ايه يابنات ارحموا الشباب شوية

[ريماس]

• لو جه هوه اللى كلمها يبقى مدلوق عليها
  . لو هى اللى كلمته يبقى مغرور وشايف نفسه
  ___________________________
  . لو قالها نعرف بعض شوية يبقى بيتسلى و بيلعب بيها
  . ولو قالها نرتبط يبقى لازم يجيب كل اللى الأهل عايزينه ( طبعا مش بقى صعب انما بقى مستحيل )
  ___________________________
  . لو بقى معاها علطول يبقى فاضى وصايع ومش وراه حاجة
  .ولو سابها مرة تروح لوحدها مبقاش مهتم بيها
  ___________________________
  .لو مكلمهاش كل يوم 30 مرة يبقى مش بيحبها
  .ولو كلمها لحد ما يفلس يبقى مش بيفكر صح للمستقبل
  ____________________________
  . لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش
  . لو مجبلهاش ولو فى مرة واحدة يبقى انانى ومش بيفكر فيها
  ____________________________
  . لو حبها وفيها عيوب وحاول يصلحها يبقى بيتحكم فيها
  . ولو محاولش يصلحها يبقى مش بيحبها ويطلع عينه وتقوله
  ____________________________
  . لو فيه حاجة مدايقاه وقالها يبقى بيتلكك
  . ولو مقلهاش يبقى قلبه اسود وبيخبي
  ____________________________
  . لو هى بتغير عليه يبقى عشان بتحبه
  . ولو هو بيغير عليها يبقى بيخنوقها
  ____________________________
  . لو قالها متكلميش فلان يبقى عايز يقطع علاقتها بكل أصحابها
  . ولو هى قلتلوا متكلمش فلانة يبقى عشان أكيد هوة اللى عينوه زايغة
  ____________________________
  . لو خرجوا مع بعض وقالها تروحى فين يبقى مش عارف يتصرف
  . ولو مسألهاش يبقى عايز يخرج على مزاجه
  ____________________________
  . لو حب يخرج مع أصحابة يبقى أنانى ومش بيفكر فيها وهى قاعدة لوحدها
  . ولو هى حبت تخرج مع أصحابها يبقى شئ طبيعى عشان همة بنات
  _____________________________
  . لما يطلع تامر حسني ولا احمد عز فى التليفزيون تبقى هتموت عليه وده شئ طبيعى عشان مين اللى ميحبش تيمو ؟
  . ولو هوه بص لأى واحدة فى التليفزيون يبقى عشان رمرام وعينه زايغة
  _____________________________
  . لو حاول يبوسها يبقى سافل وصايع
  . ولو ما حاولش يبقى بارد ومعندوش مشاعر
  ______________________________
  . لو مسك ايدها يبقى عشان عايز حاجة مش كويسة
  . ولو هيا اللى مسكتها طبعا عشان بتحبة
  __________________________
  . لو هية قعدت فترة متكلمهوش يبقى أكيد عشان مش عايزة تعطله
  . ولو هوة مكلمهاش عشان امتحانات ولا حاجة يبقى عشان عايز يطنشها
  _________________________
  . لو سأل عليها كل شوية يبقى ده طبيعى
  . ولو مرة واحدة مسألش يبقى أكيد مبقاش يحبها
  _________________________
  . لو هوه خارج من علاقة يبقى بتاع بنات
  . ولو هية خارجة من علاقة يبقى أكيد مظلومة وانضحك عليها
  _________________________
  . لو قالها نعرف الناس كلها اننا بنحب بعض يبقى عايز يشردلها
  . ولو قالها نستنى شوية يبقى أكيد ناوى يفلسع
  _________________________
  . لو مشتغلش يبقى مش بيفكر فى المستقبل ومش عارف يكفى طلباتها هى أو أهلها
  . ولو اشتغل أى حاجة يبقى مش عايز يحافظ على المظهر والبرستيج بتاعها أدام الناس
  _________________________
  . لو حصله مشكلة واتخنق شوية يبقى كئيب ومقرف
  . ولو هيا اللى مخنوقة يبقى أكيد عشان حساسه
  _________________________
  . لو سقط بسببها يبقى عشان ملوش هدف
  . ولو هيا سقطت يبقى عشان بتموت فية وبتفكر فية ليل ونهار
  _________________________
  . لو كدب عليها يبقى غشاش ومخادع
  . ولو هيا كدبت علية يبقى عشان مش عايزة تزعله
  _________________________
  . لو مبقاش 24 ساعة رومانسى يبقى أكيدبيفكر فى حد تانى

