ملاك يا حبيبتى اسمحى لى أرد : ما فيش حاجة اسمها يقول لأ و يدوه على دماغه ــــ و يقول حاضر يقولوا ما عندكش شخصية
كل الحكاية هى متى نقول لا و متى نقول حاضر ؟؟
ماينفعش ماما تقول ما تصاحبيش فلانة عشان مش كويسة تقولى لأ هصاحبها أصلى بحبها
ما ينفعش ماما تقول البسى محترم تقولى لأ أنا لسه صغيرة و عاوزة أروش و اتشيك زى صحباتى
الحكمة منك انتى انك تعرفى ازاى تناقشيهم و تقنعيهم برأيك ( اذا كان صح طبعا ) أو تقتنعى انتى برأيهم اذا كان هو الصح
لكن من أولها نعاند بعض و نعمل الحياة صراع احنا فيه جبهة لوحدنا و كل الباقيين جبهة معارضة ما ينفعش يا قمر
فكرى بالراحة كده .. و أى استفسار أو مشكلة أنا تحت أمرك
و خلى بالك تانى لو هم تفكيرهم مش عاجبك حاولى تفكرى معاهم بصوت عالى
و الله هم عاوزين يوفروا عليكى مشاكل كتييييييييييييرهتنتج من تجارب هتعمليها و تفشل ، و لأنهم عارفين كده بيقصروا عليكى الطريق
بس تقولى ايه بقى .. جيل غاوى يتعب نفسه
هاااا اتفقنا ؟؟؟ يا رب تعجبك نصيحتى