صحيت من النوم فجأه.....؟؟؟

**No TiMe** · 5 - 7 - 2009, 12:40 PM

يبارك في عمرك يا رب
ويجزيكي خير علي الموضوع الجيمل دا
ويا رب الكل يتعض
ويعمل لاخرتو
يسلموو علي التوبك الجيمل دا

**iLWda3** · 5 - 7 - 2009, 01:14 PM

المشاركة الأصلية كتبت بواسطة ملكــ الاحساســ

يبارك في عمرك يا رب

ويجزيكي خير علي الموضوع الجيمل دا
ويا رب الكل يتعض
ويعمل لاخرتو
يسلموو علي التوبك الجيمل دا

ربنا يخليك يا اسلام على كلامك الجميل ده...وميرسي اوي على مرورك الاكثر من رااائع.
ونورتني والله.

**maahes** · 28 - 7 - 2009, 12:31 AM

بسم الله الرحمن الرحيم

ماشاء الله يأيمى قصة جميلة ونسأل الله ان يتوب علينا ويغفر لنا وان يرحمنا فى يوما لاينفع فيه مال ولابنون الا من أتى الله بقلب سليم .وجزاكى الله خير الجزاء،ولكنى سألك سؤال فاسمحى لى :
ماهو مدى تأثرك بهذه القصة ؟وماذا أعددتى لهذااليوم؟
وكويس اننى قرأت الموضوع فى هذا الوقت حتى أطلب منك ومن الأعضاء أن يرفعوا صور النساء التى تخصهم من توقيع وصورة رمزية على الاقل حتى ينتهى رمضان وكل عام وأنتم بخير.
ولكى منى جميل الشكر

**broken_heart** · 28 - 7 - 2009, 12:44 AM

برافو والله توبيك اكثر من الرائع وربنا يغفر لنا كلنا

**Damn4Do** · 28 - 7 - 2009, 12:58 AM

المشاركة الأصلية كتبت بواسطة niemonda wie ich

صحيت من النوم فجأه..

شوفت نور غريب..!! المشكله ان نور الغرفه مقفول.

وشوفت النور ده الساعه 3 ونص الفجر...
طيب النور ده كله جااي منين؟؟؟

اتفاجأت لما شوفت ايدي نصها بالجدار..
طلعتها بسرعه وانا خايف وقعدت اشوفها..وبعدين جربت ادخلها مره تانيه بالجدار....دخلت!!!!!!

وفجأه...

سمعت صوت ضحك...قعدت اتلفت حواليا...وبصيت على اخويا لقيته نايم!!!

قمت من السرير وانا خاايف...رحت اصحيه...بس مش بيرد عليا.

رحت لغرفة امي احاول اصحي ابويا...
عايز حد يرد عليا...بس مفيش حد بيرد خاااالص.

رحت لامي احاول اصحيها...وفجأة قامت من النوم.
هي قامت بس مش كلمتني..!!!!

كانت تسمي"بسم الله الرحمن الرحيم" وتكرررها.........

قومت ابويا من النوم وقالتله قوم قوم... عايزه اروح اطمن على الولاد.

ابويا جاوبها باستغرااب وقالها :مش وقته سيبيني انام وبكره يحصل خير.

لكن باصرار امي ابويا قام من النوم وراحوا سوا...

وانا فضلت انادي عليهم واصرخ واصرخ امي امي ابويا ....بس مفيش حد بيرد عليا!!!

رحت ماسك في ثياب امي عايزها تسمعني...بس محستش بيا..!!!
فضلت ماشي وراها لحد ما وصلت غرفة النوم ..

دخلوا غرفة النوم وشغلوا اللمبات....بس مكنتش تفرق معايا لان الدنيا منوره اصلا.

بس تفاجأت لما شوفت شىء غريييييييييييييييييييييب.. ...

شوفت جسمي....ايوه شوفت جسمي انا على السرير.

قعدت ابص في نفسي لاقتني بقيت اتنين...
قلت في نفسي مين ده؟؟؟ وازاي يشبهني كده؟؟!!

قعدت اضرب في نفسي عايز اصحى من الحلم الكئييييييييييييييب ده
لكن مصحتش...

------

ابويا قال: يالله...شوفتي انهم نايمين...يلا بقى خلينا نمشي.

لكن امي مش هديت...راحت عند اللي كان نايم مكاني...
وقالت محمد قوم .. رد عليا؟؟

بس مكنش بيرد...........!!!!

حاولت اكثر من مره...ومكنش بيرد..
ووفجأه بدأت دموع ابي تتساقط...ابويا اللي عمري ما في حياتي شوفت دموعه...النهارده شوفتها.

وبدأ صراخ امي يملي المكان وصحى اخويا اللي كان نايم معايا في الغرفه..
وقال: في ايه؟؟؟

امي قالتله وهي بتصرخ: اخوك مات محمد مااات وهي تبكي بحرقه

-----

وازداد الصراخ...

