{{ حدث في الواقع }} .. ( الصداقة والمرأة ..

[Sherif _S_a_s_a]

بـــــسم الله الـــــرحمن الـــــرحيم
__

السلام عليكم ورحمه الله

**

طبعا كلنا عندنا اصدقاء فية منهم الـ قريبين لينا جدا وفية منهم الـ نص نص

وفية الـ اسمهم اصدقائنا كده وخلاص مجرد اسم
.
ونبدأ الحلقه بسم الله
.
(( الصداقة والمرأة ))



التاريخ / يوم السبت الموافق 20/6/2009
.
الموقع / نادي كهرباء غرب القاهره
.
الحدث / خناقة بين اعز صديقين
.
يوسف و محمود اعز اصدقاء مقربين لبعض ومن افضل اصدقائي

انا حبيت احكي الحكايه دي علشان بس تخدو بالكم كويس

ولأني مكنتش اتوقع انـ دا ممكن يحصل

وأنها فعلا حكايه زي قصص الافلام

المهم

واقفين انا و يوسف بنتكلم مع بعض وبنهزر وكل شيء تمام

مفيش ربع ساعه ولقيت محمود جي علينا بخطوة سريعه
.
ودا الـ حصل بالحرف
.

محمود بيكلم يوسف بأنفعال : انت علي فكرة مش راجل

يوسف : فيه ايه يا ابني مالك ؟

محمود : مالي ايه هتعمل نفسك مش واخد باك

انا : ايه يا محمود ايه الـ حصل ؟؟!

محمود : شريف ملكش دعوه انت خليك برا خالص

يوسف : الله ايه يا عم فيه ايه انت اتجنيت ؟

انا / استني يا يوسف محمود قول مالك فيه ايه بس عرفني

محمود : البيه الـ انت واقف معاة اسئله كان فين امبارح

يوسف : كنت فين ما تتكلم علي طول يا مجنون انت !

محمود خبط يوسف في كتفه قاله : انا مجنون يا ******

انا : محمود ايه دا فية ايه انت غريب جدا

ساعتها يوسف ادانها ضهره ومشي قام محمود لحقه ومسك ايديه

محمود : اقف هنا انا بكلمك

يوسف : نزل ايدك يا محمود وكفايه كده !

انا : محمووووود بطل جنان وسيبه انت اتهبلت ولا ايه

محمود : بص يا عم انت وهوا من الاخر يوسف الـ كنت فاكره صاحبي

كان امبارح مع ***** بيتمشو مع بعض واخر انسجام
.
(( ***** )) دي صديقة بس بدون ذكر اسماء
.
انا : طيب وانت زعلان ليه من دا

محمود : اه ما تلاقيك انت كمان في الموضوع

انا : محمود اسكت خالص انت اكيد مش في وعيك

يلا بينا يا يوسف دا شكله شارب حاجه اصلا

يوسف : يلا يا عم ربنا يشفيه

ساعتها محمود اشتبك مع يوسف

جريت عليهم حولت بقدر الامكان افرق بنهم

واصحابنا والناس اتلمو وحاولو يفرقو بنهم

بس للأسف محمود بيتميز بجسم رياضي عالي جدا

ضرب يوسف جامد وأنا حولت اكتفه بس بدون فايده

المهم وبدون دخول في تفاصيل

يوسف في الاخر وقع علي زجاجه في الارض و اتعور في خده

واخد غرز تالت غرز

وطبعا حصل مشاكل مع اهل الاتنين

بعد ما كانو بجد اصدقاء مميزين جدا

وكل دا علشان اتضح ان محمود كان معجب بـ صحبتنا دي

وهيا معجبه بـ يوسف

يعني محمود عمل لـ يوسف جرح في خده ياعالم هيتشال ازاي دا

علشان بنت الـ في الاخر لما اسمها وصل في الموضوع

نكرت محمود و يوسف

نكرت اي علاقه توصل بنهم حتي الصداقه

والاصدقاء محمود و يوسف مفتكرش هيرجعو لبعض تاني

و يوسف خده بقي رساله لكل صديقين

اوعو تحطو نفسكم في موقف زي دا ولأي ظرف من الظروف

صدقوني الصداقه اغلي ميت مرة من اي شيء

وفي الاخر زي ما قال العملاق ( صلاح جاهين )
.
و دى قــصـــة فـلـســفــيــة مـغــزاهــا ف كـلـمــتــيــن
شــرم بــرم ، يــا حـلـولــلــى هــــــــــــــأو أو إشّ إشّ
تـرالالـلــى ، أمــان يـالالالــلــى حـرنــكــش ، طـــظ فــــش



