ألف مبروك .. و عقبال الفرحة الكبيرة

[botta]

جملة بنسمعها فى كل المناسبات تقريبا
عقبال الفرحة الكبيرة : بتتقال فى الخطوبة يبقى معناها الزواج
عقبال الشهادة الكبيرة : فى أى مرحلة دراسية يبقى معناها التخرج من الجامعة
و غيرها من الأمثلة و المناسبات اللى بنسمعها فيها
لكن السؤال دلوقتى : هل كلنا بتتساوى عندنا الفرحة الكبيرة ـــ يعنى مفهومها عندنا كلنا ثابت ولا المسألة نسبية ؟؟
واحد فرحته الكبيرة لما يستلم وظيفة ( مش تعيين طبعا ) ، واحد فرحته لما يتجوز ، واحد فرحته لما يرزق بالولد ، أو بالبنت ، و هكذا الفرحات كتيييييرة
مين فينا حقق فرحته الكبيرة و حس بيها ، و مين لسه مستنى الاحساس ده ؟؟؟
مين اللى لسه بيحلم و يخطط عشان يستمتع بالفرحة ؟؟؟
اتفضلوا احكوا .. عاوزة أشارككم أفراحكم ( لو مافيهاش غلاسة يعنى )

[كابوس الحرامية]

اوعدك لما احس الاحساس دة حتبقو اول ناس تعرفو

توبيك جميل زيك يا شيماء

[No TiMe]

والله يا حجه مفيهاش غلاسه
بس حبيت اقول كل واحد ليه حلم لو حققو بيبقي فرحتو بالدنيا كلها
زي الجواز والدراسه والتعين وانو يجيب اولاد وكدي
اما بالنسبالي كل حاجه بتفرحني بعتبرها فرحه مش شرط كبيره ولا صغيره المهم تشيلنلي من الحزن
يسلموو شيماء علي التوبك الجيمل دا
ويا ريت اعرف فرحتك فيه ايه لو مكنش فيها غلاسه

[botta]

اوعدك لما احس الاحساس دة حتبقو اول ناس تعرفو

توبيك جميل زيك يا شيماء

خلاص يا نهى و أنا فى الانتظار و يا رب يكون قريب أوى آه لحسن أزهق و امشى
نورتينى يا قمر و دايما بقى هااااااا؟

[botta]

والله يا حجه مفيهاش غلاسه
بس حبيت اقول كل واحد ليه حلم لو حققو بيبقي فرحتو بالدنيا كلها
زي الجواز والدراسه والتعين وانو يجيب اولاد وكدي
اما بالنسبالي كل حاجه بتفرحني بعتبرها فرحه مش شرط كبيره ولا صغيره المهم تشيلنلي من الحزن
يسلموو شيماء علي التوبك الجيمل دا
ويا ريت اعرف فرحتك فيه ايه لو مكنش فيها غلاسه

نورتنى يا اسلام
أنا كمان حاجات كتير بتفرحنى حتى لو بسيطة
فرحتى الكبيرة كانت لما ولدت أول مرة و بعدين زعلت زعل كبييييييير لأن ما كانش ليا نصيب فيها ، و فرحتى الأكبر لما ربنا عوضنى ببنتى ربنا يخليهالى
بس كفاية كده أنا هعمل الموضوع و الردود كمان ؟

شكرا مرة تانية لمرورك الجميل

[طلة القمر]

موضوعك جميل زيك
يلا احكى وبعد البنوته ايه فرحك
شكلك انت اللى حتحكى
الموضوع عايز له وقت 00حرجع تانى

[doo]

موضوع جميل تقبلى مرورى

[Mr.Mo0ody]

هو فعلا الموضوع اكتر من رائع وممتاز فعلا ً

لكن هى زي ما قلتي بتختلف من شخص لأخر حسب مشاعره واحاسيسه وبتختلف لطيبه قلبه كمان

لأن فى ناس رجاله كبير مش بيبينوا انهم بيفرحوا قوى على اعتقاد ان هما بيقللو من نفسهم قدام الناس اللى شايفينهم

لكن انا شايف ان ده غلط

لأن الفرح فرح والجد جد

لكن انا عن نفسي بصراحه لسه ما حسيت انى فرحت قوى بأي سبب من الأسباب

يمكن وبصراحه كانت اكبر فرحه ليا هى فوز منتخب مصر فى مباراياتها العالميه
وفوزها بكأس الأمم الأفريقيه مرتين متتاليتين

وده والله حقيقه مش كذب

واعتقد ان فرحتى الكبيرة ان شاء الله هى لما احقق احلامى واتخرج واتجوز ان شاء الله

وشكرا ليكي مرة تانيه يا شيماء

ومنتظرين مزيدك ............

[botta]

موضوعك جميل زيك
يلا احكى وبعد البنوته ايه فرحك
شكلك انت اللى حتحكى
الموضوع عايز له وقت 00حرجع تانى

الموضوع جميل بطلتك عليه يا أحلى طلة
و هيبقى أجمل لما تحكى عن فرحتك انت بقى

تسلميلى و منتظرة رجوعك السرييييييييييييييييع

[botta]

موضوع جميل تقبلى مرورى

شكرا دوو لمرورك

بس ليه ما حكيتيش فرحتك؟؟؟؟