أصعب المواقف اللى بتخلى البنات تضحك على الشباب.؟أدخلوا يابنات

[3asheq Elrasol]

ماهى اصعب المواقف اللى بتخلى الشاب فى قمة الاحراج ويتمنى ان الارض تنشق وتبلعه فى ذلك الوقت؟

1- انك تكون ماشى واثق اوى من نفسك (منفوخ) وفجأة تتكعبل وتقع على وشك قدام بنات واقفه.

2- انك تكون واقف قدام عربية متفيمة وتقعد تعدل فى هدومك وشعرك.وتفتح واحدة القزاز من جوة وتهزأك.

3- انك تكون واقف تكلم واحد وتكتشف انه بيكلم واحد واقف وراك.

4- انك تكون داخل محل او مكان كله قزاز وتخبط وشك فى القزاز وانت كنت فاكرة طريق.

5- انك تكون واقف مع واحدة زميلتك ويجى واحد صاحبك من وارك ويديلك قلم على قفاك.......(جامدة اوى دى).

6- انك تقعد تتكلم عن حاجة وتبين انك عارف كل حاجة عنها .وفجأة يبان انك حمار ومش عارف اى حاجة.

7- انك تقعد تتكلم مع واحد فترة طويلة وبعدين تكتشف انه نام منك.(رغاى انت)

8- انك تكون نايم فى محاضرة والدكتور يوقفك ويسالك ويهزقك .انا كنت بقول ايه

9- انك تكون واقف قدام مراية وقاعد تعمل حركات عبيطة ويعدى عليك واحد ويشوفك وانت قاعد تعمل كدة.

10- انك يقابلك واحد انت مش عارفه ويقعد يسلم عليك ويبوس فيك ويقولك انت مش فاكرنى ولا ايه.وانت ولا تعرفه.(الموقف محرج للاتنين

11- انك تبقى ماشى حاطط الهاند فرى او قاعد فى عربيه ولا حاجه وشغال وعمال تسمع وانت صوتك وحش وتشيل الهاند
تلاقى العربيه كلها عماله تضحك عليك

نيجى باه للبنات عشان بس ميفرحوش اوى كده

12.انك تبقى ماشيه فى الكليه وتقعى بسبب الجزمه الهباب اللى انتى لابساها وتلاقى مجموعة شباب ميتين عليكى من الضحك

13.انك تبقى قاعده فى المحاضره بتتكلمى مع واحده صحبتك والدكتور يقومك ويقولك كنت بقول ايه ياغبيه وانتى ولا هنا

14.انك تقفى انتى وصحبتك زى الهبل تتعاركوا عشان تكلموا واحد زميلكوا وهو منفضلكوا انتوا الاتنين

15.أنك تسئلى واحد الساعه كام ويبصلك من فوق لتحت ويقولك غريبه والله ويسيبك ويمشى

16.أنك تبقى لابسه شوز من ابو 10 جنيه بتاعكم ده
وماشيه مع واحده زملتك ويتقطع وتمشى حافيه وهتعيطى بس بتعدى

17.أنك تدخلى تشوفى الموضوع بتاعى وتتغاظى منى ومتعرفيش تردى ولو رديتى تبقى عاوزه تغلطى بس ماسكه نفسك عشان متنطرديش

18.ان لما تكونى داخله تشمتى ان الموضوع عن الشباب وعماله تضحكى وفرحانه وبعدين تتفاجئى باللى جاى(منظر محرج أوى)

محمود

[نيمو]

هههههههههههههههههههههههه عسل اوى انا مة حصلتلى ولد بيجرى جامد وراح خبط فيا وقعنى كان منظرى اووووووووووف اطلع ازاى منها قمت بصاله كده راح شدنى من الارض واعتذر فقمت بصيت للبيضحكوا من فوق لتحت اتخرسوا ههههههههههههههه اى خدمات تقبل مرورى

[HoBa HoBa]

ههههههههههههههههههههههههه هههههههههههههههههه
لأ جامدة بتاعت القفا دى

[princess nour]

هههههههههههههه توبيك مالوش حل
تسلم ايديك ياجميل

[treminitor]

انك تكون واقف مع واحدة زميلتك ويجى واحد صاحبك من وارك ويديلك قلم على قفاك.......(جامدة اوى دى).
ههههههههههههههههههههههههه ههههههههههههههههههههههههه ههههههههههههههههههههههههه هههههههه
الكلام كله تحفه بس انا الحمدالله لحد دلوقتي محصليش اي موقف من الي انت قلته.
والله بجد كلامك كله عجبني
تقبل مروري

[NODY_MOON]

هههههههههههههههههههههه

نايس توبيك

بس برده شمتانين فى الولاد

[Rana95]

انك تكون نايم فى محاضرة والدكتور يوقفك ويسالك ويهزقك .انا كنت بقول ايه
في الحاله ديه هات مسجل ونام براحتك
بس برده شمتانين فى الولاد

[herosasa]

موضوع جامد طحن و الللى حصلتلى فعلاً
4- انك تكون داخل محل او مكان كله قزاز وتخبط وشك فى القزاز وانت كنت فاكرة طريق.
كنت فى مول و بكلم صاحبى قام حصل اللى حصل بقى
بس الحمد الله مفيش حد خد باله

[yara]

thanx

[بنوتة لكن غير]

بجد الموضوع جااااااامد ومواقف محرجة جدا
وتسلمى على الموضوع التجفة دا