عليه العوض يا بلددى فى ولادك الأحرار

حربك خلاص انتهت مافضلش غير اشرار

اصبح مافيش بين ادينا الا الخراب والنار

واللى خربها قعد ما بقاش يهمه فرار

عليه العوض يا بلدى فى ولادك الأحرار

ماشيين غلط وطريقنا كله اعوجاج ودمار

سايبين ولادنا يضيعوا ويمشوا فى التيار

بيضيعوا حلمهم من غير مايخدوا قرار

عليه العوض يا بلدى فى ولادك الأحرار

فين لما كنا الفجريه بنصحى كل الدار

نخبز ونحلب وناكل ونحمد الجبار

ونجرى بدرى ونسترزق ونوحد الستار

وولادنا تنزل تتعلم وقلوبها فيها عمار

عليه العوض يابلدى فى ولادك الأحرار

كان خير كتير فى بلدنا والبركه مالها ارار

دلوقتى راح من ادينا ودع وولى وطار

واللعنه حلت علينا بزيادة الأسعار

والنفس صبحت مهانه وف ذله واستنكار

عليه العوض يا بلدى فى ولادك الأحرار