. ولو بقى علطول رومانسى هتقوله استرجل شوية دانا أرجل منك
_________________________
. لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها
. ولو هى اللى عملت كدة يبقى عشان الحب
_________________________
. لو حصل خناقة بينهم وخللى حد يحكم يبقى عايز يفضحها ويطلعها غلطانة علطول
. ولو هى اللى دخلت حد بينهم يبقى طبعا عشان هوه ظالم ولازم حد ينصفها
_________________________
. لو حصل موقف مؤثر وعيط يبقى تافه ومش راجل
. ولو متأثرش بيه يبقى قاسى وقلبه حجر
_________________________
معلش بقي يابنات بس والله في كتير كده فعلا وانا منهم واي بنوته كده بس هو بيبقي شك بس بس نحاول نبطلوه وانتوا ياشباب ليكو دور في نفس الموضوع مش البنات بتشك من فراغ اكيد ليكو حاجه خليتهم يشكوا كده من التصرفات اللي شايفنكوا بتعملوها .

ويارب الموضوع يعجبكم
وتــحــيـــاتــــــــي لــيـــكــــــــــو

[نورا محمد]

ههههههههههه بجد كلامك جميل اوى وفعلا دة اللى بيحصل مع كل بنت مانعرفش احنا عايزين اية بالظبط

[kkll]

موضوع جميل ووجهات النظر فيه اجمل بس سعات بيبقى العكس علشان مش كل البنات كده او كل الشباب كده على العموم انا سعيدة قوى لانى قرات هذا الموضوع فى الوقت ده بالذات اشكرك اسعتونى باىىىىىىى

[kkll]

فى حد موجود يرد عليا ولاايه

[NODY_MOON]

هههههههههههههههههههههه

جميلة جداااا

[العزيزاوى]

موضوعك جميل أوى يا {ريماس}
بس صدقينى
الحب الحقيقى بتدوب فيه
معظم هذه الأشياء بشرط أن يكون هذا الحب عميقاً
لدى الطرفين ولا يكون من طرف وآحد فهذه هى الكارثة
التى ينتج عنها ماقلتى وأكثر مما ذكرتى
مع أرق تحياتى

[ريماس]

ههههههههههه بجد كلامك جميل اوى وفعلا دة اللى بيحصل مع كل بنت مانعرفش احنا عايزين اية بالظبط

هوه بيبقي شك بس ياقمر اللي مخليني كده هوه اينعم في ولاد برضو كده بس بتبقي في البنات اكتر بكتير بس المهم نحاول نبطل الشك ده
وميرسي لمرورك وردك الجميل

[ريماس]

موضوع جميل ووجهات النظر فيه اجمل بس سعات بيبقى العكس علشان مش كل البنات كده او كل الشباب كده على العموم انا سعيدة قوى لانى قرات هذا الموضوع فى الوقت ده بالذات اشكرك اسعتونى باىىىىىىى

انا اللي سعيده بمرورك بس كل البنات فيها الشك بس بنسب بس بمعني ان الشك عندي بنسبه مختلفة عن نسبه الشك عندك بس وميرسي لردك

[ريماس]

فى حد موجود يرد عليا ولاايه

انا تحت امرك ياقمر امؤري

[ريماس]

هههههههههههههههههههههه

جميلة جداااا

انتي اجمل ياقمر وميرسي لمرورك وردك الجامد