موضوع للنقاش (ارجو من الجميع الدخول )

[3asheq Elrasol]

اولا : نشكر المنتخب المصرى على الاداء الرائع فى بطولة القارات .
ثانيا : نحن من حقنا ان ننتقد اللاعبين والجهاز الفنى فهذا راى وراىك وراى الصحافة والمواقع .
ثالثا : وهذا هو الاهم اننا لا نتعرض لشرف الاعبين وهذا هو الموضوع فكيف بعد هزيمة منتخبنا ان ينزلوا فى الصحف وقناة ان خمس من لاعبى اتوا بخمس من عاهرات الليل ليحتفلوا بالفوز على ايطاليا وهذا هو رد سمير زاهر
نفى سمير زاهر، رئيس اتحاد الكرة، المتواجد حالياً مع بعثة المنتخب فى مدينة رورستنبرج بجنوب أفريقيا، ما تردد عن احتفال اللاعبين بالفوز على منتخب إيطاليا ١/صفر فى كأس العالم للقارات مع بعض العاهرات.
وقال زاهر إنه بصدد إصدار بيان رسمى للرد على هذه الاتهامات التى لم يكن يتصورها على الإطلاق من المسؤولين فى جنوب أفريقيا.
وأضاف أن ما رددته الصحف فى جنوب أفريقيا ليس سوى محاولة للتغطية على فضيحة السرقة التى تعرض لها لاعبو المنتخب فى فندق «بروتيا» بجوهانسبرج وتحويلها إلى قضية أخرى وفضيحة للمنتخب.
وقال زاهر إن المنتخب لم يكن يفكر فى إبلاغ الشرطة بواقعة السرقة نظراً لحرصه على عدم الكشف عن أى سلبيات فى البطولة حفاظاً على علاقاته الطيبة بالمسؤولين فى جنوب أفريقيا لكن محمد يوسف المرافق للفريق سارع بإبلاغ الشرطة.
وأضاف زاهر أن حوادث السرقة تقع فى كل مكان بالعالم وليست مشكلة ضخمة لكن المشكلة الحقيقية هى ما ذكرته الصحف وهو يسيئ للجميع.
وأوضح أن الصحف حاولت تشويه صورة المنتخب المصرى والتأكيد على احتفال اللاعبين مع العاهرات، ولم تتطرق مثلاً إلى أن مندوب شركة «بوما» الراعية للفريق كان أكثر المتضررين من السرقة، حيث سرق منه سبعة آلاف راند «أكثر من ألف دولار أمريكى» ورغم ذلك لم يذكر اسمه فى هذه الادعاءات الصحفية، وأشار إلى أنها مجرد تهم ملفقة وسيرد عليها من خلال البيان الرسمى.
كما أكد شوقى غريب، المدرب العام للمنتخب، أنه لا أساس من الصحة فيما ذكرته بعض الصحف فى جنوب أفريقيا بهذا الشأن.
وقال غريب: إن ما ذكرته الصحف فى جنوب أفريقيا أمس، ليس سوى محاولات للتغطية على قضية السرقة وتحويلها إلى فضيحة للمنتخب المصرى.
وأشار غريب إلى أن عائلات بعض اللاعبين وأعضاء الجهاز الفنى يتواجدون حالياً فى جنوب أفريقيا لمساندة الفريق ولكنهم لا يستطيعون الوصول إلى حجرات اللاعبين فكيف لهؤلاء العاهرات اللاتى ذكرت الصحف تواجدهن للاحتفال مع اللاعبين أن يصلن إلى حجرات اللاعبين؟!
وأفادت تقارير صحفية بأن لاعبى المنتخب المصرى احتفلوا فى الفندق مساء الخميس الماضى، فى أعقاب الفوز لتاريخى على إيطاليا.
وذكر تقرير صحيفة «سيتى برس» الصادرة أمس، أن بعض النساء شبه العاريات من العاهرات انضممن إلى حفل اللاعبين وتمكن من سرقة مبالغ مالية أبلغ أعضاء الفريق فى وقت لاحق عن سرقتها.
واستند تقرير الصحيفة على بيانات الشرطة وأقوال موظفى الفندق والتى شككت فى صحة أقوال أعضاء المنتخب المصرى التى أكدت سرقة مبالغ مالية قدرها ٢٤٠٠ دولار.
وأضاف تقرير الصحيفة أن التحريات أثبتت عدم وجود أى وسائل عنف تدل على اقتحام غرف اللاعبين أو فتح خزائن حفظ المال عنوة وأكد التقرير أن لقطات الفيديو أظهرت خروج ودخول العديد من الفتيات الشابات الجميلات لغرف اللاعبين المصريين انها قضية تمس سمعة الشعب المصرى قبل المنتخب فكيف لمنتخب تقوله عليه انه منتخب الساجدين ان يفعل ذلك فكيف لا بوتريكة الذى تصوفه فى الصحف البرازيلية بالقديس ان يفعل ذلك فكيف لاحمد حسن وزيدان وباقى اللاعبين ان يفعلوا ذلك انهم لاعبون لا يمتلكون فترة راحة طوال الموسم واذا اخذوا فترة راحة فماذا يفلعون انهم يذهبون لاداء فريضة العمرة بدلا من الفسح والمرح تعالوا نساعد المنتخب فانه بحاجة الينا فى الفترة المقبلة وهذه صور توكد صحة كلامى وهم يدعو ربهم :-









