نظرة من عنيك !!!!!!!!!!

[الاميرة سومة]

يوم ما إتقابلنا كنت إنسان عادي
وكان كل شئ في الدنيا هادي
وفجأه الدنيا بقت جميله
وسنين الفرح شفتها طويله
وإتعجبت وإستغربت إيه اللي حصل!!!
وليه الحزن اللي جوايا انكسر؟؟؟
لقيت دا كله بسبب
نظره من عينك لعينيا

يوم ما إتعاهدنا إن الحب يفضل ما بينّا
وإن الحزن عمره ما يجيلنا
وسرحنا وحلمنا والدنيا في عيونّا
بقت بساتين والحب اللي جوانا
بقى كتب ودواوين
وسقيت الورد اللي في قلبك بإيديا
يومها عرفت إن الدنيا ما تساوي
نظره من عينك لعينيا

يوم ما إختلفنا كان نفسي اشوفك
او حتى يزورني طيفك احكيله
ويسمعني اشكيله ويفهمني
ومات الحب اللي بينّا
وشيعنا جثمانه في قلوبنا
ومن الحزن اللي حواليا
إتمنيت بس نظره من عينك لعينيا

يوم ما إفترقنا والفرح ودّعنا
والذكرى بقت توجعنا
ومشيت لوحدك ومشيت لوحدي
لا قدرت ارجعلك ولا قدرت ترجعلي
والدموع ملت عينينا
والورد اللي في قلوبنا بقى شوك في إيدينا
لكن برجع واقولك إني ممكن انسى
والقلب اللي حبك عمره ما يقسى
وإني ممكن انقذ قلوبنا اللي ماتت
وأرجع الحب مهما السنين فاتت
وإني هفضل دايماً مستنيه
نظره من عينك لعينيا

[نغم الحياة]

مــــــــــــــــيرسى ياقمر على الكلام الجميل والاحساس الاجمل

[الاميرة سومة]

العفووووووووووووووووووووو وووو