ازاى ترفع ضغط البنت (للاولاد فقط)

[قطقوطة]

كيف يرفع الولد ضغط البنت

العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء......
1- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟
2- ولما ترد و تقول خلاص انا اسفة
ترد و تقول شىء طبيعى
3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!
4- لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لما تسالك انت بتبصلى كده ليه شد على الرابع و نفضلها.......
5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط.
6- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!!!
7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!!!
8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....
9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......
طبعا و شها هيبقى شبق الطمطماية لكنها بعد كده هتروح تشتكيك لوميلاتها و تقول عليك انك و لد تنك و ماعندكش دم و لا ذوق....
و فاجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....
10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)
11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!
12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!!!
13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!
14- لو كنت ماشى مع بنت سامرة (على فكرة انا بموت فى السمر ماتفهمونيش غلط انا حتى اللى بمشى معاها شبه سامية جمال!!) وكانت لابسة فستان احمر و قاليتلك دلعنى....
قولها : يا فحم مولع..!!!
15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!
16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها سارة!!!!!!!
17- لو قالتلك اى بنت مش بزمتك انا مالية عليك حياتك
قولها: ايوة بس لو ماكنتش عرفتك كانت محفظتى هتفضل مليانة

مع اعتذارى للبنات
متنسوش الرد يا جماعة

[نانسى جلال الهجرسي]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه قطوطه انتى بنت ولا ولد ولا ايه ولو انتى بنت تعملى فينا كده ليه هع هع هع

[قطقوطة]

معلش بقة يانانسي اهو حاجة كدة نفرحهم بيها وماتقلقيش كدة كدة مش بيقدروا علينا ان كيدكن عظيم والا ايه
نورتينى ياقمر

[gogo]

ههههههههههههههههههههههههه هههههههه ايوة فرحيهم

[قطقوطة]

ههههههههههههههههههههههههه هههههههه ايوة فرحيهم

تسلملى ضحكتك دى ياقمر ونورتينى وبعدين من حقهم نفرحهم شوية لكن
ماخفي كان اعظم
مرسيه لمرورك ياقمر

[Lovely.Romantic]

لا لا دي في طرق اغتت من كده تخللي البت ضغطها يترفع وتصوت وتلطم باللاوندي كمان .. بس دي الواحد يستخدمها مع بنت تكون خنقته في موقف او اتنين انما في طرق بقى تخللي البت تتشل يا حول الله وهي واقفه مكانها دي بقى الواحد يستخدمها لما يكون خلاص قرب يقول من البنت اللي قدامه أمان يالاللي انا عقلي بقى كله تراللي
وارجو تقبل الرد غصب عنك

[قطقوطة]

لا لا دي في طرق اغتت من كده تخللي البت ضغطها يترفع وتصوت وتلطم باللاوندي كمان .. بس دي الواحد يستخدمها مع بنت تكون خنقته في موقف او اتنين انما في طرق بقى تخللي البت تتشل يا حول الله وهي واقفه مكانها دي بقى الواحد يستخدمها لما يكون خلاص قرب يقول من البنت اللي قدامه أمان يالاللي انا عقلي بقى كله تراللي
وارجو تقبل الرد غصب عنك

انا مؤمنة بالديموقراطية
وانت اكيد ردك يشرفنى
بس انت واضح انك ياااااااااااما اخدت مقالب من بنات وخلوك تقول(روحولى ياهووووووووووووووو )بس ماتزعلش انت حظك كدة
بس لازم تقولنا ع الطرق اللى انت عارفها
مرسيه ليك ع المشاركة ياعسل

[قطقوطة]

?????????????????????????????????????????????????? ?????????????

[Ali Pharouq Najar]

ههههههههههههههههههههههههه

متشكر على النصايح الغالية
يا ياسمين .............
و أوعدك هأجربها ....

على

[قطقوطة]

ههههههههههههههههههههههههه


متشكر على النصايح الغالية
يا ياسمين .............
و أوعدك هأجربها ....

على

بس انا مش ضامنة رد فعلها هيكون ازاى؟؟؟؟
احتمال تخبطك بكرسي ؟
كدة يعنى ان كيدهن عظيم
انا مش مسئولة
نورتنى ياقمر