ارجو ان تتقبلوا فائق تقديرى واحترامى
محمود
وشكرا وفى انتظار الردود
والسلام خير الختام

[gogo]

شكرا على الموضوع الجميل

[3asheq Elrasol]

شكرا على الموضوع الجميل

العفو وشكرا ليك على الرد

[شرين على]

السلام عليكم ورحمة الله

الحقيقة المشكلة ميش فى الموضوع دع

مفيش حد يختلف على سمعة الفريق واخلاقة

المشكلة على الاقل عندى الاداء السىء اللى لعبوا به

والمشكلة الاكبر انهم بعتبروا ده شىء عادى

وقالوا اننا طماعين احنا اصلا ميش دخلين البطولة عشان نكسب

وكان اعصابنا اللى كانت متعلقة معاهم ليس لها اى اهمية

طب لما هم دخلين البطولة ميش عشان يكسبوا بيقوللنا نشجعهم ليه

والسوال دلوقتى احنا نؤمن بهم بعد كده و نساندهم ولا هيخذلونا تانى

[3asheq Elrasol]

السلام عليكم ورحمة الله

الحقيقة المشكلة ميش فى الموضوع دع

مفيش حد يختلف على سمعة الفريق واخلاقة

المشكلة على الاقل عندى الاداء السىء اللى لعبوا به

والمشكلة الاكبر انهم بعتبروا ده شىء عادى

وقالوا اننا طماعين احنا اصلا ميش دخلين البطولة عشان نكسب

وكان اعصابنا اللى كانت متعلقة معاهم ليس لها اى اهمية

طب لما هم دخلين البطولة ميش عشان يكسبوا بيقوللنا نشجعهم ليه

والسوال دلوقتى احنا نؤمن بهم بعد كده و نساندهم ولا هيخذلونا تانى

بصى من الاخر ده منتخب بلادك احنا كنا رايحن للتمثيل المشرف فقط وممكن تشوفى نتيجة ضعط الاعلام الخسارة فى الاخر

[شرين على]

السلام عليكم ورحمة الله

عندك حق يا اهلاوى

كده كده ده منتخبنا ولازم نشجعه

[كابوس الحرامية]

كلنا بندافع عن بلدنا وعن ديننا واكيد كل دة كذب وافتراء

ربنا ينتقم منهم .

الاداء كان كويس جدا الا اخر ماتش كان سيء الى حد ما نظرا للارهاق اللى كانو عليه وغياب عناصر مؤثرة في المنتخب

واللى زودها اصابات اللاعبين داخل الملعب

[الثعلب المصري]

إزيكم ياجماعة عاملين إيه
بصو أولاً أنا عايز أقول حاجة
قضية الشرف والعرض محدش يختلف فيها نهائياً لكن الإختلاف على نقطة وهيا اللعب السيء ماشي

طيب في ناس بتقول الإرهاق والتعب لإنهم طلعو كل مجهودهم في المباريات اللي فاتت

ده مش سبب نهائياً طيب إزاي هنكون زي الفرق العالمية وإحنا نفسنا بيتقطع من ماتشين طيب وهل ده السبب اللي يخليهم حتى وهم مهزومين وشايفين البطولة بتضيع من إيديهم يرجعو الكورة لورا ولا يدوها في إيد الحارس؟؟؟؟!!!!

طيب معتبرين إن الهزيمة عادي وهما داخلين البطولة علشان التمثيل المشرف

طيب مثلاً إتغلبوا من البرازيل ماشي معاكم وفرحنالكم وطلعنا في الشارع
إتغلبوا من إيطاليا كنا هنفرح ونهيص للعب الحلو والحمد لله فزتو لكن تتغلبو من أمريكا (((أمريكا))) اللي مغلوبة في كل ماتش 3 وتوصل السيمي فاينل على حسابكم
عموماً إنتو عملتو اللي عليكم وكتر ألف خيركم بس على فكرة عايز أقول حاجة
زي ما الصحف دارت على موضوع السرقة بالتهمة الفاشلة دي إنتوا برضو دريتو على هزيمتكم وفشلكم في المباراة بكلام الصحف وعلى قد ماأنا مختلف مع عمرو أديب نهائياً لكن متفق معاه في كلام كتير قاله وهو ليه إنتو مدفعتوش عن نفسكم
عموماً الكلام كتير والواحد أصلاً دمه محروق وأنا لاليا نفس أقعد على نت ولا أي حاجة بس علشان عجبني موضوعك وحبيت أتفش شوية
ألف شكر ليك ياغالي وبارك الله فيك وتقبقل مروري