واد مخلص

[شيخ البلد]

شعر بالعامية المصرية ارجو قرائتها بتركيز

بقالى كتير فى الكلية * * * لحد ما خلاص اتجننت
ولسالى فيها بقية * * * منا خلاص فيها عفنت
بس المشكلة بقة نفسية * * * ان انا لسة مكلمتش بنت
وكل ما اشوف واحدة ابلم * * * والقي نفسي كدة تنحت
وبعد تردد .. رحت اكلم * * * ووقفت وقلت لل..لو سمحت
شفتنى ببرطم واهرتل * * * بصتلي كدة من فوق لتحت
وفضلت كالعادة اتندم * * * ورجعت اقول يارتنى ما روحت
***
وصعبت على اصحابى اوى * * * ونصحونى اعمل " لوك " جديد
وانا فية اية بس يا ترى * * * بيخلى البنات تبعد لبعيد
قلت خلاص استحمى يا ولا * * * ومش ضرورى حماية العيد
دعكت جسمى بالصنفرة * * * وقصيت ضوفرى بمقص حديد
ووقفت شعرى بالمسطرة * * * والجل خلاة جامد وشديد
ولبست بنطلون " درتى " * * * وفوقية فانلة " ريل مدريد "
والنتيجة كانت مثمرة * * * لقيتها جية من بعيد
حتة بت زى السكر * * * وبتشاور لي . . . دا يوم العيد!!
وسعتها حسيت انى " كروز" * * * وفتحت حضنى بوسع الايد
لقيتها بتسلم علي ورايا * * * ولقتنى انا فى حضن العميد .....

شيخ البلد 2004

[طيف عابر]

جميله جدا وبصراحة طريفه ---نقد بطريقه ساخرة ممتعه --والاجمل انها باللهجة المصريه القريبه للقلوب
بارك الله فيك

[شيخ البلد]

يارب يجبر بخاطرك زى ما سعتك بتجبرى بخاطرى _ وجبر الخواطر على الله وهنيالك يا فاعل الخير _
لكى كل التحية والاحترام على مرورك الطيب

[Treka]

روعة جداااااااااااااااااا
ايه الجمال ده كله
حلوة اوى وظريفة جدا
تسلم يا غالى
يا إبن خالى

[ساندرا]

ميرسىىىىىىى كتير حلوة اخى شيخ البلد

[شيخ البلد]

بو ترررررررررريكة شكراً على تعليقك وزوقة العالى يابن خالى

[شيخ البلد]

سيدتى سندرا تقبلى خالص شكرى وتقدير واحترامى على مرورك الذى عطر موضوعى
وربنا يحيب العواقب سليمة

[masman]

يا ترى العميد عمل معاك ايه ؟؟

جميييييييييييييييلة يا غالى يا ابن خالى

انا عايز بقية الاجندة

اسحبهم واحدة واحدة واملا قسم الشعر بيهم واشجينا بكلامك الجميل
انا عارف ان دى من الاجندة - بس انا عايز البقية -
يلا - انا مستنيك اهه

[شيخ البلد]

ربنا يجبر بخطرك يا ابو طه وان شاء الله بس وحدة وحدة

[Rosy magic]

والله كنت بدور لسة في الأشعار على حاجة عامية أقراها

مبفهمش قوي قوي في الاشعار الي ملياااانة لغويات

وسعتها حسيت انى " كروز" * * * وفتحت حضنى بوسع الايد
لقيتها بتسلم علي ورايا * * * ولقتنى انا فى حضن العميد .....

عجبتني والله

ساخرة وبتعبر عن مأساة فبنفس الوقت

ميرسي شيخنا