يبقي انت اكيد فى مصر

[NODY_MOON]

ميرسى بجد كل الحاجات دية فى مصر

تقريبا مفيش حاجه حلوة

بس كفاية طيبه وتعارون اهلها دية بالدنيا كلها

تقبل مرورى

[dody samoul]

شكرا على الردود بس يجماعة مصر فيها حاجات حلوة
بس اكتر حاجة مضايقانى الكوسة والواسطة
وعلى راى واحد
لو نيلك يامصر صلصه مش هيكفى للكوسة اللى فيكى

[بسبوووسه]

كلام سليم يادودى

تسمحلى بس باضافه صغيرة حصلتلى

لو ماشي بتدور علي شارع الغيث في الدقي وسألت عسكرى واكدلك انه يعرف مصر حارة حارة وشارع شارع .. ورحت مطرح ماوصفلك وتلاقي نفسك فاضلك5 دقايق وتكون علي حدود ليبيا(مش ليبيا طبعا ده دليل علي انه توهنى جدا جدا )
تبقي انت يادودى اكيد في مصر

ولما تدخل المترو الاقي كل اللى قاعدين شباب وواقف اكتر من واحد في سن والدى وجدى وملاقيش حد عنده دم يقوم يقعدهم وانا اللى اقوم وهما حاطين رجل علي رجل .. تبقي انت يادودى اكييييييييييد في مصر
والموقف ده بالذات بيحصلي كل يوم وانا راحه الجامعه لدرجه انى اتغاظت اوى فبقيت بدل ماادخل اقعد ارتاح عشان اقدر اكمل
بقيت اقعد والله العظيم عشان احجز مكان لست عجوزة او راجل عجوز يمكن يدخلو وميلاقوش مكان



وكالعاده
ج
ا
م
د
يادودى
مستنين جديددددددددددك

[بسبوسة]

ايه ياعم احنا فى الكافيه ولا فى شات مع بعض

[yasoo]

فعلا عندك حق احنا دايما بنظهر الوحش بس فى ايه حلو فى مصر عشان تقولى الكلام ده
ولو انا معنديش حق يبقي ليه الشباب بتسافر تهريب
عشان طهقانين منها
وميرسي على ردك

ياااااااه مفيش اى حاجه شايفها حلوه فى مصر خالص
احمد ربنا ...غيرك مش لاقى لقمه ياكلها ولا شويه ميه يشربها
وكل ده ليه......عشان بنخلص دراسه ومش لاقيين شغل
مش انت لوحدك اللى كده
بس فى اللى عندهم عزيمه .....وصبر ....وايمان بالله اكبر من اى حاجه
والى بتقول عليهم بيسافرو تهريب دول عشان مش طايقنها ..... ده عيب اصلا اننا نقول عليهم مصريين
احب اقلك ان مصر هى اللى مش طايقاهم
والسفر بالطريقه دى مش اكتر من انهم ناس طماعه .....ومش راضيين باللى ربنا قسمهولهم
على فكره
عيب عليك جدا لما تقول كده على بلدك .."طهقانين منها" انا مش عارفه انت قدرت تقولها ازاى

تحياتى ليك بس اتمنى انك تغير فكرتك شويه
مصى اسمى من كده بكتير....مش ذنب البلد ان احنا كسلانين

واسمحولى اقول حاجه كمان
مش عشان احنا صحاب يبقى نجامل بعض

تحياتى ليك مره تانيه

[dody samoul]

ميرسي على ردك يابسبوسة بجد والله العسل بتاعك كتير اوى
اما ياyasoo
سواء كنت واحد او واحدة الكلام اللى بتقوله ده محدش يقتنع بيه
وباختصار لما نبقا فى بلد لعيبة الكورة والممثلين وكمان المغنين يبقوا عايشين عيشة تمام
واللى يعينى هارى نفسه مذاكرة وعلم طول حياته ميبقاش له لزمة ويسلام لما يتوظف يتعين ب160 جنيه
يدوب مواصلات يبقي يحق لنا اننا نقول اى حاجة وياريت محدش يزعل دى الحقيقة وكفيانا تزوير بقي

[بسبوووسه]

