الموضوع رقم 2 ...في مسابقة الركن الادبي

**أحمد عمر** · 6 - 2 - 2008, 08:48 AM

محكمة الزمان

انصب المحكمة واحكم يا قاضي
على نظام الجهل في بلادي
احكم يا زمن بالحق
وقول يا تاريخ ده أنت النيابة
وافتح باب المحكمة لشعوب
تسمع كلام التاريخ وحكم الزمان
وهو كل كلام في كلام
وحلم في عقول بني الإنسان
وقال التاريخ يطلب من الزمان
يحكم على الجهل
رد الزمان
إيه دليلك على حكمك
وشعب عايش في الجهل
رد الجهل يضحك
أنا في العقول والضمير
بخل وندالة
بدل الكرامة والشهامة
روح لزمانك يا تاريخ
دول مش أحفاد ولادك
دول مسخ مني
وأولاد زماني
رد التاريخ يصرخ
انا الحضارة وأنا العلوم
وولادي وصلوا بعلمهم للنجوم
طلب الجهل من الزمان
احكم الشعوب من بنى الإنسان
ردوة الشعوب الميتة
صحاب القلوب الطيبة
مالنا ومالك يا تاريخ
سبنا لزمان ده الجهل نعمة
واحكمة قالت من خاف سلم
ومين يقدر على النظام
ده إيده طيله ابن الحرام

وعجبى
================================

في عيد ميلاد القمر
=======
في عيد ميلاد القمر
يحل اجمل سهر
ونعيش ليالى السمر
ودمع هو القدر
في عيد ميلاد القمر
علمنا معنا الحياه
وعشق دنيانا
مهو اصل القمر
وفي ليلتة يحل السهر
في عيد ميلاد القمر
حكلنا حكاية
وحب كانت بديتة
بسمه بفرحه
وذكريات جرحة
وغد كانت نهاية
في عيد ميلاد القمر
ضحكنا ......... بكنا
حرجنا .......... ودونا
علمنا ............ بكنا
مهو اصل القمر
في ليلته يحل السهر
في عيد ميلاد القمر
آية جملها سحر *****ليالى فرح وهنا ودمع ويه القدر
بسأل سؤال للقدر **** اخر سؤال في الزمن ازي قلبك غدر