يبقي انت اكيد فى مصر

**dody samoul** · 27 - 6 - 2009, 10:35 PM

لما تذاكر جامد ولا تنجحش..... يبقى إنت أكيد أكيد فى مصر.........
لما تتخرج ولا تشتغلش ........ يبقى إنت أكيد أكيد فى مصر
......... لما تشتغل ولا تكسبش ......... يبقى إنت أكيد أكيد فى مصر.........
لما تحب وتفشل....يبقى انتا اكيد أكيد فى مصر.......
لما تخطب كده ولاتتجوزش....يبقى إنت أكيد أكيد فى مصر .........؟؟؟
عظيمه يا مصر يا أم الدنيا

لما تلاقى من كل بيت خارج مدرس خصوصى يبقى انت أكيد أكيد فى مصر

لما تطلع بطاقة انتخابية وتروح تنتخب ويقولك ان سيادتك ميت يبقى انت اكيد فى مصر

لما تهز وسطك وتلاقى نجاح باهر والناس بتصقفلك يبقى انت أكيد أكيد فى مصر

لو جبت في الثانوية العامة فوق الـ90% ومدخلتش إلا التجارة.. تبقي أنت أكيد في مصر

لو دخلت مستشفي تشيل الزايدة واتسرقت كليتك.. تبقي أنت أكيد في مصر

لو دخلت مكتب حكومي وقالولك فوت علينا بكرة.. تبقي أنت أكيد في مصر

لوخلصت دراستك وخدت الشهادة وقعدت علي القهوة سنين لحد ما الحكومة توظفك.. تبقي أنت أكيد في مصر

لو أنت في بلد ربع سكانها ساكنين في عاصمتها.. تبقي أنت أكيد في مصر

لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات.. تبقي أنت أكيد في مصر

لو لقيت عجوز وعجوزة ماشيين ومعاهم سلم خشب لزوم طلوع الرصيف.. تبقي أنت أكيد في مصر

لو لقيت سواقين العربيات راسمين أحزمة أمان علي صدورهم تبقي أنت أكيد في مصر

لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر

لو سمعت أن القضايا بيتحكم فيها بعد وفاة المتقاضين.. تبقي أنت أكيد في مصر!

لو سمعت كلمة أهلا يا باشا وائمورني يا باشا.. تبقي أنت أكيد في مصر

لو شفت الست تخلع جوزها بعد طول عشرة.. تبقي أنت أكيد في مصر

لو حد النهاردة اسمه بوحة وإمبارح كان اسمه اللمبي والحد ده يقش ملايين.. تبقي أنت أكيد في مصر

لو سمعت الكبير بيقول للصغير حضرتك تبقي أنت أكيد في مصر

لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز.. تبقي أنت أكيد في مصر

لورحت مرة تصلى فى جامع وبعد الصلاة تلاقى اللى بيقولك خلاص يا افندى احنا

بنقفل وهنفتح على معاد الصلاة الجاية تبقي أنت أكيد في مصر

لما تلاقى الجد فى ايده حفيده و الناحية التانية الشيشة فى ايده

يبقى انت اكيد اكيد فى مصر ... يبقى انت اكيد اكيد فى مصر

لو لقيت محدش رد على الوضوع يبقي انت اكيد اكيد فى مصر

**شيري العسولة** · 27 - 6 - 2009, 10:48 PM

على فكرة بقى انت قولت كل الوحش
طيب فين الحلو بقى

صدقنى لو ماكنش فية حاجة حلوة ماكنش زمانك انت عايش
كل البلاد فيها الحلو وفيها الوحش
بس عيبنا اننا دايما بنظهر الوحش للناس مش عارفة لية

تسلم كتير للتوبك

**dody samoul** · 27 - 6 - 2009, 11:00 PM

فعلا عندك حق احنا دايما بنظهر الوحش بس فى ايه حلو فى مصر عشان تقولى الكلام ده
ولو انا معنديش حق يبقي ليه الشباب بتسافر تهريب
عشان طهقانين منها
وميرسي على ردك

**ريماس** · 27 - 6 - 2009, 11:06 PM

كلام كله صح يادودي بس مافيش حاجة بأيدينا
ولو اتكلمنا نبقي احنا جيل فاشل يبقي ناخد بجزمة ونسكت
ميرسي لطرحك للموضوع وتقبل مروري
وعلي فكره مافيش فايده

**treminitor** · 27 - 6 - 2009, 11:09 PM

والله فعلا كلامك مظبوط بس السلبيات بقت اكتر من الايجابيات
نايس توبيك
تقبل مروري

**dody samoul** · 27 - 6 - 2009, 11:21 PM

بجد ياريماس انتى وtreminitor
مش لاقى كلام اقدر اعبر لكم بيه عن خالص امتنانى واعتزازى بردودكم وبستنى انكم تردوا عليا دايما
ودايما مستنيكوا
وشكرا ليكم بجد

**محمد المصراوى** · 28 - 6 - 2009, 12:20 PM

الله على التوبيك ده ولهى روعه قال كل اللى فى نفسى من كلام هى دى الحقيقه ونفسى الاقى حاجه ايجابيه واحده بس ليه ما اتكلمتش عن المدارس والمدرسين اللى بيقعدوا على باب الفصل واى طالب يساله سوال يقول له بتاخد درس عندى يقول الطالب لا يقول طب اقعد وطالب تانى بياخد عنده درس يساله نفس السوال يجاوبه انا بجد عمرى ماشوفت ولا هاشوف تعليم كده وشكرا كتير يا دودى