صحيت من النوم فجأه.....؟؟؟

[iLWda3]

صحيت من النوم فجأه..

















شوفت نور غريب..!! المشكله ان نور الغرفه مقفول.

وشوفت النور ده الساعه 3 ونص الفجر...
طيب النور ده كله جااي منين؟؟؟

اتفاجأت لما شوفت ايدي نصها بالجدار..
طلعتها بسرعه وانا خايف وقعدت اشوفها..وبعدين جربت ادخلها مره تانيه بالجدار....دخلت!!!!!!

وفجأه...































سمعت صوت ضحك...قعدت اتلفت حواليا...وبصيت على اخويا لقيته نايم!!!

قمت من السرير وانا خاايف...رحت اصحيه...بس مش بيرد عليا.






رحت لغرفة امي احاول اصحي ابويا...
عايز حد يرد عليا...بس مفيش حد بيرد خاااالص.


















رحت لامي احاول اصحيها...وفجأة قامت من النوم.
هي قامت بس مش كلمتني..!!!!

كانت تسمي"بسم الله الرحمن الرحيم" وتكرررها.........

قومت ابويا من النوم وقالتله قوم قوم... عايزه اروح اطمن على الولاد.

ابويا جاوبها باستغرااب وقالها :مش وقته سيبيني انام وبكره يحصل خير.

لكن باصرار امي ابويا قام من النوم وراحوا سوا...

وانا فضلت انادي عليهم واصرخ واصرخ امي امي ابويا ....بس مفيش حد بيرد عليا!!!

رحت ماسك في ثياب امي عايزها تسمعني...بس محستش بيا..!!!
فضلت ماشي وراها لحد ما وصلت غرفة النوم ..

دخلوا غرفة النوم وشغلوا اللمبات....بس مكنتش تفرق معايا لان الدنيا منوره اصلا.

بس تفاجأت لما شوفت شىء غريييييييييييييييييييييب.. ...


















شوفت جسمي....ايوه شوفت جسمي انا على السرير.

قعدت ابص في نفسي لاقتني بقيت اتنين...
قلت في نفسي مين ده؟؟؟ وازاي يشبهني كده؟؟!!


قعدت اضرب في نفسي عايز اصحى من الحلم الكئييييييييييييييب ده
لكن مصحتش...





------



ابويا قال: يالله...شوفتي انهم نايمين...يلا بقى خلينا نمشي.




لكن امي مش هديت...راحت عند اللي كان نايم مكاني...
وقالت محمد قوم .. رد عليا؟؟



بس مكنش بيرد...........!!!!



حاولت اكثر من مره...ومكنش بيرد..
ووفجأه بدأت دموع ابي تتساقط...ابويا اللي عمري ما في حياتي شوفت دموعه...النهارده شوفتها.


وبدأ صراخ امي يملي المكان وصحى اخويا اللي كان نايم معايا في الغرفه..
وقال: في ايه؟؟؟


امي قالتله وهي بتصرخ: اخوك مات محمد مااات وهي تبكي بحرقه




-----

وازداد الصراخ...





رحت لامي قلت لها متبكيش انا موجود شوفي...انا ممتش.



بس مفيش حد بيرد عليا.ليييييييييه!!!!




قعدت اصرخ...انا موجود انا ممتش شوفوني...انا موجووووووووووووووود.



بس بردو مفيش حد بيرد..

قعدت اقول يارب ياااارب يخلص من الحلم اللي انا فيه...ياااااارب.








-----




وسمعت صوت جاي من بعيييد...وكأن في حاجه حاجه فيا بتترفع.



حتى سمعت قوله تعالىلقد كنت في غفلة من هذا فكشفنا عنك غطاءك فبصرك اليوم حديد



لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))




وفجأه في اتنين مسكوني...بس هما مش من البشر..

خفت!!!


وقعدت اصرخ سيبوني سيبوني..
انتو مييين...
وعايزين ايه مني..؟؟؟

قالو احنا حراسك لحد القبر




----




قلت انا ممتش انا لسه حي


ليه موديني القبر...سيبوني !!


انا بحس وبتكلم وبشوف...لسه ممتش



ردو عليا بابتسامه..