والـ يعيش ياما هيشوف من الدنيا والحياة وحتي اقرب الناس ليه




***

[~ man neO ~]

غريبه والله النااس وغريب اللى بيحصل
منهم والله يا شريف اناا عشت فى الموضوع وحسيت انه بيحص قدامى وشايفه
لحظه بلظه وفكرنى
بصديق مكنش صديق كان اخ لياا وحصل خناقه بناا دامت 4 سنين مكلمتوش غير من قريب
بس الحمد لله بعيد عن البنات لانى اصلا مليش فى اللون ده
بس والله اناا لا احب الشخص اللى يخسر اخوه ولا صاحبه هلشان بنت اياا كانت
وبعدين بتبقى علاقه مش دايمه
فهل هياا الاهم ولا صاحب اللى عاشرك سنين وسنين
تخسروا فى لحظه كده
والله زعلتنى كثير بعيد عن الغرز والكلام ده لان الغرز عمرهاا ما هتاثر
زى ما خسران الصحبيه بياثر الواحد بيتالم لماا بيشوف صاحبه اللى مبيكلموش
معدى من قدامه ولا شافه من بعيد لبعيد
يلا وكان بهاا

[mozo]

سبحان الله
معلش يا شريف في الزمن اللي احنا فيه الواحد
مبقاش يثقك في حد اصلا

[Sherif _S_a_s_a]

تعرف يا محمود انا كل ما اشوف منظرهم قدامي

اقول طظ

والله مفيش ولا كلمه توصف الموقف غيرها

يا عم ظط بجد طظ

**

[No TiMe]

لا خد من دا كتير يا شريف بيحصل والله واصحاب كتير سابو بعض علشان بنت وحجات تانيه بتيجي ساعه كدي بتخلي احب اتنين مممكن تشوفهم يسيبو بعض علي حاجه متستهلش
ربنا يعفينا ويرزقنا بالصحبه الطيبه تسلم شريف علي الموضوع الجيمل والمفيد دا
تقبل مروري

[Sherif _S_a_s_a]

انا كنت فاكر انها مسئله زمن

الزمن وحش وفيه ياما مشاكل

بس مكنتش اتوقع انـ كمان الاصحاب


؟؟؟!!!؟؟؟

**

[Sherif _S_a_s_a]

يسيبو بعض علي حاجه متستهلش

ياريت يا اسلام كانت حاجه متستهلش

دي اقل من كده بكتير ملهاش كلمه توصفها

**

[lenasalman]

والله يا شريف الى انت حكاته فعلا بيحصل كتيييير اوى للاسف بس الزمن مش ليه دعوة الى اتغيرت الناس مش الزمن الزمن مش ليه دعوة ابدا ابدا النفوس الى بتتغير من عدم الحب والوفاء والثقة كل شئ اصبح مذبذب حتى الصداقة اتهزت
ايه تانى ناقص يحصل فينا ااااااه يازمن
شكرا يا شريف على الموضوع وعرفة انه كان صعب عليك جدا انك تحكيه بس بجد شكرا لانك حبيت تنبه الاخرين وربنا يهدى الجميع ويهدى النفوس
تقبل مرورى
جينــــــــــــــــــــا

[Sherif _S_a_s_a]

والله يا شريف الى انت حكاته فعلا بيحصل كتيييير اوى للاسف بس الزمن مش ليه دعوة الى اتغيرت الناس مش الزمن الزمن مش ليه دعوة ابدا ابدا النفوس الى بتتغير من عدم الحب والوفاء والثقة كل شئ اصبح مذبذب حتى الصداقة اتهزت
ايه تانى ناقص يحصل فينا ااااااه يازمن
شكرا يا شريف على الموضوع وعرفة انه كان صعب عليك جدا انك تحكيه بس بجد شكرا لانك حبيت تنبه الاخرين وربنا يهدى الجميع ويهدى النفوس
تقبل مرورى
جينــــــــــــــــــــا

كلامك بيقرب المعني الـ بحاول اطرحه يا جينا

فعلا ايه تاني ناقص يحصل ؟؟

تقريبا مبقاش في حاجه اصعب من كدة!!

***

[قطقوطة]

بجد حاجة صعبة اوى انك تفارق صاحبك عشان حاجة ماتستاهلش
ربنا يستر علينا بجد مابقاش في اى قيم
ربنا يهدى وحاول ياشريف تصلح الموقف بس بعد الامور ماتهدى واكيد لو صحاب بجد هترجعو لبعض تانى