.: أهالينـا : أصحابكوا آه و احنا لأ ليه ؟!! :.

[AhMeD El-Za3eEm]

أهالينـا : أصحابكوا آه و احنا لأ ليه ؟!!

:: الموضوع منقـول من مجلـة ::

كام مرة سمعنا كلام من الأهل زي: ( انت ليه بتحكي لأصحابك و ما بتجيش تحكيلنا؟ )،

( هما حيخافوا عليك أكتر مننا؟ ) و كلام بقي كتيـر أوي من النوع ده، و طبعا الاعتقاد
السائد إن الصديق هيطاوع الشخص علي الغلط، و إن الأصحاب معندهمش خبرة كافية
يقدروا يقدموها عشان كده ( ممكن يودوك في داهيــة ) !!!!

دا الإعتقاد اللي عند الأهالي، بس حنقف كدا و نسأل نفسينا سؤال
:: ليه لما بنبقي في ورطة بنحكي لأصحابنا و ما بنحكيش لأهالينا؟!! ::

هوا طبعا مش عشان إن أصحابنا حيطاوعونا علي الغلط ولا حاجة، بالعكس في أصحاب

بيكون نقدهم أقسي و أشد من الأهل، و نصيحتهم بتوعينا و بتفهمنا المواضيع اللي احنا
مش شايفنها، بس الفرق إن مبدأ العقاب عند الأصحاب مش موجود.

يعني لا حيقطعوا عننا المصروف، و لا حيمنعونا نخرج و لو حتي لآخر الشارع، و لا حيفضلوا

لاويين بوزهم لآخر الشهر لحد ما يحنوا علينا و يكلمونا، و إذا حصل بيكون كلامهم كله
تأنيب و قلة قيمة.

يجي الأهل و يقول مفيش أصحاب كده، و كلهم مخهم فاضي و تافهيين، و يحكموا عليهم

من قبل حتي ما يشوفهم و البنت أو الولد .. يا عيني يبقوا مش عارفيين يصدقوا أهاليهم -
اللي خايفيين عليهم - و لا يصدقوا إحساسهم.

و من ناحية تانية برضه فيه أصحاب في الضياع، من عينة ( خد السجارة دي و

ابقي ادعيلي ) أو ( ما تقابليه يعني حتخسري إيه؟ ) و يمكن ( دي حته ورقة
عرفي مش أحسن ما تعملوا حاجة حرام، و أهو اسمك مراته ) و كلام كتيــر أوي ملهوش لازمة .....

" لو خايفيين علي أولادكم بجد ما تقطعوش عليهم الصداقة، اختاروا لهم

أصحابهم، و إن زنقت أوي خليكم إنتم أصحابهم و مش كل موقف محتاج العقاب. "
أنا مش بأقول الكلام ده لآبائنا و أمهاتنا، أنا بأقول الكلام ده لينا احنا اللي حنكون
( بابا و ماما ) بكرة، و يا رب نتعلم و منطلعش عقدنا و كلاكيعنا علي ولادنا.!!!!
ــــــــــــــــــــــــــــــــــــــــــ
:: من دراسة أجريت إتضح أن ::
مشكلات الشباب العربي عموما تنقسم إلي

مشكلات نفيسة

زي الشعـور بالضياع و الغربة و الإحباط.

مشكلات اقتصادية
و دي بقي المتعلقة بالشغل و السكن و ضمان المستقبل.

مشكلات أخلاقية/ اجتماعية
و دي بقي نتيجة التناقض بين جيل الشباب و الآباء .. و فيه برضه مشكلة تانية مهمة، و
هي محاولة الأهل إحاطة الأبناء بالرعاية و المحبة و بيحاولوا إنهم يوفرولهم كل ظروف و
أسباب النجاح. و طبعا و بسبب المبالغة في الرعاية و الاهتمام بيفرضوا وصايتهم و آرائهم
علي الأبناء، و بيحاولوا يطبقوا خبرتهم الحياتية علي أبنائهم من غير ما ينتبهوا لتغير الزمن
و الظروف اللي ساعدتهم من إنتاج كل المعارف و الخبرات اللي عندهم. و اللي ما
بتمشيش و لا حتي بتناسب مع ظروف و زمان الأبناء، و طبعا بفعل عوامل التغير الاقتصادية
و الاجتماعية و الحضارية المتسارعة.

