عم سميح في المصيف

[treminitor]

عم سميح فى المصيف
الحلقة رقم (1)

-أبو سميح قوم معايا نجهز الشنط

أبوسميح : أنت بقالك يومين بتجهزى فيهم ..فيه أيه تانى
أم سميح : الكام كرتونه دهمت عايزاك تربطهم معايا
أبوسميح : كل دوول هو أحنا مهاجرين ..أيه أللى عملاه ده ياحاجه( لله الأمر من قبل ومن بعد) وربنا يعدى يومين المصيف على خير فيها أيه الكارتين دى كلها
أم سميح : الكارتونة دى فيها التموين الشاى والسكر والزيت
ودى للصابون والرابسو والبطاس ودى فيها كارتونة لحمه متلجه
ودى فيها كارتونة فراخ ودى فيها قراقيش وشوية قرص ودى فيها عدة الشاى والكنكه والكبايات ودى فيها البوتجاز الصغير وأالأنبوبه ودى فيها ملايات وأكياس مخدات وكبرتيات ودى فيها لعب ولاد أبنك سميح والعجلة والبوته والأتارى
أبو سميح : ما تلفى المطبخ معاكى وأودة السفرة
أم سميح : أبن حلال فكرتنى آخد الهون والخلاط ومخرطة الملوخيه والمنخل والعصارة والفتاحه والمشابك
أبو سميح: وأيه الكارتونه أللى هناك دى
أم سميح : دى فيها العوامات وفردتين كاوتش جايبهم سميح من حوده السواق علشان ينزلوا بيهم البحر
أبو سميح : تعالى نحسب عدد الناس أللى جايه معانا
أم سميح : مفيش هم همه بتوع السنة أللى فاتت ويزيد عليهم أختى جمالات وعيالها
أبو سميح : أف ..ملينى يا أم سميح علشان نعرف ندبر لهم مكان للنوم والمواصلة أللى حتودينا ..قولى وخلصينا
أم سميح: أكتب ياسيدى .. بنتك عائشة وعيالها وجوزها 7 .. بنتك صفيه 8
وحيد وعياله ومراته 5 ..أختى جمالات وعيالها 3 مش حتاخد غير العيال الصغيرة بس وتسيب الباقى مع أبوهم
أبو سميح : أحسن برضة.. كده يبقى 23 مش ناسيه حد تانى
أم سميح : مفيش غير أنا وأنت وسميح ومراته وعياله 7
أبو سميح : حلو قوى قفلنا الـ 30 نفر ..أحنا كنا عاملين حسابنا فى مينى بص 24 نفر تقدرى تقوليلى حنعمل أيه فى العدد الزيادة
أم سميح : بسيطه ياخويا تبقى كل واحدة من ولادك تاخد العيال الصغيرة على رجليها
أبو سميح: ده أنتم عايزين لورى وكمان بمقطورة
أم سميح : ماتحبكهاش قوى كده كله تتدبر
أبو سميح : الشقة ياوليه ثلاث أوض بست سراير تقدرى تقوليلى الناس دى كلها حتنام أزاى
أم سميح : السنه أللى فاتت كنا 27 وقضيناها.. ناس كانت بتنام بالنهارفى الشقه وناس بالليل وناس نايمه على البحر سيبها هى الأمور بتمشى لوحدها وعلى رأى المثل حصيرة الصيف واسعة
أبو سميح : واسعة واسعة لحد ما بهوأت يا أم سميح
أم سميح : المرة دى عملين نظام جديد للأكل ..أحنا كده خمس عائلات فى عين العدو كل عيله عليها الأكل فطار وغداء وعشاء لمدة يومين ..وكل واحدة من بناتك وستات ولادك عارفه كدة وواخده معاها أكل نص سوا علشان تعرف تمشى أمورها فى اليومين بتوعها
بنتك عائشة عامله حلتين كفته أرز باللحمه الجملى وثلاث صوانى مكرونه فرن وبنتك صفيةعامله دكرين بط وعشر تجواز حمام وحلتين محشى..ومرات سميح قالت أن عليهم السمك فى اليومين بتوعهم
ومرات وحيد مجهزه عجينة طعمية وعليها الطبيخ والرز وعاملة ثلاث صوانى بسبوسه وكيك
وأحنا بقى معانا كرتونة الفراخ واللحمه وحنجيب الملوخية من هناك ومنبهه عليهم أنهم ياساعدوا بعض واحدة للطبيخ وواحدة للتجهيز وواحدة لغسيل المواعين وواحدة لنظافة الشقة
ماتشلش هم يا أبو سميح هو فيه أحلى وأجمل من اللمه مع أولادك وأحفادك ربنا يخليك ليهم
أبو سميح : ويخليكى ياختى
الحلقة رقم (2)
يوم السفر

[احساس]

ههههههههههههههههههههههههه ههههههههههههههههههههههههه ههههههه

لامش ممكن ده مش مصيف ابدا ده عذاب
دول لو هاجروا لقاره تانيه كان ارحملهم واوفرلهم كمان
تسلمى ياقمر على الحلقه المثره ومنتظرين الباقى
الله يعينك يا ابوسميح ويسامحك يا ام سميح وياخد سميح.....قولوا امين

[بحر الحنان]

ههههههههههههههههههههههههه ههه
رايحين فين دول ربنا يعين

[treminitor]

ثانكس يابحر وميرسي ليكي يااحساس ثانك يو لمروركم

[قطره ندي]

جميله جدا منتظرين المزيد

[المبدع]

ههههههههههههههههههههههههه ههههههههههههههههههههههههه ههههههه

لامش ممكن ده مش مصيف ابدا ده عذاب
دول لو هاجروا لقاره تانيه كان ارحملهم واوفرلهم كمان
تسلمى ياقمر على الحلقه المثره ومنتظرين الباقى
الله يعينك يا ابوسميح ويسامحك يا ام سميح وياخد سميح.....قولوا امين

هههههههههههههههههه
جميله تسلم الايادى

[♥بـونـبـونـايـه سـكـره♥]

ههههههههههههههههههههههههه هههههههههههه
تسلمى ياثكر ع التوبيك الرائــــــــع ته

[treminitor]

ميرسي ياجماعه لمروركم

[محمد أبراهيم]

نبض

حرفك وحديث
كلماتك
هو الرافد لاي
صفحه
كانه عيد الاعياد
يترك في المساحه
فرحه
فالياسمين تفتح بعطر بحروفك
تحيه
لك لروعه تواصلك ونقاء ودقه اسلوبك
وسحر قلمك وروعه
الفكره