تسمحلى بعد اذنك يادودى ارد علي yasooانا كمان

yasoo
بصي انا مقدرة كلامك اوى وحسه فيه انك مش بتحبي مصر بس , انتى بتموتى فيها وانا كمان ودودى
بس الكلام اللى بيقوله دودى في موضوعه صح وكمان في رده عليكى
احنا هنا بقينا نعشق الهيافه ونطورها ونشجعها
_واعتقد انتم فاهمين كلامى _
لكن اللى بيشتغلو بجد وصابرين وعندهم عزيمه ملاقوش حد يشجعوهم ولا حتى لقو فرصه عمل كويسه يثبتو فيها نفسهم
انا واحده من الناس شوفت بعنيا ناس كانت مرتبطه والموضوع فشل عشان لما طهههههههق من هنا سافر _مش عارفين يتجوزوا_
مش طمع ابدا ان الواحد يحب انه يتعامل كانسان وانه يلاقي شغل كويس وناس تقدر امكانياته
ولو انتى يا yasooاتقدملك واحد بيقبض علي رأى دودى 160 جنيه , استحاااااااااااااله أهلك يوافقو
لكن لو اتقدملك واحد كان شغال بره ده بيبقي اكيد مكون نفسه وهيعمل لنفسه مشروع هنا يكسب منه او حتى ياخدك ويرجع تانى مطرح مكان مسافر , في الحاله دى اهلك هيوافقو (وعلي فكرة اللى سافر ده استحاله لما يرجع يشتغل شغل حكومى )
وانا طبعا مش بقول انهم ماديين لاسمح الله بس فيه مثل بيقولك( مالك مغليها قال دافع دم قلبي فيها )
والدك مش يصرف عليكى اد كده ويعلمك ويكبرك وبعد كده تتجوزى واحد بيقبض 160 لانه عارف انك بعد الشر هتتبهدلى جامد

انا مش ماديه لكن الاهل بيفكرو كده

وعموما ده رأيك وكلنا بنحترمو

[بسبوووسه]

ومعلش فيه حاجه كما
ن رد وكمان اضافه لموضوع دودى
احنا هنا ممكن نكون قاعدين عالكمبيوتر وبنرد واحنا ججمبنا المروحه اوالتكييف ومفيش اى مشاكل
لكن الناس اللى بيسافرو دوول تحت خط معظمهم الفقر بكتير ومطحونييييييييين
لا فلوس معاهم واذا كان فيه شغل بيبقي يهددددددددد الحيل ولا فيه مكان نضيف عايشين فيه
والله بدل مايجيبو شاكيرا ولا نانسي ولا هيفا ويعملولها حفله هاااااااايله ومصاريف والكلام ده عشان ترقص شويه وتغنى بدلع والهبل ده وتاخد في الاخر ملايين كانو حتى يفتكرو الناس دوول بنص مليون مادام احنا اغنيا كده ومش عارفين نودى الفلوس فين
اعتقد اللى تابع برنامج واحد من الناس نعرف اد ايه الناس متبهدللللللله انتم لو شوفتوه تعرفو احنا وصلنا لفين بالظبط
فيه قري كتير اوى عايشين في ميه المجارى كأنهم حواليهم شط اسكندريه
ومسلمين امرهم لله , محدش سامعهم ولا حد حاسس بللي هما فيه
دوول بقي اللى ممنهم بيسافر حتى لو سفر مش عن طريق مش مشروع زى ايطاليا كده...هل ده طمع؟؟؟؟؟؟؟؟
غير كده البنت غير الولد
الولد عليه مسؤليات
لازم يكون نفسه لانه هو اللى بيجيب الشقه وبيشارك في فرشها وشبكه وهم مايتلم
لكن احنا معتقدش ان علينا مسؤليه كبيرة للدرجه اصلا غير اننا نلبس الشبكه ونقول انا عايزه الفرش ده وده لا , وملناش دعوه بالتمن وهو في الاخر اللى بيدفع.. عشان كده الولد بيدور ويحاول ويشتغل شغل مرتبها كبير عشان يقدر علي المسؤليات دى كلهااااااا سفر بقي او في مصر ده مش ذنبه

ياريت كلامى يكون خفيف عليكم
وبردو مستنيين جديدك يا
ج
ا
م
د

[dody samoul]

والله كلامك كله حكم يابسبوسة
بس انتى عرفتى موضوع المجارى دى منين
انتى مين بالظبط

[بسبوووسه]

انا مين بالظبط؟؟؟؟؟

انا بسبوووسه عضوة في موقع مصراوى كافيه

لا بجد
احسن برامج تقدر تعرف منها كل اخبار البلد ((( الاخبار الحقيقيه )))
هو برنامج الطبعة الاولى وبرنامج واحد من الناس
دوول زى مابيقولو كده بيجيبو من الاخر ويفهموك اللى فيها من غير لاتزويق ولا تزييف ولا مجامله لحد

وموضوع المجارى ده كنت متابعاه في برنامج واحد من الناس
ياريت تكون متابعهم دى برامج جامده بجد