يا ريت الرد و المشاركة في الرأي في الموضوع المهم ده

[الجشع]

تسلم ايدك ابو حميد

[dr_manoon]

بصراحه هو فعلا المشاكل النفسيه بقت كتير جدا وماثره على الشباب كتير وبالنسبه للقلق على المستقبل ده شئ طبيعى خوفنا منه ده بقت معاناه ازليه اما بالنسبه للتحدث مع اهالينا والله يازعيم تصدق ان ده المفروض فعلا والتحدث مع الاصدقاء والشكوى ليهم اكتر من الاهل ده غلط لان اهالينا عندهم خبره اكتر ثانيا همهم مصلحتنا ومحدش هيخاف علينا اكتر منهم واحنا فعلا غلطانين
موضوع جميل جدااااااااااااااااااااااا ااا يازعيم

[طيف عابر]

شكرا كتير زعيم وعدت متألقا ---اختيار موفق جدا

:: ليه لما بنبقي في ورطة بنحكي لأصحابنا و ما بنحكيش لأهالينا؟!! ::

لانهم بينظروا للامر وبيفهوه من وجهة نظرنا وممكن كتير يكونو عندهم تجربه بنفس المواقف وبسبب تقارب الاعمار والهموم والتواجد في نفس المكان كالمدرسه --الكليه والعمل حيث هناك المواجهة الحقيقيه للحياة ومشاكلها

يجي الأهل و يقول مفيش أصحاب كده، و كلهم مخهم فاضي و تافهيين، و يحكموا عليهم

من قبل حتي ما يشوفهم و البنت أو الولد .. يا عيني يبقوا مش عارفيين يصدقوا أهاليهم -
اللي خايفيين عليهم - و لا يصدقوا إحساسهم.

فعلا الاهل معظم الاحيان نظرتهم للاصدقاء انهم تافهين وما ممكن يساعدوا لا بل ممكن يدمروا وينصحوا غلط ولكن هذا ليس دائما صحيح

و
" لو خايفيين علي أولادكم بجد ما تقطعوش عليهم الصداقة، اختاروا لهم

أصحابهم، و إن زنقت أوي خليكم إنتم أصحابهم و مش كل موقف محتاج العقاب. "

فعلا نقطة روعه ومهمة جدا على الاهل تقبل الاصدقاء ووجودهم بحياة اولادهم والمساعدة في الاختيار بالتشجيع يعنى ممكن اشجع استمرار صداقته مع فلان وانصحه بالابتعاد عن السيء منهم

واخيرا

فعلا مشاكل عديدة يتعرض لها الابناء وعلى الاهل مساعدتهم على تجاوزها بالنصح والمشورة وعدم الاحباط وعدم التقليل من شأن الابناء وعدم التقليل من اهميتهم واهمية رأيهم وعدم فرض الاوامر الا الواجب على الابناء اتباعها لمصلحتهم
كونو معهم لا عليهم لكي يسمعوكم

[AhMeD El-Za3eEm]

ميرسي كتير لمرورك يا جشع

و د.مني لازم الاهل .. دا ضروري و مهم جدا بس أهم حاجة انهم يحاولوا يشوفوا الموضوع من خلال عيون أولادهم عشان يقدروا يفهموهم و يملوا الفجوة ما بين جيل الآباء و جيل الأبناء

طيف ردك متميز كالعادة و طبعا مفيش اضافة بعديكي يعني
شكرا يا جماعة علي مروركم و ردك

[العوامى]

شكرا كتير زعيم وعدت متألقا ---اختيار موفق جدا

:: ليه لما بنبقي في ورطة بنحكي لأصحابنا و ما بنحكيش لأهالينا؟!! ::

لانهم بينظروا للامر وبيفهوه من وجهة نظرنا وممكن كتير يكونو عندهم تجربه بنفس المواقف وبسبب تقارب الاعمار والهموم والتواجد في نفس المكان كالمدرسه --الكليه والعمل حيث هناك المواجهة الحقيقيه للحياة ومشاكلها

يجي الأهل و يقول مفيش أصحاب كده، و كلهم مخهم فاضي و تافهيين، و يحكموا عليهم

من قبل حتي ما يشوفهم و البنت أو الولد .. يا عيني يبقوا مش عارفيين يصدقوا أهاليهم -
اللي خايفيين عليهم - و لا يصدقوا إحساسهم.

