فلسفة حمار

[gongoma]

عجبى عليك يا ابن ادم يا كبير ابدار
قومت الدنيا وما قعت لما قالو حمار
هو اسمى شتيمه ولا جنسى دا عار
خلقنى ربى وخلقك ولا حدش له خيار
وانا مهما زاد الحمل فوقى صابر على المشوار
لا فى يوم اقول اشمعنى اخويا واخد منه تار
ولا ابص لرزق غيرى واطق منه واغار
ولا ارفع فى يوم عينىعلى جارتى واصون الجار
ولا مهر ادفع لحمارتى وشبكه وسوار
ولاشقه اجمع فى تمنها ولا اجهز دار
ولاحرمى حامل تتوحم عايزه الكافيار
ولا بنت تخرج عن طوعى وتجيب العار
ولا ابن يدمن ويهلوسويقع ينهار
عايش فى حالى متهنى وليه افكار ؟
باكل وباشرب وانهق وما فيش اسرار
وعندى ابن ادم يخدمنى ليل ونهار
ان جعت يشترى برسيمى باغلى الاسعار
وفى مرضى يفضل يعالجنى ويدعى الستار
جادم امين من غير راتب ولا حتى ايجار
والحين عرفت يابن .......... مين فينا الحمار؟

[مصطفى لطفى0]

السلام عليكم
الحمار هو الحمار
فلسفة فعلن جمدة جدا جدا

[gongoma]

ايوه يا مصطفى شفت حتى للحمار فلسفه اتمنى انها تنال اعجابك