الدرس انتهى

[gongoma]

اشعار صلاح جاهين - قصائد صلاح جاهين
اسمه الحقيقي محمد صلاح الدين أحمد حلمي. ولد فى 25 ديسمبر عام 1930. لم يستكمل دراسته فى الفنون الجميلة، ولكنه حصل على ليسانس الحقوق. تزوج الممثلة منى قطان، التي اشتركت في تمثيل الأفلام التي انتجها، وابنه هو الشاعر أيضا بهاء جاهين. وعمل فى عدد من الصحف والمجلات. و هو
من أشهر شعراء النبط في مصر
صلاح جاهين

الدرس انتهى

الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس

[فرعون المنتدى]

السلام عليكم ورحمة الله وبركاته مشكورة اختى
على الشعر الرائع
تقديرى
( فرعون المنتدى )

[gongoma]

ميرسى على مرورك اخى الكريم واتمنى ان ينال اعجابك

[superman1985]

ميرسي كتييير علي الشعر الجميل ده

[gongoma]

ميرسى على ردودك العطره