فعلا الاهل معظم الاحيان نظرتهم للاصدقاء انهم تافهين وما ممكن يساعدوا لا بل ممكن يدمروا وينصحوا غلط ولكن هذا ليس دائما صحيح

و
" لو خايفيين علي أولادكم بجد ما تقطعوش عليهم الصداقة، اختاروا لهم

أصحابهم، و إن زنقت أوي خليكم إنتم أصحابهم و مش كل موقف محتاج العقاب. "

فعلا نقطة روعه ومهمة جدا على الاهل تقبل الاصدقاء ووجودهم بحياة اولادهم والمساعدة في الاختيار بالتشجيع يعنى ممكن اشجع استمرار صداقته مع فلان وانصحه بالابتعاد عن السيء منهم

واخيرا

فعلا مشاكل عديدة يتعرض لها الابناء وعلى الاهل مساعدتهم على تجاوزها بالنصح والمشورة وعدم الاحباط وعدم التقليل من شأن الابناء وعدم التقليل من اهميتهم واهمية رأيهم وعدم فرض الاوامر الا الواجب على الابناء اتباعها لمصلحتهم
كونو معهم لا عليهم لكي يسمعوكم

طبعاً مفيش تعليق بعد الرد الرزين اللى ردته طـــيف
بس أنا ممكن أخد عهد على نفسى
إنى أبقى نعم الصديق لأولادى وربنا يقدرنى
موضوع رائع يازعيم زى ماعودتنا

[Young DeviL]

شكرا كتير زعيم وعدت متألقا ---اختيار موفق جدا

:: ليه لما بنبقي في ورطة بنحكي لأصحابنا و ما بنحكيش لأهالينا؟!! ::

لانهم بينظروا للامر وبيفهوه من وجهة نظرنا وممكن كتير يكونو عندهم تجربه بنفس المواقف وبسبب تقارب الاعمار والهموم والتواجد في نفس المكان كالمدرسه --الكليه والعمل حيث هناك المواجهة الحقيقيه للحياة ومشاكلها

يجي الأهل و يقول مفيش أصحاب كده، و كلهم مخهم فاضي و تافهيين، و يحكموا عليهم

من قبل حتي ما يشوفهم و البنت أو الولد .. يا عيني يبقوا مش عارفيين يصدقوا أهاليهم -
اللي خايفيين عليهم - و لا يصدقوا إحساسهم.

فعلا الاهل معظم الاحيان نظرتهم للاصدقاء انهم تافهين وما ممكن يساعدوا لا بل ممكن يدمروا وينصحوا غلط ولكن هذا ليس دائما صحيح

و
" لو خايفيين علي أولادكم بجد ما تقطعوش عليهم الصداقة، اختاروا لهم

أصحابهم، و إن زنقت أوي خليكم إنتم أصحابهم و مش كل موقف محتاج العقاب. "

فعلا نقطة روعه ومهمة جدا على الاهل تقبل الاصدقاء ووجودهم بحياة اولادهم والمساعدة في الاختيار بالتشجيع يعنى ممكن اشجع استمرار صداقته مع فلان وانصحه بالابتعاد عن السيء منهم

واخيرا

فعلا مشاكل عديدة يتعرض لها الابناء وعلى الاهل مساعدتهم على تجاوزها بالنصح والمشورة وعدم الاحباط وعدم التقليل من شأن الابناء وعدم التقليل من اهميتهم واهمية رأيهم وعدم فرض الاوامر الا الواجب على الابناء اتباعها لمصلحتهم
كونو معهم لا عليهم لكي يسمعوكم

هو دا الي كنت عايزه اقوله كدا طيف مسابتش حاجه نقولها غير ان الاباء دايما بيفرضو رائيهم عشان كدا منقدرش نقول حاجه لاننا عارفين ان ممكن حتا لو رائيهم معجبناش لازم ننفزه

