رد على موضوع الاميرة سومه وبنات الجامعات.........

[اميرة الجراح]

اولا احب اعرف الناس بان انا والاميرة سومه اصدقاء واخوات من اكتر من سبع سنين



ثانيا احب اعرف اللى هيقروا الموضوع ده ببنات الجامعات الخاصه
خد عندك بقا

بنات الجامعات الخاصه تقعد تستهبل فى الثانويه العامه عشان متجبش مجموع وتخش جامعه خاصه
اصل الجامعه الخاصه دى فيها شباب زى الفل ومعاهم فلوس وعربيات تقول ايه بقا اروح اعملى جروب واتعرف على ولد حلو يجوزنى وارفع مستوايا


ده اول نوع من انوع البنات فى الجامعات الخاصه


تانى نوع بقا

بيدخل ومش فى دماغه غير المظهر والاناقه وادفع يا بابا وعيطى يا ماما مش مشكله بس المهم المظهر
البنت من دول متقدرش تروح الجامعه من غير مكياج كامل ولبس حتما ولابد يكون ملفت عشان اول متدخل من بابا الجامعه الكل يبص عليها ومينفعش تكرر الطقم مرتين فى الاسبوع

عكس بنات الجامعات الحكوميه الى ياعينى تنزل من الساعه 8 ولا7 من البيت عشان تلحق المحاضرة الاولى اكمن الدكتور بتاع المحاضرة بيقفل باب المدرج بعد 10 دقايق من دخوله
عكس دكتور الجامعه الخاصه بيتحايل عليهم يدخلو المحاضرة برضوه يعنى عشان سمعت الجامعه متبظش
ويقولو ان جامعتنا افضل جامعه من حيث المستوى التعليمى
طبعا انا مش قصدى اخبط فى الجامعات الخاصه بس يعنى ده من واقع الحياة اللى انا بشوفها واعرف ناس فى الجامعات الخاصه والله وهما اللى بيحكولى

البنات بقا فى الجامعات الحكوميه هما طبعا مش ملايكه
لكن بيبقو شيفين الدنيا بنظرة جديه اكثر من بنات الجامعات الخاصه اللى بتدور على رحله وخروجه وعيد ميلاد

وكفايه انهم ايام الامتحان كانهم داخلين مش امتحان لاء معركه بيستعدو قبليها بشهرين كده للامتحان
وبينزلو من البيت مش شيفين قدامهم اصل الدكاترة مش هينجحهم كده وخلاص عشان يرفعو من سمعه الجامعه
قارن بقا بين بنت الخاص وبنت الحكومى يوم الامتحان بنت الخاص نازله على سنجه عشرة طبعا انتيمى يشوفنى وحشه ومن غير ميك اب يغير رايه فورا
بنت الحكومى نازله مبتقولش اصلا صباح الخير اصل الدكتور مصتقدصها ومدهاش درجات اعمال السنه ومسلمتش شيت الماده
عموما ده وجه اختلاف بسيط جدا للبنات اللى فى جامعه خاصه
والبنات اللى فى جامعه حكوميه
اللى ليه رأى تانى ياريت يقوله ومستنى ردودكم
شكرا سومه
وشكرا ليكم كلكم
Toooooooooooota

[الاميرة سومة]

ليه كده هو انتى شيفانا كده
اه انتى كلامك صح بس مش كلهم كده ولا ايه؟؟
بس تسلم ايدك يا حبيبتى

[اميرة الجراح]

يمكن مش كلهم كده بس 99% كده واسخم من كده
متزعليش بس انا بحب اقول اللى شيفاه من وجهه نظر اكتر واقعيه
شكرا سومه اوعى تزعلى

[كابوس الحرامية]

بيس يا بنات

كلام اميرة حقيقي ومش بس بالجامعه الخاصه بالمدارس الخاصه الثانوية بكلمك عن صدق

[الاميرة سومة]

مقدرش ازعل من نصى التانى

[اميرة الجراح]

بيس يا بنات

كلام اميرة حقيقي ومش بس بالجامعه الخاصه بالمدارس الخاصه الثانوية بكلمك عن صدق

الحمد لله مش انا بس اللى كده انا هنقل الموضوع فى الركن العام ونشوف

[بحر الحنان]

ايه ده ايه ده انتو شردتو البنات
يالهوتي طيب الحمد لله كنت في جامعة حكومية
شكرا ليكي يا أميرة بس المفروض اننا بنات زي بعض وماينفعش نقول كلام زي ده حتى لو حقيقي
ربنا قال بسم الله الرحمن الرحيم (يا أيها الذين آمنو اذا جاءكم فاسق بنبأفتبينو أن تصيبو قوما بجهاله) صدق الله العظيم

[اميرة الجراح]

ايه ده ايه ده انتو شردتو البنات
يالهوتي طيب الحمد لله كنت في جامعة حكومية
شكرا ليكي يا أميرة بس المفروض اننا بنات زي بعض وماينفعش نقول كلام زي ده حتى لو حقيقي
ربنا قال بسم الله الرحمن الرحيم (يا أيها الذين آمنو اذا جاءكم فاسق بنبأفتبينو أن تصيبو قوما بجهاله) صدق الله العظيم

والله مقصد اى شيء ده مجرد دردشه يعنى احنا بنشوف الغلط ونحاول نصححه مش بنشرد فى البنات ولا اى شيء انا ليا اصحابى فى جامعات خاصه وقريبى كمان فى خاص بس انا بقول مش كلهم وشكرا بحر الحنان اتمنى تكونى فهمه الموضوع ده فى قسم خمسه فرفشه