قالو ' عجيب أمركم يالبشر تظنون أن الموت نهاية الحياة ولا تعلمون أن ماكنتم تعيشون فيه هو حلم قصير ينتهي عندما تموتون '


وفضلوا يسحبوا فيا لحد لقبر

واحنا في الطريق شوفت ناس بتبكي وناس بتضحك وناس بتصرخ



وكل واحد معاه اتنين زيي


سألتهم ليه بيعملوا كده؟؟؟


قالو الناس دول عارفين مصيرهم..
منهم من كان على ضلال



قاطعتوهم وانا خايف...يعني هيروحوا النار ؟!؟



قالو : نعم


وكملوا حديثهم...
واللي بيضحك رايح الجنه.


رديت بسرعه وانا رايح فييين؟؟؟



قالو انت كنت شويه تمشي صح وشويه تمشي غلط


شويه تتوب وترجع اليوم التاني تعصي
ومكنتش واضح مع نفسك

وهتفضل كده تايه



قاطعتهم وانا خااايف..يعني اييييييه انا هروح النااار؟؟؟



ردو عليا: رحمة الله واسعه، والرحله طويله









----






التفت وانا خاييف شوفت اهلي وابويا وعمي واخواني وقاريبي كلهم


كانوا شايليني في صندوق..

رحت لهم جريت وقلتلهم ادعولي..

لكن مفيش حد رد عليا فيهم...اللي كان بيبكي واللي كان حزين


رحت لاخويا وقلتله:انتبه من الدنيا وفتنتها متغركش



كنت بتمنى انه لو كان يسمعني




وشدوني الملكين لقبري ونيموني فوق الجسد بتاعي



وشوفت ابويا وهو بيرمي التراب فوقي


وشوفت اخواني وهما بيرموا التراب

وشفت الناس كلها بترمي التراب فوقي

اتمنيت اني لو كنت مكانهم في الدنيا

لكنت توبت وكنت صليت الفجر امبارح

كنت دعيت ربي كل يوم

كنت جددت توبتي كل يوم

كنت بطلت معاصي

وقعدت اصرخ يا ناااااس
انتبهوا لا تغركم الدنيااا

اتمنيت لو حد يسمعني.




يارب تكونوا استفدتم من القصه دي وتكون عجابتكم...وعايزه اشوف الردود بقى.

وادعوا ان تكون لنا الرحمه جمييييعا.

[mido201010]

والله توبك رائع وأكثر من رائع وربنا يهدي الجميع

[iLWda3]

والله توبك رائع وأكثر من رائع وربنا يهدي الجميع

ميرسي ليك يا ميدو...ونورت التوبيك.
ويارب يهدي الناس كلها.

[shosho_hdeb]

لا جامد بجد التوبك
انا قلت ده مقلب فى الاول
بس بجد التوبك جميل اوى
تسلم ايدك

[HoBa HoBa]

ميرسى كتيييييييييييير
بجد استفادت منها كتير اوى اوى
وقصة حلوة فعلا
يسلمووووو

[iLWda3]

لا جامد بجد التوبك
انا قلت ده مقلب فى الاول
بس بجد التوبك جميل اوى
تسلم ايدك

ميرسي يا قمر على مرورك الجميل ده. و انا عارفه والله انكم ممكن تفكروا انه مقلب في الاول..ونورتيني.

[iLWda3]

ميرسى كتيييييييييييير

بجد استفادت منها كتير اوى اوى
وقصة حلوة فعلا

يسلمووووو

ميرسي ليكي انتي على مرورك الجميل ده ياقمر...ونورتي التوبيك.

[~ man neO ~]

بارك الله فيكى وجزاكى الله خيراا
ويارب اجعلناا من التوابين المتطهرين
واجعلناا من ورثه جنه النعيم

[ahmedfaash]

النتيجة الازهرية الساعة كام ارجو الرد

[iLWda3]

بارك الله فيكى وجزاكى الله خيراا

ويارب اجعلناا من التوابين المتطهرين

واجعلناا من ورثه جنه النعيم

ميرسي ليك يا عبدالنبي على مرورك الجميل ده...وامييين يارب يجعلنا من التوابين والمتطهرين.