انابتكلم انجليزى بس محبش اسمعه

**القطار** · 6 - 7 - 2009, 12:55 AM

السلام عليكم ورحمه الله وبركاته
اخوكم الاواب
عضو جديد يشرفنى انضم ليكم
الوظيفه/قائد قطار
من محافظه الاسماعيليه
نخش فى الموضوع بتاعنا انا بفضل الله بتكلم انجليزى لبلب
بس محبش اسمعه؟؟؟؟؟؟ ازاى يعنى

احنا كلنا فى المنتدى مصريين يعنى عرب يعنى لغتنا العربيه
مش هنقول يجب ان نتحدث العربيه الفصحى لالالالا
نتكلم العاميه عادى مع بعض ونعتز بيها زى الغرب ماهم معتزين بلغتهم
احنا سمعنا افلام كتيرومسلسلات وبرامج اجنبيه مسمعناش ولا كلمه عربى واحده فيها ليه لان الناس دول معتزين بلغتهم وبيقولولك عاوز تكلمنى اتعلم لغتى طيب ليه انا كمان مقلوش عاوز تكلمنى اتعلم لغتى؟؟؟؟؟
واللغه العربيه زى محنا عارفين هى لغه القرأن ولغه اهل الجنه
المهم علشان مطولش عليكم بلاش بقى فى كتابه المواضيع والردود
نقول (بليز و اوكيه و سورى و هاى و ولكم وثانكث و واو يا مان
وبرافو )والحجات دى علشان احنا قربنا نبقى دوله غربيه الملابس
الكتابه عليها انجليزى والمحلات والاحذيه والشنط والكتب والكرسات
والعربيات وحتى اولادنا بقينا نسميهم اسامى اجنبيه الخ الخ

واقعدو بالعافيه على رأى ابو حفيظه

والسلام عليكم اخوكم الاواب

**بحر الحنان** · 6 - 7 - 2009, 01:03 AM

ايه ياعم الدخلة الجامدة دي
اكيييييد طبعا كلنا بنحب اللغة العربية
بس الانجليزي عشان لغة العالم كله
اهلا بيك وسطنا ومنورنا ومن غير هاي
يارب تنبسط معانا ونشوف لغتنا الجميلة معاك

**احمد بيسو** · 6 - 7 - 2009, 03:58 AM

منور يا مان

**القطار** · 6 - 7 - 2009, 10:55 AM

شكرا بيسو الرد باين من التوقيع

**القطار** · 6 - 7 - 2009, 10:58 AM

شكرا بحر الحنان على الذوق فى الرد

**الفتاة الصغيورة** · 7 - 7 - 2009, 02:35 AM

**طلة القمر** · 9 - 7 - 2009, 09:48 AM

اهلا وسهلا بك معنا يا اواب
وانشاء الله تفيدنا وتستفيد منا
كلامك انت عندك حق فيه
وربنا يهدى الجميع

**القطار** · 10 - 7 - 2009, 03:03 PM

شكرا صغيوره على الترحيب الجميل

**القطار** · 10 - 7 - 2009, 03:06 PM

جزاك الله خيرا
ردك فعلا بالنسبه لى (طله قمر)

**القطار** · 28 - 7 - 2009, 11:16 AM

اشكر الجميع على الترحيب

الموضوع: انابتكلم انجليزى بس محبش اسمعه

أدوات الموضوع