اللي تحتهم اقعبلت في السلم اتفكت ياحبه عينى على وشها فقولت اروح اقعد معاها يومين كده ،،
ام حنفى : ياختى الشر برا وبعيد الف سلامه انشالله الي يكرها وهى عامله ايه ياختى دلوقتى
ام حسنين : الحمد لله اهى كويسه
ام حنفى : انشاله دايما كده
وام حنفى شافت ابنها محمد الصغير بيلعب تحت والواد سعيد ابن جارتهم هنيه بيضرب الواد محمد ابن ام حنفى طبعا ام حنفى اتغاظت بس هتسيب الملوخيه ع النار عشان خناق العيال يعنى وجوزها يجى يطلقها![]()
ام حنفى : انت ياض ياسعيد يالى تنشك فى زورك سيب ابنى ياض . الواد سعيد شافها وطلع يجرى وطبعا ام حسنين قالت : ياختى ده واد ابن مفقوعه كتو نيله هو وامه
ام حنفى : امين ياختى
وامبارح ياختى انتى مدرتيش باللي حصل
ام حسنين : لا ياختى ايه اللي حصل
ام حنفى : الوليه ام منى جوزها المعلم صابر امبارح كان هيرمى عليها اليمين
ام حسنين : يالهوىىىىىىىىىى
ام حنفى : اه والله ال ايه عشان ياختى خرجت امبارح واتاخرت نص ساعه عن معادها شوفتى
ام حسنين : طيب ياختى وايه ياعنى هو الراجل ده شايف نفسه على مراته طيب عارفه المعلم حسب الله جوزى الله يكرمه عمره ماحددلى ساعه ماهى ياعينى برضك الوليه ام منى دى غلبانه كده وجوزها ده مفترى
ام حنفى : لا ياختى برضك المغروض لما تحدد معاد ترجع فيه هى الست مننا كده لازما ولابد تسمع كلمت الشنب اللي معاها . الا قوليلي هو الواد حسنين ابنك عامل ايه ؟
ام حسنين ياختى افتكريلنا سيره نضيفه
تخرج واحده من شباك من شبابيك تقاطع كلامهم وبتقول : ازيك يامو حسنين ايه ياختى فينك محدش بيشوفك يعنى اديلك يومين
ام حسنين : معلش ياختى اصل اختى وهى نازله تقعد تتساير مع الجيران وقعت اتفكت على وشها الست : تئ تئ تئ يالهوى الف سلامه ياحبيبتى الف الف سلامه انشالله انا
ام حسنين : امين ااااه اقصد ياختى بعد الشر مفيش حاجه بعيد عن ربنا برضك
الست : طيب ياختى انا هدخل اشوف العيال بيسرخو ليه
ام حسنين : خشي ياختى خشي خشي
الست : يلا سلامات ، وبعدين الست تبص من الشباك وطبعا تحت البيوت دى كلها السوق وبتنده اوى ياعم شعباااااااااااااااااااااا ااااااااان ياعم شعباااااااااااااااااااااا ااان
عم شعباان : ايوه ياست ايوه
الست : والنبي ياخويا جزمتين بقدونس واتنين شبت وتلات ربط خس
عم شعبان:لا حول ولا قوه الا بالله يعنى النده ده كوله عشان حزمتين وطبعا انا اللي هطلعلك
الست : يوه بئا ياعم شعبان ربنا يخليك خيرك على اهل الحته
عم شعبان :ربنا يخادنى ياااااااااااااارب .
الست بتدخل جوه وتزعق جامد وصوتها بيطلع وطبعا محدش من اهل الحاره بيعلق على علو صوتها لانه شئ معتاد عندهم ايزى يعنى
ام حنفى: مالك يام حسنين مديا الوليه وش خشب ليه ياحبيبتى
ام حسنين :جرا ايه ياختى دى وليه دون ومعفنه ومحدش بيطيقها
ام حنفى : ياختى برده واجب دى بتسال عليكى وتطمن ، ها مقولتيش اخبار ابنك ايه
ام حسنين : انا عارفه ده واد زفت وربنا اهو بيرجعلى كل يوم الساعه 3 الفجر وانا بخبي على ابوه وابوه لو عرف هتبئا مصيبه ومش عارفه اتصرف معاه كتو نيله تاخده
ام حنفى : يادى النيله انا بئا الحمد لله ابنى لسه صغير انتى ابنك عنده اد ايه؟
ام حسنين :20 نيله زفت سنه
ام حنفى : ياختى ربنا معاكى
ام حسنين : امين امين
ام حنفى : طيب بقولك ايه ياختى معلش انا هروح اريح شويه اصل بعيد عنك عقبال ماعملت الاكل خلاص مش قادره
ام حسنين : ياختى يامسهوكه روحى ياختى روحى
ام حنفى: بلازن ياختى
ام حسنين : ازنك معاكى ياحبيبتى
................................
وبكده تكون انتهت حكايه ام حنفى وام حسنين ودى حكايه مش خياليه بس هى من خيالي لكن اقصد انها بتحصل
انا عوزاكو تقولولي رايكو بكل صراااااااااااااحه
طب والله قصة ظريفة يا نانسي
انتي اللي مألفيها صحيح؟
طب والله ليكي حس فنان كوميدي
تسلمي يا ام برعي ع القصة
(قل ربي ارحمهما كما ربياني صغيرا)
سأصبر حتى يعجز الصبر عن صبرى ... وسأصبر حتى يأذن الله فى أمرى ... وسأصبر حتى يعلم الصبر أننى صابر ... ولك الله يا مصرنا الحبيبة .البحث على جميع مواضيع العضو Serag Magdy
تسلم ياسيراج والله ده من زوقك ياقمر اه انا اللي مالفاها ياسيدى بس حاسه انها مش حلوه انشالله اللي جى يكون احسن وانا اصلا بالف وبكتب شعر . وميرسي على انك قولت رايك بصراحه
ههههههههههههههههههههههههه ههه
انا شوفت حوار زي دا مره في المنصوره
بس بجد كوميدي جداااا يا نانسي
تسلم ايديكي
ومنتظر مزيدك
**
الف شكر ليكي يا ام ابراهيم اه سوري يا نانسي
بجد فنانه وفنانه كبيره كمان
تقبلي مروري
omar
ميرسي والله انتوا اللي زى العسل بكلامك الجميل ده بس انشالله القصه الجاييه هتكون جامده موت وياريت تقولو برده رايكو بكل صراحه فيها
اية الحلاو ة و الجمال دة كلة والله عسل الموضوع ربنا يوفقك يا ننوسة يا قمر
ياجماعه ياريت اللي يقراء الموضوع يسيب رد عشان اعرف الموضوع عاجبكو ولالاء![]()
شكرررررررررررر
الذين يشاهدون الموضوع الآن: 1 (0 من الأعضاء و 1 زائر)