هكذا تختفي الأعضاء الفعالة والأقلام المبدعة ..

[انتهينا]

بسم الله الرحمن الرحيم

( س )
عضو نشيط وفعال فى منتدى ما
بيحب المنتدى زى عنيه وبيعتبره فعلا بيته التانى

العضو ( س ) جت ف دماغه فكره
انه يعمل موضوع عن
( الشباب واهدافهم واحلامهم وحياتهم )
ولان العضو ده مش بيحب موضوعاته تكون اى موضوعات والسلام

وعشان الموضوع مهم

قعد يبحث ويقرا
ويدور يمين وشمال على النت
على كل كلمه
وكل معلومه تفيده فى الموضوع

وعشان الموضوع مهم -
- فمتاكد انه هيدخل اعضاء كتيره تتناقش معاه ف الاهداف والاحلام
وكل واحد هيدخل يقول رأيه

وف اليوم المطلوب
بدأ العضو ( س ) كتابة موضوعه الهام
وبدأ فى اختيار الكلمات المعبره عن اهمية الموضوع

وفى نفس اللحظه كان موضوع تانى لعضو تانى بيتكتب
الموضوع التانى عباره عن لعبه ( ادخل وقول اكلتك المفضله -- او مقاس جزمتك ايه ؟ )

انتهى العضو ( س ) من الكتابه
وهو يسأل الله ان يمنحه الوقت الكافى للرد على مشاركات الاعضاء التى ستتهافت على موضوعه الهام


خرج العضو ( س ) لقضاء بعض الاشياء التى اراد ان ينجزها سريعا حتى يعود للرد على الاعضاء
فالموضوع هام ولا يحتمل التأخير

فتح العضو ( س ) بريده
فوجد رساله واحده
كان متوقعا انها رساله من المنتدى بأن هناط ردودا كثيره على موضوعه المفيد الهام القيم
ولكن المفاجاه ان الرساله لم تكن ردا على موضوعه
بل هى رساله اعلانيه لموقع جديد على الانترنت

دخل بسرعه على موضوعه
فوجد عداد الردود على موضوعه لم يتخطى الرقم ( صفر )
بينما عداد الزوار قد تخطى بكثير حاجز ( المائه )


وفى نفس اللحظه
كان موضوع ( مقاس جزمتك ) مملوء على اخره ( بالجزم ) اقصد بالردود المتهافته على المقاسات


مر اليوم الثانى كاليوم الذى قبله

وفى اليوم الثالت وجد عداد الردود قد تحرك الى العدد 2

احدهما من مشرف المكان
والاخر من عضو كان رده على الموضوع القيم الذى سهر عليه ليالى لاعداده كلمة ( شكرا )

بينما وصل موضوع ( مقاس جزمتك ) المائة صفحه بل قل تخطى الالف مشاركه


وبعد اسبوع
كان موضوع العضو ( س ) فى الصفحه التانيه وسرعان ما وصل للصفحه الثالثه
بينما لم يحتاج المشرف الى تثبيت الموضوع بتاع
( مقاس جزمتك )
لان معدل الردود كاف لجعله دائما اول موضوع فى اول صفحه


هكذا

قرر العضو (س ) ان يغادر المكان
بعدما حاول مرارا وتكرار انعاش موضوعه بالردود واعادته الى الحياه بالصفحه الاولى
ولكنه سرعان ماتلاشى الموضوع

وقرر العضو المبدع المفكر ان يغادر
تاركا المكان للعضو صاحب موضوع مقاس جزمتك
الذى صار فى لمح البصر مرشحا للاشراف
بل وتخطى عدد مشاركاته الالف مشاركه
هو ابن اول امبارح



وهكذا انتهت حكاية العضو (س )
وبعده بدأت حكايات مماثله لاعضاء هم على نفس شاكلته
والتى سرعان ماانتهت حكاباتهم نفس النهايه
وتركوا المكان لاصحاب موضوعات مقاس جزمتك ومقاس شبشبك ...