رحت لامي قلت لها متبكيش انا موجود شوفي...انا ممتش.

بس مفيش حد بيرد عليا.ليييييييييه!!!!

قعدت اصرخ...انا موجود انا ممتش شوفوني...انا موجووووووووووووووود.

بس بردو مفيش حد بيرد..

قعدت اقول يارب ياااارب يخلص من الحلم اللي انا فيه...ياااااارب.

-----

وسمعت صوت جاي من بعيييد...وكأن في حاجه حاجه فيا بتترفع.

حتى سمعت قوله تعالى

لقد كنت في غفلة من هذا فكشفنا عنك غطاءك فبصرك اليوم حديد

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))

وفجأه في اتنين مسكوني...بس هما مش من البشر..

خفت!!!

وقعدت اصرخ سيبوني سيبوني..
انتو مييين...
وعايزين ايه مني..؟؟؟

قالو احنا حراسك لحد القبر

----

قلت انا ممتش انا لسه حي

ليه موديني القبر...سيبوني !!

انا بحس وبتكلم وبشوف...لسه ممتش

ردو عليا بابتسامه..

قالو ' عجيب أمركم يالبشر تظنون أن الموت نهاية الحياة ولا تعلمون أن ماكنتم تعيشون فيه هو حلم قصير ينتهي عندما تموتون '

وفضلوا يسحبوا فيا لحد لقبر

واحنا في الطريق شوفت ناس بتبكي وناس بتضحك وناس بتصرخ

وكل واحد معاه اتنين زيي

سألتهم ليه بيعملوا كده؟؟؟

قالو الناس دول عارفين مصيرهم..
منهم من كان على ضلال

قاطعتوهم وانا خايف...يعني هيروحوا النار ؟!؟

قالو : نعم

وكملوا حديثهم...
واللي بيضحك رايح الجنه.

رديت بسرعه وانا رايح فييين؟؟؟

قالو انت كنت شويه تمشي صح وشويه تمشي غلط

شويه تتوب وترجع اليوم التاني تعصي
ومكنتش واضح مع نفسك

وهتفضل كده تايه

قاطعتهم وانا خااايف..يعني اييييييه انا هروح النااار؟؟؟

ردو عليا: رحمة الله واسعه، والرحله طويله

----

التفت وانا خاييف شوفت اهلي وابويا وعمي واخواني وقاريبي كلهم

كانوا شايليني في صندوق..

رحت لهم جريت وقلتلهم ادعولي..

لكن مفيش حد رد عليا فيهم...اللي كان بيبكي واللي كان حزين

رحت لاخويا وقلتله:انتبه من الدنيا وفتنتها متغركش

كنت بتمنى انه لو كان يسمعني

وشدوني الملكين لقبري ونيموني فوق الجسد بتاعي

وشوفت ابويا وهو بيرمي التراب فوقي

وشوفت اخواني وهما بيرموا التراب

وشفت الناس كلها بترمي التراب فوقي

اتمنيت اني لو كنت مكانهم في الدنيا

لكنت توبت وكنت صليت الفجر امبارح

كنت دعيت ربي كل يوم

كنت جددت توبتي كل يوم

كنت بطلت معاصي

وقعدت اصرخ يا ناااااس
انتبهوا لا تغركم الدنيااا

اتمنيت لو حد يسمعني.

يارب تكونوا استفدتم من القصه دي وتكون عجابتكم...وعايزه اشوف الردود بقى.

وادعوا ان تكون لنا الرحمه جمييييعا.

سيبك من كل دا
انتى عارفه ان انتى السبب اللى بدأت اصلى بسببوا بعد لما قريت الموضوع دا
فعلا بشكرك =)

**iLWda3** · 28 - 7 - 2009, 01:05 AM

ميرسي ليك اوي يا استاذ محمد على مرورك وميرسي على النصيحه دي، وردي على سؤالك اني بجد بجد اتاثرت بيها اوي بس انا مش عاملة القصه دي انهارده انا عملاها من زمان.
وتسلمي broken_heart على مرورك.

**iLWda3** · 28 - 7 - 2009, 01:13 AM

ميرسي اوي اوي ليك يا (Damn4Do) على مرورك، وانا بجد سعيدة جدا انك استفدت من القصه ويااارب بقيت الاعضاء اللي يقراوها يستفادوا منها.

**maahes** · 28 - 7 - 2009, 01:52 AM

لم تجاوبنى يأيمى ماذا أعددتى لهذا اليوم؟ وبالنسبة لأن الموضوع من زمان فأنا لسه شايفه النهاردة وهو مش مرتبط بوقت.

ولكى منى جميل الشكر

**iLWda3** · 28 - 7 - 2009, 02:01 AM

في ايه يا جميل انت مالك بتعلق على حاجات غريبه كده ما بلاش كسوف قدام الناس...على العموم يعني انا معملتش حاجه انهارده ولا اعددت حاجه.
منووووووووور والله