البنت اللى تعمل كدة تستاهل اية مستنى ردكم

[khalouda]

وانا بسم احد حلقات برنامج انا والنجوم وهواك اسامة منير

اتصلت بنت وبتقول لاسامة انها حبت شاب وهو حبها حبها اوى جدا

وفجأة ظهر صاحبة وعرفة عليها

اعجبت بصاحبة اعجاب شديد بس قلبها معاة لكن للاسف حبت صاحبة

وهيا عاوزة ازاى تخلص من اللى بيحبها فى الاول من غير ماتصدمة

اسامة رد عليها بس انا مستنى ردكم انتم؟

[treminitor]

يعني ايه يعني البنت تكون بتحب واحد وفجاه تحب صاحبه وتعجب بيه طب والاولاني ذنبه ايه يعني يولع في نفسه عشان حبها وادالها قلبها والله ديه بتهرج اساسا في الحب ومش عارفه ايه هو معني الحب الحقيقي انا لو مكان الولد الاولاني كنت ضربتها بالرصاص بصراحه عشان بجد ديه بنت ندله وملهاش امان .

[khalouda]

يعني ايه يعني البنت تكون بتحب واحد وفجاه تحب صاحبه وتعجب بيه طب والاولاني ذنبه ايه يعني يولع في نفسه عشان حبها وادالها قلبها والله ديه بتهرج اساسا في الحب ومش عارفه ايه هو معني الحب الحقيقي انا لو مكان الولد الاولاني كنت ضربتها بالرصاص بصراحه عشان بجد ديه بنت ندله وملهاش امان .

صح كلامك هو كمان برضوا زعقلها والها كلمتين فى السليم وشغلها اغني سلف ودين اهلا بيكى ومنورة

[HoBa HoBa]

انا لو مكانها الصراحة هاحاول بقدر الامكان انى اسيب و ابعد عن الاتنين
عشان بجد
خلااااااااااااص
ميصلحوش ليا
عشان لو روحت للتانى هاصدم الاول و هتبقى وحشة اوى فى حقى وفى حقهه
ولو خلتنى مع الاول هابقى بخونه و هافتكر كل ما يكلمنى او اشوف صحبه

[dody samoul]

على فكرة الموضوع ده حصلي فعلا واحدة كانت بتحب صحبي قبل ماعرفه وبعد ماشافتنى حبتني وسابت صحبي
تفتكروا اعمل ايه
طبعا الرد الطبيعى انى معبرهاش مش عشان هيا ملهاش امان بس ممكن تكون صادقة فعلا وكان الاولانى مرحلة وانتهت
بس اناهسيبها عشان انا مش من طبيعتى الغدر

[Reeeeeeem 7]

انا مش قادرة افهم البنت اللى ما بتحطش اى قيود على مشاعرها دى وسايباها كدة وماشيه تعجب على نفسها لدرجة ان الانسان اللى حبته دا ما بقاش مالى عنيها

هو يعنى ايه حب اصلا بالنسبه للعينه دى؟؟

حب يعنى انك تبقى مقتنعه بكل صفه فى الانسان اللى اخترتيه يكمل حياته معاكى

الصفات الحلوة اللى فيه تقتنعى بيها لانها نعمه من ربنا والوحشه تقتنعى بيها بردو لانك فى ايدك تغيرها وتغيره معاكى للاحسن وهو كمان يغيرك للاحسن

انما دى لا مؤاخذه عنيها فارغه

انا من رأيى بقا انها تبعد عن الاتنين لانها لو فضلت مع اللى سمته حبيبها دا دايما فكرة انها اعجبت بصاحبه دى ها تفضل فى دماغها على طووول

وفى نفس الوقت ما ينفعش تبعد عنه عشان شافت صاحبه دا

[sasolove]

هي اصلا مش حبت الاولاني لانها لوحبته بجد وحب صادق وحقيقي عمرها ما تعجب او حتي تفكر بشخص تاني
بجد انسانه مريضه ومتقلبه المشاعر

[سندريـــــــلا]

هى اصلا متعرفش معنى الحب اسمعوا كلامى هى بس بتهرج

[جيدا]

هي كده بتهرج وده مش حب لان الحب مش لعب وتسالي حبت ده شويه وبعد كده راحت لده ايه هي لعبه لعبت بيها شويه وحبت تغيرها ولو صاحبه وافق علي كده يبقي لازم يتأكد انها هتسيبوه زي ما سابت غيره .
والحب اكبر من كده يا ناااااااااااااااااااااااا اااس .
وسلامي نهايه كلامي اختكم جيدا

[تائبه الى الله]

الموضوع ده حصل معايا شخصيا وجربته بس يعنى سبيه بيه مش نفسه
لانى تقريبا اعجبت بحد زميلى وكده بس تقريبا مش حب وبعد فتره بعدت
وكده بس هو كان انشدلى جااااااااااااااامد بس انا اتضحلى انه شخصيه مش اللى بيظهر بيها من جواه مش حلو مش زى ما بيحاول يبين فبعدت وكده
واتعرفت بصاحبه عشان اعرف منه اتصرف ازاى بس الحمد لله قلتله اننا هنكون اخوات مش اكتر ودى حدود علاقتنا والاول انا سبته حبه بحبه كده
وبعدت خالص ففكر انى بعته عشان صاحبه وحط حته توقيع يااااااااااخبر
بجد انسان مش حلو من جواه خااااااااااااالص
عموما البنوته دى ممكن تكون هوائيه والاول كان مجرد اعجاب لاثبات نفسها وكده يعنى لكن التانى الله اعلم اعجاب برده والا ايه ؟؟؟؟؟؟؟؟
بس لو حب يبقى ده حبها الحقيقى فعلا.........