عليه العوض يابلدى

**شارلى شابلن** · 27 - 6 - 2009, 06:24 PM

عليه العوض يا بلدى فى ولادك الأحرار

حربك خلاص انتهت ما فضلش غير اشرار

اصبح مافيش فى ادينا الا الخراب والنار

واللى خربها قعد مابقاش يهمه فرار

عليه العوض يابلدى فى ولادك الأحرار
@@@@@@@@@@@@@@@@@@@

ماشيين غلط وطريقنا كله اعوجاج ودمار

سايبين ولادنا يضيعوا ويمشوا فى التيار

بيضيعوا حلمهم من غير ماياخدوا قرار

ايه اللى صاب البشر ده الكل بقى غدار

عليه العوض يابلدى فى ولادك الأحرار
$$$$$$$$$$$$$$$$$$$$$$$$$$$

فبن لما كنا الفجريه بنصحى كل الدار

نخبز ونحلب وناكل ونحمد الجبار

ونجرى بدرى ونسترزق ونوحد الستار

وولادنا تنزل تتعلم وقلوبها فيها عمار

عليه العوض يابلدى فى ولادك الأحرار
ّّّّّّّ!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!

كان خير كتير فى بلدنا والبركه مالها ارار

دلوقتى راح من ادينا ودع وولى وطار

واللعنه حلت علينا بزيادة الأسعار

والنفس صبحت مهانه وف ذله واستنكا ر

عليه العوض يابلدى فى ولادك الأحرار

****************************