ازاى تبقى خنيق طحن لحد ما تنضرب علقة سخنة

[الاميرة سومة]

قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قوله أنا عندى مشاكل أكتر منك

•فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423

ملحوظة صغيرة : لو اتضربت أنا مليش دعوة

[ابو تريكه]

ههههههههههههههههههههههه

افكار تودى فى .............

[الاميرة سومة]

فى ايه
ازيك عامل ايه بقالى كتييييييييير مبشفش مشاركاتك يارب تكون بخير

[treminitor]

ههههههههههههههههههههههه
ياخربيت عقللك
ديه افكارك تودي الواحد في داهيه

[dody samoul]

يخرب بيت شيطانك داانا على كده ابقي خنيق موووووووت من زمان
كل الحاجات دى بعملها بس مش مع كل الناس بس اللى يستاهلو

[الاميرة سومة]

ههههههههههههههههههههههههه ههههههههههههههههههههههههه ههه