تسلم يا زعيم علي الموضوع الجامد دا

[AhMeD El-Za3eEm]

شكرا يا عوامي علي ردك الجميل
و ديفل عاش مين شافك .. منورة التوبيك و فعلا زي ما انت بتقولي كدا
شكرا لمروركم و ردكم

[شمس الأصيل]

لو خايفيين علي أولادكم بجد ما تقطعوش عليهم الصداقة، اختاروا لهم

أصحابهم، و إن زنقت أوي خليكم إنتم أصحابهم و مش كل موقف محتاج العقاب. "
أنا مش بأقول الكلام ده لآبائنا و أمهاتنا، أنا بأقول الكلام ده لينا احنا اللي حنكون
( بابا و ماما ) بكرة، و يا رب نتعلم و منطلعش عقدنا و كلاكيعنا علي ولادنا.!!!!

لما كنت صغيرة كنت بزعل جدا من تصرفات كتير من أهلي
وبعتبرها تحكمات وفرض رأي
كنت حاسه انهم بيفرضوا آرائهم وهو كده رضيت أم لم ترضى
وقررت اني لما أكون أم مش هعمل كده أبدا وهوفر لأولادي الحرية الكاملة وخاصة في المناقشة

وكبرت وبأيت أم

وبدأت ساقية التربية تدور

أكيد عملت أسلوب مختلف في الشكل العاموفي أمور جذرية فعلا

لكن بدأت أتعرض لحاجات كتير كنت بعترض عليها وكنت بضايق منها وأنا صغيرة
فوجئت ان أهلي كان عندهم حق في حاجات كتيرة
الحاجة الوحيدة اللي بحاول أعملها اني أفهم ولادي وأناقشهم على أد ماأقدر
لكن صدقوني في النهاية في أمور كتير اتصدمت فيها
فوجئت فعلا ان ماينفعش فيها مناقشة في وقتها يمكن بعدين
أنا معاكم في أهالي كتير نظرتهم ضيقة للأمور وده من منطلق خوفهم على أولادهم
لكن الصداقة بين الأولاد وأهاليهم مهمة جداااا
والصداقة بين الاخوات أهم
والصداقة بين الأصحاب مهمة صحيح لكن مش الأساس
محدش هيخاف عليك زي أهلك
أهلك عندهم خبرة مش عند الصاحب
للأسف بنقول أهلنا من زمن تاني غير زمننا
الزمن مش بعيد أوي
همه حصلوا خبرات تجنبنا الألم في مواقف كتيرة تحمينا من مصايب ربنا أعلم بيها
مهما الصاحب نصح نصيحته مرة تصيب وخمسة تخيب لأن معندوش خبرة
يمكن فاهم شعورك صحيح لأنه من نفس سنك
وكمان تتأكد منين ان صاحبك ده هو أحسن انسان ممكن تثق فيه
تعرف فلان آه عاشرته لأ تبأى متعرفوش
طيب يكون ايه الحال لو عاشرته سنين واتصدمت فيه بعد ماعرف أسرارك
أقل واجب يضربك بيها
لكن أهلك مهما حصل استحالة يعملوا كده
للأسف ساعات الأهل بيحاولوا يقربوا من ولادهم لكن الولاد هموا اللي بيبعدوا ومتصورين ان أهلهم من كوكب تاني متخلف
حاجة أفضل شيلاها لأمي
ربنا يبارك فيها ويديها الصحة
علمتنا أنا واخواتي ازاي نكون أصحاب
علمتنا ان الأخ مهما حصل مش هيبيع طالما الأصل طيب والتربية من حلال

[ورقه]

بص يا سيدى رايى فى الموضوع دا

ان الشباب حاسين بغربه اصلا و هما فى بيتهم هيروحو يحكو ازاى للام و الاب ..

مع ان فى حريه كبيره جدا عندنا تسملحنا اننا نصاحبهم بس زى ما انت قولت مبدا العقاب ..

ان مبدا العقاب مش موجود بين الصحاب ..

بس مشاكل الشباب مش تنقسم لتلاته من وجهه نظرى هى مشكله واحده

و المشكله فيهم هما ..

و مشكله التربيه ..

بس ..