والى لقاء اخر مع
اعضاء فعاله
و
اقلام مبدعه

[~ man neO ~]

احناا يا احمد لو هنعمل زى عمك العضو س يبقى محدش
هيبقى فى المنتدى
لان كلناا بنعمل مواضيع ومبيتردش عليهاا
اناا مثلا بعمل مواضيع تستحق الرد ومواضيع اخرى يعنى عاديه
بيترد عليهاا اكثر من اللى اناا شايفهاا تستحق
فدى بترجع للنااس اللى معاك وطريقتهم وفكرهم وكده يعنى
هياا فعلا حاجه بتحرق الدم بس يا سيدى عادى

[شيري العسولة]

انا معاك فى رائيك يا محمود
بس هانعمل اية ادينا صابرين وبنعمل اللى علينا
تسلم احمد لمجهودك الجميل

[كابوس الحرامية]

وانا مع محمود في رايه

ولو حنتكلم عن الكافيه فهو بيكبر بس محتاج شوية اهتمام وتدقيق

لان بقى عندنا مواضيع كتير ملهاش لازمة

محتاجين نعمل ريفرش للكافيه شوية

ومرسي يا احمد على التوبيك اوعى تطلع انت س

[نجمة الأحلام]

عندك كل الحق فعلاً كلام مظبوط 100 % أنا لاحظت كدة إن المواضيع الجادة ردودها اقل بكتيير من المواضيع الهزلية يمكن لأن الواحد بيستسهل لسة يقول رأيه في الموضوع الجاد دة ولسة هيتكلم كتير لكن المواضيع التانية بتبقي كلمة و يخلص نفسه
علي العموم متزعلش نفسك كل حاجة مهمة و جديدة محدش بيعرف قيمتها لحد ما تنتهي .. ساعتها بس بنعرف قيمتها

[gogo]

فعلا والله عندك بس مش كل الناس زى العضو س
ميرسى ليك
تقبل مرورى

[ام اسراء]

أحمد أعجز عن الكتابة برد يعبر عما أحس به
لأنك أشرت عن أشياء مهمه وتحدث فعلا
الموضوعات المهمة لا يتم الرد عليها مثل المواضيع الركيكه
والأمثلة كثيرة هنا
بس أه العمل؟؟؟؟؟؟؟

[انتهينا]

احناا يا احمد لو هنعمل زى عمك العضو س يبقى محدش

هيبقى فى المنتدى
لان كلناا بنعمل مواضيع ومبيتردش عليهاا
اناا مثلا بعمل مواضيع تستحق الرد ومواضيع اخرى يعنى عاديه
بيترد عليهاا اكثر من اللى اناا شايفهاا تستحق
فدى بترجع للنااس اللى معاك وطريقتهم وفكرهم وكده يعنى
هياا فعلا حاجه بتحرق الدم بس يا سيدى عادى

فعلا كلامك مظبوط يا حودا

وزي ما قالت تحت نجمة الاحلام ممكن بيستسهلوا الرد في المواضيع الهزليه

ميرسي ليك يا محمود على رأيك اللي دايما منورني ومشرفني

[انتهينا]

انا معاك فى رائيك يا محمود
بس هانعمل اية ادينا صابرين وبنعمل اللى علينا
تسلم احمد لمجهودك الجميل

ميرسي ليكي يا شيماء على ردك الاجمل

تحياتي

[انتهينا]

وانا مع محمود في رايه

ولو حنتكلم عن الكافيه فهو بيكبر بس محتاج شوية اهتمام وتدقيق

لان بقى عندنا مواضيع كتير ملهاش لازمة

محتاجين نعمل ريفرش للكافيه شوية

ومرسي يا احمد على التوبيك اوعى تطلع انت س

صح كلامك واللهي يا نهى .. المواضيع المكرره واللي ملهاش لزمه كترت اووي

ومحتاجين فعلا اهتمام اكتر شويه

ميرسي ليكي يا خوخه على ردك اللي دايما منورني ومشرفني