هل انت مستعد للتبرع بأعضاء جسدك بعد مماتك؟

[أسوو]

السلام عليكم ورحمة الله وبركاته

ازداد الحديث عن ظاهرة التبرع بأعضاء الجسد بعد الوفاة، وفي كثير من الاحيان يكون صاحب القرار في هذا المجال ليس صاحب الجسد نفسه، وانما ذووه، وتكون عادة حالة الاهل اصحاب القرار الفصل ابعد ما يكون عن التفكير بمثل هذه الجوانب الانسانية، ان يفكروا بالغير. فهم يحاولون في هذه اللحظات لملمة جراحهم والتغلب على مصابهم والصمود امام احزانهم. فكيف لهم ان يقرروا منح اعضاء من عزيز فقدوه لاحد؟

ومهما كانت قسوة اللحظة ومهما استولت على القلب والعقل بعد وقوع الفاجعة، إلا ان الانسان يبقى انسانا حتى في احلك الظروف بالنسبة له، فيقول نعم اوافق على منح اعضاء عزيزي لشخص يسترد بها حياته المشرفة على الانتهاء، فيرى عزيزه المفقود قد وزع الحياة على اكثر من شخص، وصار يعيش فيهم. اي نستبدل عزيزا علينا بعدة اشخاص يصبحون لنا من اقرب الناس.

هل أنت مع التبرع أو ضده وما السبب ؟

[ηάdά]

اولا حمد الله على السلامه يا قمر وحشتينا جدا ويارب متغيبيش عننا تانى


وبالنسبه لموضوعنا انا مع التبرع اكيد لأنه بيخلق امل وحياه لأشخاص
كانوا فى اشد الاحتياج ليه وزى ماقلتى برضه ان ذوى المتبرع بيحسوا بوجود
الشخص اللى فقدوه فى الاشخاص اللى نجوا بفضل اعضاؤه

توبيك رائع اسوودمتى متميزه يا قمر

[sasolove]

انا ضده تماما
لاني اعضانا واجسامنا ملك ربنا وامانه عندنا ولازم نحافظ عليها

[No TiMe]

جميل اسو علي التوبك الاكتر من رائع دا
وفعلا الواحد اللي بيتبرع باعضاء جسدو يبقي حرام عليه اولا
لان ربنا وهبها لينا علينا نحافظ عليها قبل الممات وبعده
يسلموو بجد اسو علي التوبك الجيمل دا

[ηάdά]

طيب سؤال لساره واسلام
فى حالة وجود شخص مقرب جدا منك ( لا قدر الله طبعا ) كان فى حاجه للتبرع ده

وانا بقصد بمقرب جدا ابن او اخ او اخت
ده هيكون برضه نفس موقفكم ؟

[sasolove]

ايون هيكون نفس موقفي صدقيني واقرب الناس ليا هدعيله لكن مش اعلجه بغلط صح ولا ايه وبعدين كل واحد ليه عمر واخده لاعضاء غيره مش هيزود ولا هينقص من عمره وكمان انا مؤمنه بالله سبحانه وتعالي وافضل انه يرجع لربنا بعضو واحد غيرة مش نعرف هو راضي عن كده ولا وحتي لوراضي مش منحقه يتنازل عنها او يتبرع بيها ولا الافضل يرجع لربنا بنفس خلقه حتي لو ادمر عضو منها ربنا هو الي بيعطي وهو الي بياخد

[HoBa HoBa]

اولا موضوع هايل
وانا ضده وعمرى مش هتبرع باعضائى
لانها فعلا زى ما قالت ساسو
ملك ربنا
وكمان لو ربنا عايز الشخص ده يموت وحتى لو خد عضو منى
هيموت برضه

[نصراوووووى]

مع التبرع طبعاً ولكن مبصفاء النفس

مش تبرع قدام الناس ومن تحت الطربيزه حاجه تانيه

والتبرع بيدى روح الحياه من اول وجديد

نايس على موضوعك الجميل ده

[alaa_alaa22]

اه انا مع الموضوع دا جدا ونفسى اوى انى اهلى ينفذوا دا

[طلة القمر]

حمد الله على السلامه اسوو
انا من قراتى للكلام
حسيت ضغطى علا
لو اتحطيت فى الموقف ده حعمل ايه
صعب اتبرع بانسان غالى عليه
بعد وفاته
لكن ممكن انا اتبرع لحياته وهو عايش فى اعضاء ممكن التبرع بها دون الضرربالاخر
مثل جزء من الكبد
الكليه
انا قرات مره انه ممكن العين

وعلى فكره ممكن الانسان يقول رايه فى موقف
ولكن لما يكون فى نفس الموقف تلاقى قراراته اتغيرت تماما
لان العاطفه بتغلب ساعتها
وحصل معى ان خالى تعب
وبدون تفكير لقيت بعرض تبرعى لكن امر الله نفذ
ياريت كنت نزلتى راى الشرع ايه
حاولى تجبيه
بارك الله فيكى