حدث في الواقع {{ حادث مؤسف }}

[Sherif _S_a_s_a]

بـــــسم الله الـــــرحمن الـــــرحيم
__

السلام عليكم ورحمت الله وبركاته

**



امبارح يا جماعه حصل موقف كده بايخ جداا

كنت نايم في البيت ورايح في النوووم

وبحلم بماتش مصر والبرازيل

في بدايه الماتش واول ما المزيع قال

سيداتي انساتي سادتي نحيكم ونقدم لكم ..... هوووب

وفأجاه النور قطع وسمعت صوت تاخ تاخ تاااااااااااااااخ

صحيت من النوم مفظوع فتحت البلكونه لقيت حادثه فظيعه

عربيه جيب داخله في عربيه صغيره كده جابت أجلها

كانت تحت البيت علي طول

لبست بسرعه ونزلت ليكون حد اعرفه واهو بالمره اساعد

والعربيه الجيب مقلوبه علي ضهرها ومنظر بايخ فعلا

و كان فيها عائله كامله اب وام وتالت اولاد تقريبا

والتانيه كان فيها شاب صغير

المهم الناس دي بجد شبه ميته

وفي عز ما الناس مفظوعه وبيحاولو يشيلو الاشخاص ال في العربيه دول

وانا واقف بشوف الـ بيحصل دا ومفظوع

والاقي في حاجه بتتحرك جمب العربيه كده ايه دااا ؟؟

بصيت اوي كده لقيتها رجل بني ادم

قربت شويه افتكرته واحد من اصحاب العربيه

لقيت ايييه ؟

ياترا ايييييييييييييييييييييييه ؟؟

واحد واقف وماسك طفل من الاطفال الـ كانو في العربيه

طفل عنده حوالي 13 سنه كده

وحاطط ايده في جيبه وعمال يفتشه باين !!

يا نهار ابيض دا بيسرقه

الولد مليان دم وتقريبا بيموت ودا بيسرقه

وطلع الموبيل فعلا وحطه في جيبه ومش عارف ايه تاني كده

معقوله دي يعني بدل ما تلحقه وتطلعه تسرقه؟؟!!

دا الولد بينزل دم قدامك ومغم عليه

!!!!!!!!!!!!!!!!!!!!!!!!!!!!

والطفل يصعب علي الحجر وداااا بيسرقه

معقوله دا واحد زينا يعني بيحس وعنده قلب وكدة

بجد دا حصل وقدام عيني يعني لو كان حد حكالي مكنتش صدقته

المهم بقي انـ لسه عارف من ساعه واحده انـ الطفل دا الوحيد الـ توفي في الحادث

والباقي لسه في المستشفي

والحرامي دا اضرب علقه حلوه وجري

طيب هل هوا سبب في موت الولد الصغير دا ؟؟؟

لازم يتحاكم بعيد عن انه حرامي يتحاكم علي موت الولد ؟؟؟

لا قالو ميتحكمش وان الولد مات متاثر بجراحه

طيب ما لو كان لحقه بدل ما يسيبه مرمي ويسرقه ممكن اوي مكنش مات

معقول الفلوس بقت اغلي من حياة انسان

ولا انتو شايفين ايه

؟!!؟




***

[ملكة القلوب]

هقولك ايه بس
معتش في رحمة خلاص
بين الناس
كله دلوقتى يهمه نفسه
بقيت الفلوس هى اهم من كل حاجه دلوقتى
الله يعنا في الزمن ال احنا عايشين فيه ده
وربنا يهدى الناس
اشكرك على التوبك الجميل
تسلم ايدك

[crazyy_mozaa]

اولا موضوعك حلو اوى
ثانيا ليه بصينا للراجل دا على انه حرامى او انه ما انقذش الولد ليه مسالتوش نفسكم ليه الراجل دا بيسرق اكيد فى حاجه قويه هى اللى خليته يسرق ايوة دا غلط بس برضو نبص للموضوع من كل الجوانب

[lenasalman]

ياه يا شريف والله خلتنى اعيط
اكيد الحرامى ده مش انسان
خالص ومش عنده ذرة واحدة من الدم
ده بجد لازم يتحاكم بجد ما يمكن بسبب انه حركه حركه غلط اثرت على الطفل ليه لا المواقف الى مثل هذه من المفروض ان المصاب يتحرك بطرق معينة
ربنا يصبر قلب عائلته يارب ويرحمنة من الناس الى مش عندهم لا رحمة ولا قلب
مش عرفة اقول ليك ايه يا شريف بصراحة تقبل مرورى
جينــــــــــــــــــــــ ــا

[ميشو مصريه]

لا حول ولاقوه الا بالله
الدنيا فعلا اتغيرت ومبقتش زي زمان ربنا يرحمنا في هذا الزمن

[haboosh]

والله حراااااااااام

[شيري العسولة]

والله حاجة تحزن
بس اقولك على حاجة مابقاش فى دم ولا رجولة ولا شهامة عند حد خالص
وبجد انا كمان شوفت بعينى حاجة صعبة اوى
وبدل ما الرجالة اللى واقفة تتصرف لا راحوا يتفرجوا
والبنات قامت بالواجب
خلاص زمن الرجولة انتهى

[ملكة القلوب]

اولا موضوعك حلو اوى
ثانيا ليه بصينا للراجل دا على انه حرامى او انه ما انقذش الولد ليه مسالتوش نفسكم ليه الراجل دا بيسرق اكيد فى حاجه قويه هى اللى خليته يسرق ايوة دا غلط بس برضو نبص للموضوع من كل الجوانب

حتى ولو مش المفروض برضه يعمل كده
ليه بصينا للراجل دا على انه حرامى
طبعاااااااااا هو حرامى
عايزة يعمل كده ونقول عليه مش حرامى

ده في الدين الاسلامى
ال يسرق تنقطع ايده
علطووووووووووووووول
وشكراااااااااااا

[Sherif _S_a_s_a]

هقولك ايه بس
معتش في رحمة خلاص
بين الناس
كله دلوقتى يهمه نفسه
بقيت الفلوس هى اهم من كل حاجه دلوقتى
الله يعنا في الزمن ال احنا عايشين فيه ده
وربنا يهدى الناس
اشكرك على التوبك الجميل
تسلم ايدك

فعلا مبقاش فيه رحمه بعد الـ شوفته امبارح دا بجد

خلاص مبقتش اقول غير

(( سلام علي الدنيا ))

**

[Sherif _S_a_s_a]

اولا موضوعك حلو اوى
ثانيا ليه بصينا للراجل دا على انه حرامى او انه ما انقذش الولد ليه مسالتوش نفسكم ليه الراجل دا بيسرق اكيد فى حاجه قويه هى اللى خليته يسرق ايوة دا غلط بس برضو نبص للموضوع من كل الجوانب

لالا دا مش بس حرامي دا قاتل

معقول يكون دا ردك ظروف ايه الـ يخليه يعمل كده

لو كانت الحياة ماشيه بالظروف كانت نص شباب مصر سرقو ونهبو وقتلو

دا طفل بيموت قدام عينيك عايز ايه اكتر من كدا علشان ضميرك يصحي يا اخي

عايز ايه ؟؟

للأسف مفيش ظروف ولا مبرر هيعفيه من حساب ربنا سبحانه وتعالي

**