10 خطوات لأسقبال نتيجة الامتحانات

[XxX7o00odAXxX]

السلام عليكم ورحمة الله وبركاته

النتيجة قربت وكل واحد فيكم حاتط ايدة على قلبة وفى ناس

منكم مقضية اليوم كله لا مؤخذة فى الحمام علشان كدة ومن

واقع خبرتى قررت انى اديكم شوية نصائح عن كيفية استقبال

نتيجة الامتحان والله الموفق .

اولا : ياريس منك ليها لازم تحبكها فى البيت قبل النتيجة بمعنى

اية انك لازم تفرهض فى السرير بتاع اربع خمس ايام كدة

ويجيلك كل الامراض اللى ما تخترش على بال بنى ادم من اول

المغص لحد البواسير علشان اللى فى البيت قلبهم يحن يامعلم

وياجلو المواجهة لو النتيجة جت لاقدر الله زى ما انت متوقع

وشلتلك بتاع اربع مواد كدة .

ثانيا : تبتدى تمرن نفسك على كيفية البكاء المستمر وتتعلم ازاى

تتشحتف علشان تصعب على كل اللى يقبلك .

ثالثا : تدرب على بعض الفنون القتالية زى المصارعة او الكارتية

مثلا ودة ضارورى لية بقى يانجم هقولك انا علشان هيبقى فى

زغابة واقفة على النتيجة فلازم انت تكون مستعد لكدة علشان

توصل فى اسرع وقت ممكن علشان انت عارف بيبقى فى هواة

تقطيع الورق دول عرفهم طبعا الواحدة من دول تعرف انها شايلة

السنة تروح مقطعة الورقة وحلينى انت بقى يا معلم عقبال

ماتعرف النتيجة بتاعتك .

رابعا : لازم يا نجم تروح تجيب نتيجتك بنفسك علشان ماتبقاش

واقف هيغمى عليك وانت مستنى صحبك يجبهالك وتلاقية بعد

دة كله خارج يقولك انت شيلت 3 مواد لية دة ظلم (اليعنى الواد
حل اوى) .

خامسا : انك تتحلى بكل انواع البرود علشان انت هتقابل اليوم

دة اللى عمرك ما شوفته يعنى انت خارج كدة وشايل اربع مواد

وتلاقى ام احمد الفراشة بتقولك الحلاوة يابية فا انت لو مكنتش

هادى هتعمل حاجة من الاتنين ياتموتها لا تموت نفسك فلازم

تبقى هادى وتستحمل علشان اللى جاى اصعب .

سادسا : لازم تؤمن وتصدق ان النتيجة دى بتاعتك ومفيش

غلطات مطبيعة (احنا هنمثل ما انت عارف انك شايل شايل)

سابعا : تاخد بعضك يا معلم وعلى اقرب مطعم وتاكل اكبر كمية

من الاكل علشان انت الفترة اللى جاية هتكن فى اوضتك

ومافيش اكل (ولا انت معندكش دم وهتقعد تاكل مع باباك
وممتك على اساس انك احمد زويل) ؟

ثامنا : نيجى لاصعب لحظة الا وهيا نقل الخبر للأعداء (باباك

ومامتك) وهنا هنرجع للبند رقم اتنين بتاع الافلام الماسوية

والبكاء المستمر .

تاسعا : اول ما تشوف باباك اول كلمه تقولها حرااااااااااااااااااام

دة ظلللللللللللم ويغمى عليك يا معلم وماشوفش وشك فايق

غير بعد 14 يوم اتفقنا .

عاشرا : رقم بوليس النجدة 122 اوعى تنسى ( دة فى حالة لو

الناس عندك فى البيت ما بيخلش عليهم الحاجات دى )

وبالتوفيق ان شاء الله وتمنياتى لكم بالنجاح والتوفيق .

[NODY_MOON]

هههههههههههههههههه

بجد ضحك ضحك هيستيرى

دا المفروض البنات ممكن تعيط ويغمى عليها الولاد عادى

جدا شالو زى ماشلوش

طولا الدراسة لعب ونت

فى ناس بتدخل الامتحان متعرفش دية ماده اية

ميرسى نايس توبيك

تقبل مرورى

[XxX7o00odAXxX]

ههههههههههههههههههه
عندك حق والله
شكرا لمرورك يا قمر
نورتى التوبيك وبالنجاح ان شاء الله

[HoBa HoBa]

ههههههههههههههههههههههههه هه
بجد جامدة جدا
ده احنا ساعتها بنبقى خلاص خلصنا

[cute lolo]

هههههههههههههههههههههههه جاااااااااااااااااااامد اوي و ده فعلا اللي بيحصل

[maimostafa]

مرسى على التوبيك الجامد دة ربنا يبشرك بالخير

[فرعونة مصر]

هههههههههههههههههههههههه
مارسي يا سكره

مفيش غير كده

[XxX7o00odAXxX]

ههههههههههههههههههههههههه هه
بجد جامدة جدا
ده احنا ساعتها بنبقى خلاص خلصنا

ميرسى لمرورك الجميل ده يا هوبا
نورتى يا قمر

[XxX7o00odAXxX]

هههههههههههههههههههههههه جاااااااااااااااااااامد اوي و ده فعلا اللي بيحصل

ميرسى لمرورك يا قمر
نورتى التوبيك

[XxX7o00odAXxX]

مرسى على التوبيك الجامد دة ربنا يبشرك بالخير

ههههههههههههههههههههه
ربنا معاكى يا مى
نورتى التوبيك